Мойын шынықтыру

Бір қызық нәрсені есіме салдың. Brush Script MT, Lucida Handwriting (ең ұнайтыны), Blackadder ITC, Edwardian Script ITC, Freestyle Script, т.с.с. ағылшын қаріптерін қол жазуы сипатында түрлеуші фонттар бар. Қазақ тілінде открыткаларда аз-кем осы тектес стильмен жазылғаны ұшырасады. Егерәки осы іс мамандары қазақ тіліндегі қаріптерді Tahoma, Times New Roman, Segoe ғана емес, жоғарыда атауы тізілген жазу стильдерін ойластырса нұр үстіне нұр болар еді. Мұндай бастаманың істелінебілушілік пайызын жетік білмегесін, реніш те білдіру орынсыз…

Университетте факультатив пе еді, мәжбүрлі пән бе еді, ЭВМ негіздері үйретілді. Ағай білімді еді. Бір ұнағаны, сабақтарда бір де бір мәрте қолмен жазу жазып көрмеп еді. Сынақ күні болды, сосын. Ой ырза болғанымды-ай сол кезде: ағайдың жазбасы керемет еді. Мектептегі «мәнерлеп жазу» дәптершелеріндегі үлгідегідей дерсің. Қанша тырмыссақ та, солай әдемі жазуға жете алмадық. Сосын келе аудармашылық кәсіпке ресми ойысқасын, түрлі кездесуде түртіп отырасың, «скорыписті» іске қосасың. Ондайда мапаздап жазу қайда-а… Сосын ғой, аракідік осылай псевдоәдемілікке ұрынғың келеді. Бәрібір информатика ағайыныкіндей, ұстаз әкем мен шешемдікіндей болмасын білем… Олар сияқты түнімен қолдан реферат, жұмыс жоспарын жазбағасы шығар.