Бакуде бокстан Әлем Чемпионаты басталды



Бүгін Бакуде бокстан Әлем чемпионаты басталды. Ойындарды Қазақстан ҰТА көрсетеді және интернеттен AIBA-ның Youtube-тағы каналынан қарауға болады.

Қазақпарат ұсынған біздің боксшылар және алғашқы қарсыластары туралы ақпарат:

Сонымен Баку шаршы алаңына ең бірінші көтерілетін 49 келі салмақ санатындағы Біржан Жақыпов кубалық Йосвани Вейтиамен жұдырықтасады. Айта кетерлігі, 19 жастағы кубалық боксшы әлемдік деңгейдегі жарысқа алғаш рет шығып отыр. Бұл жұпта басым түскен былғары қолғап шебері ағымдағы жылғы Еуропа чемпионатының жеңімпазы болгариялық Георгия Андоновпен кездеседі.

52 келі салмақ дәрежесінде жұдырықтасатын Олжас Сәттібаев 27 қыркүйек күні мароккалық Абдельфаттах Нафиляға қарсылық танытады. Бұл салмақта 59 боксшы өз бағын сынайды.

Ал 60 келі салмақ дәрежесінде шаршы алаңға әлемнің 66 елінің өкілі көтеріледі. Еліміздің екі мәрте чемпионы, 2010 жылғы студенттер арасындағы әлем чемпионатының жеңімпазы Ғани Жайлауов алғашқы жекпе-жегін 1 қазан күні жапондық Шота Накаямамен өткізеді.

Әлемнің 67 былғары қолғап шебері қатысатын 64 келіге дейінгі салмақ санатында Қазақстан намысын қорғайтын Данияр Елеусінов 30 қыркүйек күні шотландық боксшы Джош Тэйлормен жекпе-жекке шығады.

Серік Сәпиев 29 қыркүйек күні эквадорлық Карлос Санчезбен кездеседі. Айта кетерлігі, С.Сәпиев жұдырықтасатын 69 келі салмақ санатында 63 боксшы шаршы алаңға шығады.

75 келі салмақ санатында 67 боксшы әлем чемпионы атағы алу үшін барын салмақ. Бұл салмақта шаршы алаңға 1 қазан күні шығатын Данабек Сужановтың қарсыласы Тайпейлі Янг Ю Тинга.

Ал Әділбек Ниязымбетовтің (81 келі) алғашқы қарсыласы молдавандық Владимир Челес.

Жарыс жолын екінші айналымнан бастайтын астаналық Василий Левит 3 қазан күні Вильмс (АҚШ) пен Дирнфилд (Словакия) арасындағы жеке жектің жеңімпазымен жұдырықтасады.

Әлем чемпионатына ауыр салмақтағы 40 боксшы қатысады. 2 қазан күні шаршы алаңға көтерілетін Иван Дычконың қарсыласы «Astana Arlans» командасының құрамында өнер көрсеткен сербиялық легионер Милутин Станкович болмақ.

«Біздің бапкерлер боксшылардың дайындығы өте жоғары болғандығын айтуда.

Қазақстан бокс федерациясы бұл әлем чемпионатында Олимпиада ойындарының 5 лицензиясын және 1 алтын, 1 күміс, 1 қола медаль ұтып алуды мақсат етіп отыр. Әрине, біз құраманың чемпионатқа лайықты дайындықпен келуі үшін қолымыздан келгеннің бәрін жасадық. Жеребеге қатысты айтар болсам, 49 келі салмақ санатындағы Жақыповқа кубалық өте күшті боксшы тап келді. Ол жастар арасындағы әлем чемпионатының қоласын ұтып алған болатын. Дегенмен, менің ойымша, біздің боксшының бұл қарсыласты ұтуы үшін тәжірибесі де, күші де жетеді», — дейді Қазақстан Бокс федерациясының вице-президенті Серік Қонақбаев.

Боксшыларымыз жекпе-жек өткізетін күндер:

26 қыркүйек — 49 кг Біржан Жақыпов — Йосвани Вейтиа (Куба)

27 қыркүйек — 52 кг Олжас Сәттібаев — Абдельфаттах Нафиль (Марокко)

28 қыркүйек — 81 кг Әділбек Ниязымбетов — Владимир Челес (Молдова)

29 қыркүйек — 69 кг Серик Сәпиев — Карлос Санчез (Эквадор)

30 қыркүйек — 64 кг Данияр Елеусінов — Джош Тэйлор (Шотландия)

1 қазан — 60 кг Ғани Жайлауов — Шота Накаяма (Жапония)

1 қазан — 75 кг Данабек Сужанов — Янг Ю Тинг (Қытай Тайпейі)

2 қазан — +91 кг Иван Дычко — Милутин Станкович

3 қазан — 91 кг Василий Левит — қарсыласы Вильямс (США) пен Дирнфилд (Словакия) жекпе-жегінен кейін белгілі болмақ.

www.inform.kz/kaz/article/2407697
Бөлісу:

62 пікір

TERISKEY
Жаңа ғана Біржан Жақыпов жеңіліп қалды
asaubota
қайдан қарап отырсың? мен мына жерден қарадым, ондай ақпарат жоқ: 88.85.4.2/results-daily-off_E.html
TERISKEY
TERISKEY
Осы жерден көрсетіватқан мана түсте дейд балдар.
saken
бірден Кубалықпен кездескені өкінішті…
басқа жігіттердің жолы болсын енді деп тілейік.
asaubota
ставкамды Елеусіновке тіктім, алтынды алса осы жігіт алады. қалғандарынан үміт күтпеймін.
asaubota
Біржан Жақыпов 21:11 есебімен таза жеңіліпті кубалықтан.
omarbirat
Түсте мына жерде трансляциясы болуы мүмкін: www.youtube.com/user/AIBABoxing#p/l

*«В эфире» деген сілтемені басу керек.
omarbirat
Баспаса да болады екен. Онсыз да трансляцияның сілтемесін беріппін
Nurgisa
Бүгін Олжастың олжасын күтейік. Олжас менің қасым емес, тілеулесім.
Bayan_
81 келідегі Ә.Ниязымбетов Болат Ниязымбетов деген боксшы болып еді ғой, соның інісі ме?
Әлем чемпионатын "Қазақстан" арнасынан көрсетеді екен.
asaubota
мен де соны ойлап отырмын, баласы не інісі емес па деп.
Nurgisa
"Қазақстаннан" тікелей эфир боларына күмәнім бар. Ал жай трансляцияны қарау өзекті емес сияқты…
asaubota
тікелей көрсету үшін әлі бір ғасыр керек, біз әзірше 21-ғасырдамыз.
omarbirat
Фамилиялас сияқты. Болат Ниязымбетов Жамбыл облысынан, Әділбек ақтаулық екен.
Janasil
asaubota
мынау Азия чемпионатының видеосы ғой
Nurgisa
Айтпақшы, өткенде бір жаңалық «гүрс» ете қап еді: как-то әзірбайжандықтар ауызбастырыққа өздеріне екі алтын сатып алмақшы болған. Түсінесің ғой оларды, өз жерінде өткізіп жатыр, бір тарих қалу керек қой
asaubota
құрығанда бір алтын алатын шығар олар
asaubota
бізде әзірше бір жеңіс, бір жеңіліс па?
asaubota
Ниязымбетов те жеңіпті. бүгін тек Сапиев шығады екен, Астана уақытымен шамамен 15-00де
www.kfb.kz/index.php?option=com_content&view=article&id=333:28-sept-niazimbetov&catid=3:tournament-news&Itemid=18
Abilakim
рахмет, көру керек екен.Осы жолы жолы болмаса Сәпиевтің дәурені өтті деп білем
omarbirat
Сәпиев эквадорлық Карлос Санчесті айқын басымдықпен жеңіп, келесі кезеңге өтіпті. Бірінші раундтың өзінде есеп 12:3 (Сәпиев — Санчес) болған екен.
Бүгін Данияр Елеусінов шығады-мыс.
Nurgisa
Тікелей тарататын онлайн каналдар бар ма екен… Бір де бір белдесуді көрмедім күні бүгінге дейін. Записьтен көргім келмейд.
omarbirat
Тікелей таратылым 4 қазаннан бастап болады екен. Мекені сол баяғы www.youtube.com/user/AIBABoxing#p/l
Финалдарға іріктеу кезіндегі ойындарды көрсетуді АИБА-дағылар қызық санамаған болса керек.
omarbirat
Сілтеме бойынша өтіп, АИБА-ның каналынан күнделікті болған ойындардың қысқаша қорытындыларын көріп тұруға болады әзірге.
Nurgisa
Тәәәк… Рақмет. Өзбектерден қалып кетпейік, әйтеуір. Қызылбет Қарабет болып.
omarbirat
Тікелей эфирден бокс көрем деушілерге: www.youtube.com/user/AIBABoxing#p/l/Q-DqDhT5--I

omarbirat
Елеусінов венгрден 17:11 есебімен жеңіліп қалыпты.
Armanjan
Сапиев жыртатын шығар, сенеміз!
TERISKEY
Кеше болған жекпе-жектер қорытындысында біздің 6 боксшымыз келесі кезеңге аяқ басты, Жанг Жилейге кеткен есе екінші рет қайтарылды, 60кг-да Ғани бүгін үндімен, 69-да Серік Сәпиев америкалықпен, 75-те Данабек бразилецпен, 81-де Әділбек, 91-де Василий қытайлықтармен, +91-де Дычко хорватпен шығатын болды. Бастысы (әзірге) бұл бәсекелерден 4 жолдама(олимпиадаға) қолда!
Nurgisa
4 жолдама аз…
TERISKEY
жалпы бесеу ғой. Әлі де алда жарыстар бар, дегенмен жігіттер жарап жатыр.
omarbirat
6 лицензия емес па?
Украин Ломаченко ұшып кетіпті ғой.
TERISKEY
Алтыншысы кім?
Иә, жеңілместей көрінген Ломаченко да жеңіліске ұшырады ақыры. Расында, әділетсіздік болды деп, оқырайындар оқырасып, шуласыватр, қайта біздің Ғаниға да жақсы болд, бір сұмдық қарсыласынан құтылды
Nurgisa
Омар, Теріскей, біздікілердің белдесулері ютубта бар ма? Бөлісіңдерші, біліп жатсаңдар.
TERISKEY
Омарбрат қоймаса, мен қоя алмайм ше сондайларды, ал тікелей эфирде көргісі келетіндер түсте мына жерден көре алады:
www.yildiz.tv/?act=dvr&chan=idmanaz
Nurgisa
Кешіктермей, тез-тез қойғаныңа таң қалып отырмын! Жарадың!
omarbirat
Кешегі жарыстар ғой деймін. Үлкен-үлкен видеолар салыпты, АИБА-ның кеміндетоқсанжасжасағырлары
www.youtube.com/watch?v=Q-DqDhT5--I&feature=feedu

www.youtube.com/watch?v=edP6VHONXtM&feature=feedu

www.youtube.com/watch?v=SHR04XbZt1o&feature=feedu

www.youtube.com/watch?v=RgEkTKhwmdE&feature=feedu
Nurgisa
Рақмет, құрдас!
TERISKEY
Жеңілген Жанг Жилейдің түрі  (В.Гаркушаның фотосы)
omarbirat
Сәпиевтің кешегі жекпе-жегін көргісі келгендер бірден мына видеоның 2 сағат 22 минутына секірсін:
TERISKEY
Ширек финал.

Түскі бағдарламада ( 16.00 Астана уақыты бойынша)
75 кг — Данабек Сужанов — Эскуива Фальсао (Бразилия)
81 кг — Әділбек Ниязымбетов — Менг Фанлонг (Қытай)
91 кг — Василий Левит — Ксуанксуан Хван (Қытай)

Кешкі бағдарлама ( 20.00 Астана уақыты бойынша)
60 кг — Ғани Жайлауов — Джай Бхагван (Үндістан)
69 кг — Серік Сәпиев — Эррол Спенс (АҚШ)
+91 кг — Иван Дычко — Филипп Хргович (Хорватия)
TERISKEY
Ал, жаңалық!!! Украин Ломаченконың берген шағымын АИБА қабылдап, қарап, жарысты ары қарай жалғастыру құқығын беріпті. Бүгін бір өзбекпен шығады екен. Ғани Жайлауовқа деген қуанышымыз ерте сықылды.
TERISKEY
Тағы жаңалық: 75 кг — Данабек Сужанов — Эскуива Фальсао (Бразилия) (10:13) текетіресінде ұтылып қалдық
ErNur
Сілтемесін қоя аласың ба?
TERISKEY
Анау жоғарыда жазған сілтемемнен кеше әжептеуір көріп отыр ем, бүгін чет ашылмай тұр ғо. АИБАның адресі арқылы барып та бүгінгі күнді жазсаңыз онлайн боватқан белдесулер шығады (менде лимит көп кетед ол жаққа барсам)
ErNur
kaban.tv/rossiya-2-online Осы жерден қарап көріңдер
TERISKEY
81 кг — Әділбек Ниязымбетов — Менг Фанлонг (Қытай). Жерлесіміз жеңді!!!
saken
Сәпиевтің финалға шыққанын оқып қуанып отырмын!!!
asaubota
екеуі де финалда жеңіліпті
Nurgisa
Орыстар бір алтынды ғана місе тұтыпты. Куба өрлеген бе деп қалдым… Өзбектер бізден озды ма екен?
omarbirat
Мынау чемпиондардың тізімі ғой деймін: 88.85.4.2/home.fwx#
saken
((

Украина бәрін жыртыпты ғой…
omarbirat
Жыртты, жыртты. Бразилиялықтардан бақандай екі чемпион болады деп кім күткен.
omarbirat
Бұрын бразилиялықтарды теке футбол мен ережесіз жекпе-жекпен байланыстырушы едім. Әуесқой бокстағы бразилиялықтарды мүлде елестетпейтінмін.
saken
айтпа. Бразилия футболдан басқа да Олимпиадада командалық есепте нәтиже бере алатын спорттарға мән бере бастағандай.
omarbirat
Біреу екен ғой  Екеу кубалық екен.