Биттің күнделігінен (Қыздарға оқуға тиым салынады)

2011/07/26
Менің мекенім шашы селдірей бастаған дирижердің басы. көзімді ашқалы көріп келе жатқаным осы бас. Басқа бастың керегі де жоқ. Кеше бір концертке бардым. Негізі концертке көп барамын. Айына 5-6 рет. Барам дегеннен гөрі бардық дегенім дұрыс болар. Содан, қожайын Бетховеннің 4 симфониясын ойнады. Бұл өзі 4 бөлімнен тұрады ғой. Басында жәй ғана басталып, арасында ойнақы әуен ойнап, арт жағына қарай жын ұрғандай құтырынатын жерлері бар. Содан төбенің ең ұшар басына шығып алып "қанша адам жиналды екен" деп жан-жағыма қарап отырғанмын. Қожайын басын оқыс сілкіп-сілкіп қалды. Қолыма шаш ілікпей төменге қарай құлдырай бердім. Көз алдымда бала кезім кинолентадай сырғып жатыр. Дирижердің таяқшасы… обшым, не керек сахнаның шетінде гүл ұстап тұрған қыздың гүлінің ортасына түсіп аман қалдым. Бұл гүлді қожайынға берер деген мақсатпен оңтайлы сәтті күтіп отырдым. Бірақ гүлді қожайыныма емес әйтеуір бір арияны орындаған келіншекке берді. Гүлді алған бетте басына қарай ышқына секірдім. Бірақ есебім қате шығып көйлегінің ашық тұрған омырауына күмп ете қалдым. Екі анарының ортасынан домалап өттім. Домалап келем… көрер қызығым таусылмаған екен домалап отырып әйтеуір бір шаштардан ұстап аман қалдым. Қатты шаршап сол жерде ұйықтап қалыппын. Қанша ұйықтағанымды білмеймін. Оянсам… оянсам, баяғы дирижердің мұртында жүрмін…
Бөлісу:

27 пікір

alisha
жігіт болсам «бұқақақақа» деп күлетін ем...әттең, қыз боп туып "құрсссыыын не жазып қойған" деп бетімді сызуға тура кеп тұр
Пікір түзетілген: 26 шілде 2011, 15:38
Abilakim
Келіншек болған соң оқыған екенсің))
sammita
қызық екенсің, «ит қорыған жерге өш» (ее, Алиша, ренжіме сондай мәтел ғо) тақырыпта айқайлап шақырып қойыпсың. Маған мысалы «футбол» деген жазу тұрса келмеуші ем
Nurgisa
қыз боп туып де…
Abilakim
Қалай туылғаны өзіне белгілі ғой, біреулер сүндеттеліп туылады…
sammita
кейде тым артық кететіндерің болмаса, сендерден жібі түзуі жоқ. Үйренген жау атыспаққа жақсы))
19852407
Әбіләкімде қолқа жоқ!
alisha
әйелзаты ғой енді бәрібір
just19
Лібә. Жер дөңгелек екендігіне күмән қалмады.
alisha
Жер-дөңгелек, сахна — сопақ
VKM
Қыздарға оқуға тиым салынады
деп интриговать етіп қойыпты
asaubota
көне лингвистер нақ!
Nurgisa
Биттің күнделігінен (Қыздарға оқуға тиым салынады)

+ (8):AKY,
— (1):Zilola

just19
Оның астындағылар сұры түсті, қалай түсінуг болад?
Nurgisa
Не ары емес, не бері емес. Екі арада талтайып тұрудың ишараты ол, джастонтоғыз.
just19
Анау жерде не жоғары, не төмен стрелкі ғана тұр ғой?
meirzhan
+ пен — арасында ұзын тере тұр. СОны басып көр
neoman
Осындай жазбалардан соң керекке кіргің келмей кетеді екен
Gastarbaiter
ҚазНетте потребляттық көзқарастан пайда аз сияқты қазіргі этапта.
neoman
Қазнетті қазақша контентпен толтырып жатырмын — деп көпіруі мүмкін Әбіләкім.

Абырой әкелмейді мұндай жазбалар, Керекке де, авторға да.

Кейбіреулер болмайтын сандырағын жаза бермегенде, қолданушылар саны, бәлкім, жүз емес мың болар ма еді
Пікір түзетілген: 27 шілде 2011, 15:04
Abilakim
Әбіләкімнің көпірмеуі де мүмкін
Gastarbaiter
Не деп көпірсе де, контентпен толтырып жатқаны рас. Қандай контент екені бөлек әңгіме.
Абырой әкелетін жазбалар жазу мүмкіндігінен мұнда ешкім шеттелмеген секілді. Бұндай жазбалардың құндылығы ақпаратында емес, сергіту күшінде.
Адамға нан және эмоция керек.
Егер практикалық пайдасы болмаса, тым болмаса қызық/күлкілі болуы керек. Оқырманның соңғы талабын, Айс бірде болмаса, бірде қанағаттандыратын сияқты.
Jacqabaies_Chirac
расында да төменірек жазылған, алайда дәл осылай төмен жақты жазған жазбалар жетіспид қознетте
Abilakim
Тіл туралы, дін туралы жазатындар көп қой. Таза анайы да жазба емес. «Жәйский» жазба ғой