Құдайдың кереметтігі: VHS-кассеталардағы оттаған дәлелдер

Бұл жазбам осындағы бір пяншіктің жазбасына соншалықты шүйліккеніме түсініктеме болып табылады.

Гарун Яхия. Пайғамбар емес шығар нақ, пенде ғой. Шынын айтқанда, бұ кісінің жанамағылыми айла-тәсілдері күлкі үйіреді. Жаратқанның атын атап ақыратын арыстан; мұндағы кейбір желөкпелер айтатын Кустоның әлгі басы піспейтін теңіздері; гендік инженерия, саясат — барлығы осы кісінің кассеталарында. Негізі, жаңалық ашып отырған жоқпын: мешіттер мен діни қауымдастықтардың тұрақты жама'аты болып табылатын физиктер мен басқа да ғалымдар, діндарларға Гарун Яхияның тұжырымдары ғылыми тұрғыдан сын көтермейтінін, популизм екенін, со бір Құранды танып білуде — осыбір күмәнді дәлелдерді пайдаланбай-ақ қойыңдарш деп, ескерткен, жалынған. Көзімше бірнеше рет айтылған. Бірақ Яхияның "ғылыми" тұжырымдарының жанға жағатыны соншалық: молдекеңдер со бір физиктерді кекетіп-мұқатудан әрі аспады. Ал олар не істесін: әйтеуір Құдайым-жүрегімде ғой деп, кейін жама'аттарына бармай кетті.
Бір уақыттары Яхияның кітаптарының желісі бойынша түсірілген VHS кассеталары ел ішінде тез әрі көп тарап кетті. Ептібайымайдтың, екіге екі қосуды әрең білетін көрсеқызарлар дереу білгір ғалым болып шыға келгені! Әсіресе Кустоның көтінен бір қалмады-ау! Жеке өзіме — кезінде досым делінетін біреу отыз шақты кассетаны аузы-мұрнымнан шығарып тығып кеткен. Осы Құдайды ғылыми жолмен танымай-ақ қойсақ айтеді деген жұмсақ ұсынысты түсінбеді. Сосын мазамды алып біткесін — наққа жіберуге тура келді.
Және — осы Гарун Яхия дегеннің шығармашылық өнімділігі таң қалдырады. Лібә, жаза береді екен нақ енді шаршамай! Ақыры, перғауынның суға кетіп өлгені туралы әфсананы… Мысырда айдалада жатқан бір арбаның дөңгелегі арқылы дәлелдеуге көшеді! Осы жерде менің де шыдамым таусылып, отыз-қырық кассетаны қоқысқа атып ұрғам.
Уа жама'ат, дінді уағыздауда ғылым сендерге көмек болмайды, нақтар кілең!!!
Бөлісу:

18 пікір

Onlasyn
Дүниенің жаралуына сенің нұсқаң қандай?
omarbirat
Шаршамай жаза беретіндігінің себебі — жазған кітаптарының авторлары әртүрлі адамдар дегенді естіген едім. Харун Яхья, типі, сол кітаптарды шығару мен маркетингімен айналысқан. Ал аптырлық құсқық жағын қалай шешкені маған гбеймәлім. Бұрын кітаптарының көптігіне мен де «Лібәәә, не деген ақылды адам» деп таң қалған кезім болып еді.
asaubota






өмірі өте қызық адам. бұрын Аднан Ходжа деген жаңалықтардан түспеуші еді, кілең фотомодельдермен жүретін. сол сотталды кейін, соның жазбалары үшін Wordpress.com жабылды Түркияда. сол Аднан Октар ходжа деген осы Харун Яхья екенін кейін білдім
Zhan
Cонда оның жазғандарына сенбей-ақ қою керек пе? Мен деген оның жазбаларына таң қалып жүрсем…
konvict
Аднан Октай біздің елге де келіп кетіп еді ғой кезінде
sakenspb
интересно, фотомодельдермен неге жүреді
Onlasyn
Негізі Харун үлгі алатын адам емес.
asaubota
иә, мүмкін кітаптары жақсы шығар. бірақ, үлгі алатындай емес. қазақтың бұл туралы мақалы да бар ғой.
Onlasyn
«Молданың істегенін емес айтқанын істе».
Бұның талай қыртқан тірліктері туралы естігенмін
e_zhalgas
оқымағам, көрмегем, кім екенін білмеймін
ken
Осыны кім қаржыландырады? Арабтар ма?
Qojeke
Мен білсем, бұл адамның кітаптары мен еңбектерін гүленшілер ұнатпайды. Бірақ Аднанның өзі Гүленді қолдайды
e_zhalgas
небір қитұрқылар осында жатыр десейш
omarbirat
Мен гүленшілер арқылы танылды деп ойлап жүріппін, ендеше.
asaubota
просто андай левый движениелері көп болғасын шығар
satvaldo
адам Аднан сол арқылы байып алды. өзін қарапайым тақуа адам көрсетуге тырысып келді. алдыңғы жылдары фб-де бұл сабаздың соңғы модель манита «Мисс Тр»лермен түскен суреттері, бірнеше қалаларда орналасқан «акыллы евлери», жағажайлардағы виллаларының суреттері болған.
бұл адамның кітаптары мен еңбектерін гүленшілер ұнатпайды. Бірақ Аднанның өзі Гүленді қолдайды
себебі, Ергенекондағы белді тұлғалармен және шетелдік масон ложаларының мүшелерімен түскен суреттері, сөйлескен кассеталары бар. бұл деген түріктер үшін «приговор». ал, Гюленді қолдаймын деу — қоғамда (әсіресе, джмемаат ішінде) позитив пікір қалыптастыру амалдары.