Wordpress-те импорт / экспорт немесе блогты қалай көшіру керек?

Wordpress-тегі блогты көшіру қазір актуальды тақырыптардың бірі сияқты. Әсіресе wordpress.com жүйесіне Қазақстанда жол жабық болғасын және жаңа блог жүйелері ашылғасын. Осы импорт / экспорт туралы қысқаша түсіндіре кетейін.

Алдымен жаңа блогыңызды ашасыз. Қаласаңыз ішіндегі алғашқы жазба, бет, айдарларды өшіріп тастаңыз.

Сосын ескі блогыңызға кіресіз де Export (Экспорт) дегенге басасыз. Сол жерден блогтағы барлық жазбаны экспорттауға болады. Егер блогта жазба саны көп болса, жазбаларды айдарларымен бөлек-бөлек бірнеше экспорт файлын жасап сақтауға болады.

Сосын жаңа блогыңызға келіп Import (Импорт) дегенді басамыз. Ол жерден Wordpress дегенді таңдаймыз. Сосын ескі блогтан сақталған экспорт файлын жүктейміз. Егер суреттерін де көшірсін десеңіз, импорттау кезінде оны да белгілейміз.

P.S wordpress.com-дағы блогтан экспорт жасау үшін Опера турбо арқылы немесе Билайн арқылы кіріңіз.

P.S.S егер көмек керек болса жекеге хабарласыңыз, көшіруге көмектесемін.