Садақа берудің заманауи шешімдері
Жақында Қазақстан Мұсылмандары Діни Басқармасының Зекет Қоры құрылды. Қор басында жүргендердің бірі — Керекинфо ардагері Едіге Алпысбай. Бұрын жұрт садақаны мешітке барып беретін еді, кейін банк есепшоттары арқылы төленетін болды. Ал қазір заманға сай заманауи шешімдер де қосылып жатыр екен. Осындай бастамаларды енгізуші Едігемен сұхбаттасқан едім.
— Садақаны Qiwi терминалының қай жерінен салады? Негізгі менюде бар ма?
Qiwi (ОСМП) терминалдарында мына жазуларды кезегімен басу керек: Оплата услуг — Другие услуги — Благотворительность — Фонд Закят.
— Қай номерге салу керек?
Номер енгізудің қажеті жоқ. Зекет қорының таңдаған кезде Қордың есепшоты көрсетіледі.
— Қайсысы тиімді? Банк арқылы ма терминал арқылы ма?
Қор үшін екеуі де бірдей. Қолма-қол ақша аударғысы келетіндер үшін терминалдар тиімдірек әрі қолжетімдірек әрине. Ал, үлкен сома аударғысы келетіндер үшін бакнтен шот ашып, сол жерден Қорға аударған ыңғайлырақ екені сөзсіз.
— Терминалдан басқа тағы қандай төлем түрлері қосылады болашақта?
Бүгіннен бастап Билайнның операторлары үшін смс хабарлама арқылы қаражат аудару мүмкіндігі іске қосылды. Ол үшін «2011» номеріне бос смс хабарлама жіберу жеткілікті. Әр хабарламаның құны 200 теңге. Жіберілген номерге жауап смс келеді. Сол арқылы хабарламаның қаражаттың аударылғанын білуге болады.Осындай мүмкіндікті басқа да операторлардың абонентеріне ұсынуға әрекет жасалуда.
— КерекИнфо қолданушыларына тілегің?
Елдің ертеңіне, ұрпақ болашағына жанашырлық таныта білейік! Алла тағала әрқайсымызға рухани кемелдік нәсіп еткей! Істеріңіз берекелі, әр күндеріңіз мерекелі болсын! КерекИнфо әрдайым саналы азаматтардың салиқалы ортасы болып келді. Сол үрдісінен жаңылмай, өз биігін сақтай білсін!
сол 200 теңгенің қаншасын провайдер ұстап қалады?
Өз басым садақаны жоқ-жітік адамдарға бергенді құп көремін. Нағыз болмаса, мәселен «мынау менің саған юерген хадиям болсын» деп марқұм жиен әпкемнен қалған екі ұлына немесе студент іні-сіңлілерім бар, соларға айлығымның 8% беріп отырамын.
«банктегі есепшотым томендегідей» деп бастап кетсең
Мешіттің ішінде отырып движение жасайды. Құдайынан қорықпайтындар деп соларды айту керек болар.
Молдекеміздің дәл осындай әңгімесін былтыр мешітке барғанда естіген едім. Ендігі жылдары шынымен жоқ жітік, мүмкіндіктері шектеулі адамдарға беретін болып шешім қабылдадым
Пікірлеріңізге рахмет. Айтылған пікірлердің қай-қайсысы болса да негізсіз емес. Қоғамдағы, әсіресе дін саласындағы тілге тиек етілген қолаңсыз жағдайлардың бары рас. Бірақ, сондай жағдайлардың туындауының түпкі себептерін жоюға бағытталған әрекеттер жасалуы керек. Біреуді жақтап, біреуді ақтайын демеймін, тек осы мәселелерді шешуге шынайы ықыласпен ел болып жұмылу қажеттіге де ақиқат. Зекет қорының құрылу мақсаты да осы еді. Бізді осы қордың жұмысын ұйымдастыруға шақырғанда да осы ниетпен келдік. Халық үшін жұмыс істейтін, ашық, ресми қызмет көрсететін, халықаралық деңгейде еркін қимыл жасай алатын қор болсын деген міндет тұр. Құр сөзбен емес, іспен де дәлелдейді деп сенемін. Шынында да, түрлі жағдайларды көргендіктен түрлі жаңалықтарға үрке қарауымыз да заңды. Алайда, Алла бұйырса, күдіктерді сейлітіп, сапалы және кәсіби деңгейде ел үшін қызмет көрсетуге болатындығын дәлелдейтін шығар бұл Қор деген үміттеміз! Тек, елдігіміз нығайып, ниеттеріміз бір болсын! Замануи технологияларды да барынша іске қосып отырғанымыздың басты мақсаты да сол — ел күдігіне себеп болмас үшін, қаражат қолма қол алынбайды. Әуелі Алланың алдындағы жауапкершілік, одан кейін ел алдында есеп беру. Негізі, нағыз ауыр жүк пен жауапкершілік бізге түсіп тұр. Алла тағала жар болсын деген тілек-дұғаларыңызды үміт етеміз!