Адамнан қулық артылмас.

13 қыркүйек 2011, 09:10

Өмірде пайдасы тиіп қалар. Біле жүріңіз.
-Асау жылқыны немесе сауын биені базарға апарып сатар алдында аузына бір шиша арақ құйып жібереді екен. Содан әлгі атыңыз бір күн бойы моп-момақан болып артыңыздан еріп жүре береді. Жуас деп мақтап-мақтап сата беріңіз.
-Базардан союға қой іздегенде абай болыңыз. Артқы сирақтарына қараңыз. Байлау болуы мүмкін. Мұндағысы, арықтау қойдың сирағынан жел береді екен де қайта шықпасын деп сирағынан байлап қояды. Үйіңізге барып бауыздап қалсаңыз желі шыққан доптай «пыс» ете қалады.
-Осы жел беру әдісін қойды бауыздағаннан кейін терісін сыпырар алдында да пайдаланады. Сонда терісі өздігінен алынып түсе қалады.
-Кей бір тиыны алынуы қиын балықтарды тазалар алдында ыстық суға салып жібереді екен. Сонда тазалануы онай болады.
-Құрылыс салумен айналысатын кей бір фирмалар біз жақта көптеп босап қалған ескі базаларды арзанға сатып алады екен де, бұзып кірпіштерін жаңадан салып жатқан ғимараттардың ішкі жағына өріп жібереді екен.

заманың қасқыр болса тазы боп шал, адамнан қулық артылмас

11 пікір

Ауа ағзаға кіріп кетсе, ағза иесі сол жерде қата қалмаушы ма еді?

Жасыру

Тері мен еттің арасына жібереді.

ләйліп тұрған атты көрмеппін нақ))) Шу асау атқа арақ берсең жуас болады деген қауесетке күләндәнәм ыхххх)))

Мал базарда көп жүретін танысым айтқан еді.

ия бұл рас… момын болып қалады

Рас, адамнан қулық артылмайды. Бір мұғалім сабақты строго презентация арқылы өтті, тест сұрақтары да сол өзінің презентацияларынан, оны сұрасақ бермейді, содан балдар ортақ компқа драйвер орнатып барлық файлдарын көшіріп алды апайдың флэшкасынан. Апай да мәз, біз де мәз