Кибер-айтыстың екінші жұбы

Кибер-айтыстың екінші жұбын @a63a1 мен @meirzhan құрады. Көпбалалы болған бір балалы болғаннан жақсы! деп айтысқан @a63a1 алғашқы сөзінде бүйдепті:

Ия жақсығой, Әйелім шыдап берсе бытырлатайын деген ой бізде де бар. Оны бұйыртса көре жатармыз. Дегенмен еліктеп елпініп жүрген ініңнің болғанына не жетсін, еркелеп аға дейтін қырмызы қарындасыңның болғанына не жетсін, еркелетіп айналған әпкеңнің болғанына не жетсін, алдыңа қарап бой түзер, қиында қамқоршы болар, қарсы желге қасқайып тұрып ығына алар ағаңның болғанына не жетсін. Жаманыңды жасырған, жақсыңды асырған баурларыңның болғанына не жетсін. Бордай тозып, тарыдай шашылған кейбір ағайындар да бар оны айтпай кете алмаспыз, бірақ ағайынның азары болса да, безері болмайды жеме-жемге келгенде сол ағайындар бір-біріне көмек беріп жатқанында көрген көзғой мынау. Туғаны жоқ «тұл» тұлға, эгоизмге "құл" тұлға.

Бұл сөзден кейін жауап қатпаған @meirzhan көп күттірді. Сабыры таусылған @a63a1 былай деп тамызып қойды:

босада бір пікірім капут болды, бірдеңе айтайын: Номеке қайдасың девжіверчі а то неудддоообный положениеде отырм

Алты жарым сағаттан соң келіп алғаш рет пікір жазған қарсы жақ (@meirzhan) былай деді:

Ау, халайық, көп күттірді деп айып етпессіздер. Дебат уақыты нақты белгіленбегендіктен әрі келісілмей бастап кеткендіктен осындай жағдай болып қалыпты. ондай-ондай Гороның да қызында болады екен. Ал біз жай ғана пенде-сабзеромыз.

Ары қарата
деді. Байқасақ, бұл пікірдегі

Және бала неғұрлым көп болған сайын демек өлім де көп болады. Әр жақын туысыңды о дүниеге шығарып салу өте қиын тиеді.

деген қатарлар үшін минустарын аямайтын жамағат жомарттық танытса да артық болмас еді. Бірақ осы пікір үшін +6 алды.

Әлеуметтік жағдайды себеп деп тапқан және қарсы жақтың (Noman-ның) қолтығына су бүркеген @edige Ноумэн келмей тұрып сабырсызда бүйдеді:

Наққа керек көп бала, бағып, жағдайын жасауға шамаң жетпесе…

Оған @a63a1 қарап қалсын ба. Сол сәтте халық даналығын пайдалана отырып бүйдеді:

Көпбалалы болған бір балалы болғаннан жақсы! деген ұстанымға үзілді-қырқылды қарсы шыққан @meirzhan былайша үн қатты:

Ең бастысы сапа. Бала неғұрлым көп болса, соғұрлым әр балаға аз уақыт, ақша, көңіл, тәрбие т.б.-лар бөлінеді. Мысалы, 10 тетелес бала болса, олардың барлығын жоғары оқу орнында оқыту қиын. Сондықтан өмірдің қатал заңы кейбірі оқи алмай қалады, басқа біреуі әзер ілінуі мүмкін. Оқу қиын дегенім әдетте жасы үлкендер кішілеге қарайды, сөйтіп өзіне уақытын жұмсай алмайды. Сабақтары қараусыз, тренировакаға бармаған, бала қарағаннан басқа түк білмейтін адам болып шығады. Әке-шешесі Барлық баланы ақылы оқыта алмайды. Сондықтан 10 баланы колледжде оқытқанша, 1 баланы шетелде немесе ҚЗ-да белді оқу орнында оқыттырған жақсы. 10 бала тамақты дұрыстап жемей, ауру болған, киімі тозып, аға-әпкелерінің киімін кигенше, бір бала болсын. Ол бала сау, киімі бүтін, көңілі тоқ болады.

Ары қарай тағы бір пікірмен кибер-айтыстың қызығын кіргізе түскен Ноумэн былай деді:

Заманына қарай бала саны. Қазір әке-шеше азаннан кешке шейін жұмыс істеуге мәжбүр. Мұндай жағдайда көп баланы туып, асырап, тәрбие беру физикалық тұрғыдан мүмкін емес. заманнан қалмау үшін тынбай еңбек етеді. Не балалармен үйде отырып қаласың, отбасы экономикасы дамымайды, не 1 балаға қарап үлгеріп жұмыс істеуге болады. Тіпті қазір ауылдардың өзінде көпбалалы отбасылар өте аз.

ары қарай

Жантанушылар не дейді?: Көп балалы отбасыда өмір сүрген балалардың жүйкесі тыныш емес, конфликтерге көп түседі екен сыныптастарымен. Ал отбасыдағы бір бала үлкен кісілермен көп араласқандықтан саналырақ болады. Үлкен кісі сияқты ақылды болады. Ал көпбалалы отбасы "қазір мені біреу ренжітеді, тартып алады деп" жүйкесі қозып тұрады екен. Көп балалы отбасыларда балалар бірін-бірі жарақаттаған оқиғалар көптеп кездеседі екен. баланың аты бала ғой. Жасы үлкендер кішілерге түрлі «опыттар жасайды». Немесе қорқытам деп көздерін қыли қылдырып жатқан оқиғалар көптеп кездеседі. Ең көп оқиғалар — баланың қолын шығарып алу. Көпбалалы отбасыларда шеше көбіне жасы үлкен балаға сенім артады. Оның өзі бала болса да. Баланың көңілі далада емес пе. Баланың ісі шала деген де бар. Ол кіші бауырына дұрыс қарамай, түрлі жағдайларға әкеледі екен.

деп жалғастырды.
Қуығы толған тазыдай болған Ноумен келіп тағы бір пікір жазды:

Әлеуметтік қорғалмаған топ. Көп балалы отбасы деген жақсы болса неге олар аз. Себебі көпбалалы отбасы болу деген материалды қиыншылықтардан тұратын өмір. Ал тұрмыс сананы билейтінін білеміз. Демек бұл рухани әлеуетке де әсер етеді.
Не себептен заңда көпбалалы отбасылар әлеуметтік қорғалмаған, әлсіз топтарға кіреді? неғұрлым отбасыда адам көп болған сайын оны асырау да қиын. Қазақстандағы көпбалалы отбасылардың көбі өзін-өзі асырай алмай, тілемсек болуға мәжбүр болып отыр. мемлекеттің көмегі бірақ бәрібір көпбалалы отбасылардың өмірін оңалта алмайды.

Ноумэннің қатар кеткен соққыларына Уесмэн келіп бүйдеді:

ЕЕЕ Нөмеке, бір баласы бардың шығар-шықпас жаны бар дейді, әрине асылық айтып қажеті жоқ, олда Алланың бұйыртқаны болар. Бірақ кейбіреулер денсаулығына, кейбіреулер тұрмысына, ал кейбір бетпақтар пигурасына қарап бір баладан асырмай жатады – енді бұлар туралы айтсам, қартайғанда пигураңа кім қарайд атаңанәлет-ау, мұндайлардан қайбір оңған бала туар дисің, көңілсіз әйелден көтсіз бала туады дейді, қартайғанда баласы жарытып қамқоршысына айналарына күмәнім күләндәнің күрешкесіндей, мысығыңмен күшігін құшақтап жалғыздықтан құса болып өмірден өтер.

Осы пікірге ғана жылдам жауап берген (11 мин. соң) Ноумэн былай деді:

ЕЕЕ, Есеке, бір баласы бардың дәурені жүріп тұрған заман ғой бұл, несін айтасың. Денсаулығына, тұрмысына, пигурасына қарап деп 3 себепті атап өтіпсің. Пигурасына қарап 1 бала ғана туады деген өте сирек кездеседі. 1 бала ғана туатындар кімдер? баланың қадірін білетіндер, уақытын бағалайтындар, баланың болашағын ойлағандар, көп бала асырауға материалдық әлеуеттің жетпейтінін жете түсінген саналылар, заманмен санасқандар, үйінде светы бар азаматтар

Ноумэеннің соңғы пікір оқып үлгермей жатсақ, Бұтақхан келіп, бүйдеді:
Осыдан кейін кибер-айтыс дауға айналды. Бұтақханның тіркелген күні: 12 қыркүйек 2011, 20:09. Ал айтыстың қортындысын шығарғаны 20:11. Мұндай махинацияға қалайша күмән тудырмасқа?
Жұт жалғыз болмайды дегендей, Бұтақхан жалғыз емес екен. Жанында мынадай нөкерлері бар

Айтыстың төрешісі, екі араға қыстрылып жүрген Гастарбайтер былай деп, айтысты қортындылады:

Уа жамағат!

Вобщем былай, сағат тоғыз болды. Йесман +10 алып Ноуманды нокдаунға жібергеніне 10 сағат болды. Ноуманның алғашқы пікіріңнен бері 3 сағат болды.
Бірақ Ноуман бұзақылардың әсерінен бір пікірімен берілген уақыт ішінде +10 жинай алмағандықтан. Нокаут болып есептеледі.

Жеңген амигоның нигі: a63a1 — немесе жай ғана Абзал
Нокаут алған жігіттің есімі: Мейіржан

Жазбамыз тірескенімен, басымыз тіреспесін деген ниетпен, Абзал мен Мейіржанның реалдағы сыйластығы арта берсін деген тілекпен, бұл сайысты жабық деп жариялаймын.