Мұны да білген жөн!

(жиған– терген)

Нені ұмытпау керек?
1. Жаратушы – жалғыз Аллаға қарыз;
2. Ислам дінінің иесі – Мұхаммед пайғамбарымызға қарыз;
3. Өмірге әкелген ата – анамызға қарыз;
4. Тәлім, тәрбие берген – ұстазымызға қарыз.
Бұлжымас бес борыш
Ағайын, жақын, таныс адамдардың бір – біріне деген. Олар:
1. Аллаға, пайғамбарымызға байланысты борыш;
2. Адамның өз – өзіне байланысты борыш;
3. Мемлекет пен халық алдындағы борыш;
4. Үй іші, жақындарына байланысты борыш;
5. Адамгершілік әлеміне деген борыш.
Бұл қағида Мұхаммед пайғамбарымыздан қалған.

Айнымас алты парыз
Сыйлас, аралас – құралас жүрген адамдардың бір – біріне деген алты парызы бар. Олар:
1. Бір – біріне әдейі іздеп барып, сәлем беруге;
2. Шақырған кезде кідірмей баруға;
3. Кеңес сұраса – ақыл беруге;
4. Сұрағына – толық жауап беруге;
5. Ауырып қалса – көңілін сұрауға;
6. Қайтыс болғанда – жаназасын шығаруға

Егер сыйлағыңыз келсе
Үлкенге – сәлем
Қуантқанға – сүйінші
Соғымнан – сыбаға
Егіннен – кеусен
Малдан – көгендік
Балаға – базарлық
Киімге – байғазы
Сәбиге – көрімдік
Алғашқы қымыздан -«қымызмұрындық»
Соңғы қымыздан – «сірге жияр»
Құдалыққа – киіт
Қуанышқа – шашу
Сағынғанда – сәлемдеме
Асқа – саба (қымыз), сойыс

Егер сұрағыңыз келсе
Алладан – денсаулығыңызды
Қыдырдан – бата
Данадан – өнеге, білім
Батырдан – сауға
Қарттың – қал – жайын
Ананың – мейірімін
Жетімнің – жай – күйін
Саудың – амандығын
Аурудың – көңілін
Туған – туысқанның – бүтіндігін
Олжадан – тәбәрік
Қонақтан – «бұйымтайын» сұраңыз.

Егер білгіңіз келсе
(немесе түсіне білгенге )
Ата – даналық
Әке – тау
Бала – бұлақ
Ана – тілек
Аға – қанат
Іні – тірек
Бала – бақыт
Ұл – мұрагер
Қ ыз – өріс
Нағашы – сүйеніш
Жер – тіршілік
Жылқы – мақтан
Түйе – салтанат
Сиыр – қанағат
Туыс – қорғаныш
Жастық – қызық
Азаматтық – дәурен
Жомарттық – «барлық
Мәрттік – ерлік
Қайырым – азаматтық
Денсаулық – байлық
Тіл – тереңдік
Білім – шексіз
Ақыл – артықтық
Өнер – мәңгілік
Егер қалағыңыз келсе
Азға – қанағат
Барға – тәуба
Жоққа – сабыр
Тойсаң – тоба
Ауырға – төзім
Жақсылыққа – алғыс
Болашаққа – сенім
Жетістікке – үміт
Өткенге – салауат

Егер сақтанғыңыз келсе
Достың күлкісінен сақтан,
Дұшпанның табасынан сақтан,
Жаманның жаласынан сақтан,
Пәлеқордың пәлесінен сақтан,
Астың аласынан сақтан,
Ұшынған өрттен сақтан,
Дауасыз дерттен сақтан,
Тасыған судан сақтан,
Екі жүзді қудан сақтан,
Шайтанның азғыруынан сақтан,
Аруақтың азғыруынан сақтан,
Аса байлықтан сақтан,
Ата – анаға кінәлі болудан сақтан,
Көп алдында күнәлі болудан сақтан.

P. S. Барлығымыздың да еншімізде шектеулі ғана уақыт бар. Сол қамшының сабындай ғана қысқа ғұмырда біз кейде ескере бермейтін кейбір дүниелерді әр жерден жиып – теріп сіздерге ұсынып отырған жайым бар. Сіздің танымыңызды кеңейтуге сәл де болса, көмегі тисе болғаны құрметті ОҚЫРМАН!..