Ізгілік Нағиевке хат!

Ізгілік Нағиев осы. Қожекеңнің өтінішімен атын жазып жатырмын. Басын жуып келген беті екен деп, Қатыбалды пікір қалдырған сурет осы.)))
Кеше Керекте жарияланған Ақтөбе мұсылмандарының хатының www.kerekinfo.kz/blog/3514.html#comment61203 астындағы пікірлерге қатысты жеке пост жазам деп уәде етіп едім, сол уәдемді орындамақпын. Негізі бұл мәселені у-шусыз, жеке шешем деген оймен жүр едім. Бірақ басы басталып кеткен екен. Оның үстіне 3 айға жуықтады, жеке келіссөздерден шешілетін уақыты болды. Бірақ өкінішке орай өзгеріс жоқ. Медиалабқа қатысты сайттар жабық тұр. Төзім таусылды, менің дипломаттығым осы жермен тәмам. Мәселенің ақ-қарасын ашып айтсам деймін. (Тым ұзақ дүние, сондықтан тек оқығысы келген ел ғана оқыса болады. Жеке мәселені көтеріп деп айыпқа бұйырмассыздар. Кеше өз аузыңмен жауап жаз деген соң жазып отырмын. )

Ассалаумағалейкум Ізеке!

Хал-ахуалыңыз жақсы шығар. Туған жердің түтінін жұтып, күйлі-қуатты жүріп жатқаныңызды естіп жатырмыз. Тек, бұғалтірдің қылығы болмаған екен. Кеше Керекке шыққан хатты сіз жазғаныңызды таныдық, өзіңіз мойындамасаңыз да. Оқыдық, жағамызды ұстағансыдық. Бірақ ол сондағы күллі мұсылман қауымның атынан жазылмағандығын, тек бір ғана топтың мүддесін қорғап тұрғандығын сезіп, араласуды жөн көрмедік. Оны маған 3 күн бұрын ғана өзіңіз агентте хат жазып, шет жағасын айттыңыз. Бұрынғы бас имамды БАҚ арқылы мақтап, жарнамалап берсең, ақшасын төлеуге дайынбыз дедіңіз. Артынша өзіңіз кірісіп кетіпсіз. Екі күннен соң «Ақтөбе мұсылмандарының хаты» сайттардың бетіне жыпырлап шыға бастады. Керекке де жолдапсыз. Бірақ оны өзіңіз сол пікірлердің арасында жазған жауабыңызда мойындамайсыз. Мен жазбадым деп, Аллахтың атын айтып, ант-су ішесіз. Киіп алған бейкүнә періште маскасында қалғыңыз келеді. Сіз жазсаңыз да, басқа жазса да ол хат туралы менің айтпағым, ол хат — ақша бөлісе алмай қалғандардың әңгімесі. Оған бола өтірік хат жазып бүкіл елді дүрліктірудің қажеті жоқ. Бұғалтірмен дұрыстап келіссеңіздер, ақшаларыңызды аларсыздар. Мүмкін болса сол бұғалтірмен қосылып осы хатты жазған екі-үші адам да мешіт маңынан аластасаңыздар. Құдайдан қорыққан жөн. Жәрайды, бұл сіздердің тірлік, оған араласқым жоқ.

Менің айтпағым сіз Қаламгер Теннің атында деп жауып тастап, саудаға салып жүрген Медиалабтың сайттары туралы. Елге түсінікті болу үшін әріден бастауға тура келеді. Сізбен менің қатысым қандай, 7 күн кз-ні Ербол бастап, Ізгілік неғып жауып жүр, Медиалабқа Ізгіліктің қатысы қаншалықты, кешегі Қатыбалдылардың айтқаны не әңгіме деген сауал көптің көкейінде жүр. Соған ретімен жауап берсем.

Алдымен таныстық туралы. Сізбен таныстығымыз былтырдан басталды. Былтырғы жылы жаз әлде күз нақты уақытын ұмыттым, Мінбердің интернетке қатысты дөңгелек үстелі барысында көрдім сізді.
Блогымды Бәйгеге тіркейін деп, 4-5 рет талпынғам, тіркелмеді, қате шыға берген еді екі-үш күн бұрын. Сол дөңгелек үстелде соның жөнін сұрап, визиткамды ұстаттым, қолыңызға. Екі-үші күннен соң Фейсбуктегі бетіме «Ұждан» деген клуб құрып едік, соны дамыту туралы сөйлессек деген ұсыныс жасап, хат жаздыңыз. Кездесіп, талқыладық. Маған ә, дегенде-ақ клуб туралы ұсыныс ұнамады. Көпке түсінікті болу үшін айтайын, клубтың идеясы мынау, Ұжданға проблемасы бар адам келіп, мұңын айтады. Клуб БАҚ, құқық қорғау органдары өкілдерін жинап, отырыс өткізіп, оның мұңын шешуге көмектеседі. Сол арқылы клуб ақша табады. Бұнымен қатар клуб аясына сыймайтын толып жатқан «услугалары» бар.

Мен сізге бұның клуб аясына симайтынын, менің қоғамдық қор құру туралы жоба барлығын, қорды құрып, клубты соның бір жобасы ретінде дамытайық, бірақ «Ұждан» ақша табатын емес, қоғамдағы проблемаларды талқылайтын, шешуге ат салысатын, Айт парк сияқты клуб болсын дедім. Сосын кеңсе мәселесі шешілсе, Қазақстан баспасөз клубының бағытында, Баспасөз клубын құрсақ деген ұсыныс жасадым. Сіз Жасылдар партиясынан жеке офистік бөлме, Жасылдар партиясының баспасөз клубын алуға құдыретіңіз жететінін айттыңыз. Мен сіз Жасылдардың кеңсесінде тегін отырған соң, шынында да сөзі жүретін шығар деп ойлаппын. Сонымен не керек, Жасылдардың төрағасы Мәмбеталин Лондонда келгенше «Бәйге» жобасы үшін берген тегін кеңседе отырып жұмысты істей берейік дедіңіз. Қор құруға мүдделес адам, кеңсе таппай жүрген кезім. Бәйгені ұйымдастырып жүрген соң, Жасылдар партиясының жайлы, кең офисінде отырған соң, Қаламгер тен жасады дегенді бір-екі сайттан оқығаным бар, сіз маған іскер адам, құтқарушы періште болып көріндіңіз. Осы жерде өзім де ық-ық деп күлем, есіме түссе. Медиалабтың құжаттарын тіркеп, дайын болғанша жұмыстарды жасай бермекке келістік. Бір ғалым апамызды президент, сізді атқарушы директор болыңыз дедім. Мен тек құрылтайшы, жалпы тірлігін басқармақ болдым. Ә, дегендегі әңгіме қордың сайтын жасаудан бастасақ дедім. Бастадық. Бұндағы домен+хостингке сіз жауапты болам, ақшасын кейін, қазір Қаламгер Теннің атында домен беретін жерде шотым бар, содан ала салам дедіңіз. Шығыныңызды кейін қайтармаққа келістік. Содан қордың сайты medialab.kz тіркелді. Бұл қордың корпоративтік сайты болуы тиіс болатын. Екеулеп отырып, вордпресспен әйтеуір бір сайт жасап шықтық. Маған басында-ақ ұнамады. Бірақ, сайттан хабарым болмаған соң мақұл дестік. Бір қызығы мен осылай Ізгілікпен бірігіп қор құрып жатырмын, осындай мықты адам екен десем елдің барлығы теріс айналды, тыжырынып. Сөйтсем интернеттен хабары бар елдің барлығы біледі екен сізді, сіздің тірліктеріңізді. Мен ғана екем, дүмше. Содан сізді дұрыс тану үшін «журналистік зерттеу» жасауға тура келді. Сіз жасаған сайттардың иелері, сізді таниды -ау дегеннің барлығының аузынан жақсы сөз шықпады. Ой ол мындай, ол сұндай, ол құрсын, деген сөздерден құлақ шыңылдай бастады. Ол шуларыңыз туралы дәлел қолымда бар әлі. Басында мән бермедім. Өз басыма ештеме істей қойған жоқ қой, жобаны жүзеге асыра берейік деп. Күндердің күнінде Сағын, мәліметтер твиттерге блогшылар бірігіп, ақпараттық сайт ашсақ деген ұсыныс жасапты. Ол да ойда жүрген іс еді, Сағынға хабарласып бастайық деп келістік. Атын ойластырып, бірнеше дизайн таңдап, 7 күн кз деген атауға тоқтадық, Сағын Медиалабтың меншігі болсын, бірігіп жүзеге асыра берейік деді. Мақұл дестік. Бұл әңгімелерде Ізгіліктің исі де жоқ. Солай ғой Ізеке.
Домен тіркеудің ретін қиынсынып, сізге өтініш жасадым, өткенде шотта ақша бар деп едіңіз, мен сізге ақшаңызды берейін, мына доменді Медиалабтың атына тіркесеңіз деп. Сол күні сайт Медиалабтың атына тіркелді. Ізекең ақшаны кейін алармын, Медиалабтың ісіне гой деді. Мақұл дестік. Сағын 1 аптада сайтты жасап, іске қостық. БАҚ арқылы хабарладық, ел-жұрт тани бастады. Тұрақты оқырмандар пайда болды. Болашаққа жоспар түздік, жаңа концепциясын жасадым. Күндердің күнінде Лондоннан Мәмбеталин келді. Сізге біздің жобада болмаған 7 күн дами бастады, жобада болған, уәде еткен офис, пресс-залды алыңыз, нағыз тірлікті бастайық деп едім, тормоз бере бастадыңыз. Маған Мәмбеталинге өзің кір деп, итермеледіңіз. Сол жерде бәрі бос сөз екендігі, ел айтқан Ізгіліктің бейнесі түсінікті болды. Мен танымайтын адамға офис бер деп кірсем, жындыханадан қашын шыққан екен демей ма. Бір аптадан соң құры офис алып отырған Бәйгешілерді жасылдар кеңселерінен айдап шықты. Сіз типа мені қуған жоқ, Ақтөбеде жұмыс болып тұр, келген соң кеңсе, пресс зал мәселесін шешеміз деп Ақтөбеге аттандыңыз. Сенген болып біз қала бердік. Ақтөбеде жатып алып, Медиалабқа қарсы кедергілерді бастадыңыз. Медиалаб Блогкемптің жалғыз ұйымдастырушысы, деп Ляховтың шолуын блогыңызға жариялап, біраз елді ренжіттіңіз. Жұмысы басталмай жатқан Медиалабтың атына кір келтірдіңіз. Ол туралы екеуміз үш күн дауласып, блогыңыздағы жалған жарнаманы алдыра алмадым. Сіздің бар айтарыңыз мен Блогкептің сайтына домен+хостинг бердім. Құдай-ау сізден соны ешкім сұраған жоқ, өзіңіз бердіңіз. Артынан жаңағы тірліктерді бықсыттыңыз. Берем деп, бердіңіз болды емес па. Оны шулатып, менің еңбегім бар деген ер азаматтық атыңызға сын. Одан бір күні 7күн кз-ға мен жасаған сайттар мен қаламгер тен туралы мақтап мақала жазып тұр деп, агент арқылы қоқан-лоққы көрсете бастадыңыз. Менің ойым 7 күнді біреудің мақтан, жарнама сайтына айналдыру емес. Бүкіл халық оқитын сайт жасау, сондықтан ол өтінішіңізді орындай алмайды екем.Бұл қайдан күшейіп отыр десем, Ақтөбеге жеткен соң, Медиалабтың атына тіркелген доменді маған айтпастан Қаламгер теннің атына тіркеп апты, құтқарушы періште. Содан сайтты маған бере салсашы, Қаламгердің атында, ал не істеп аласың деген щигол тірліктеріңіз басталды. Ең сорақысы соткаңызға хабарлассам, агент арқылы хат жазсам оларға типі хатшы қойып қойыпсыз. Сотка мен агентке хатшы қойғанды бірінші рет көрдім. Амал жоқ юристермен ақылдасуға тура келді. Кеңесін алып, сот арқылы шешудің шет жағасын айтып едім, Ереке деп хат жаза бастадыңыз, хатшы да жоқ болып кетті. Әйеліңіз түнгі 11-де звондап сенің өзіңді сотқа берем, Ізгіліктің басын қатырып жүрсің, мен екіқабатпын, сенің сотқа береміңді естіп ауруханаға түстім деп қуған әңгіме айтып, қорқытпақ болды. Бұл туралы агентте талқыладық, айтпақшы кешегі хатта көрсетілген Нұр ғасыр мешітінің почтасы арқылы. Сосын мен ақылы кірер, ол сайттарды түк істей алмаған соң қайтарар деп ойлағам. Жоқ басқа әңгімеге көштіңіз, Қаламгер Тенді Фархатқа бердім, домен + хостинг туралы сонымен сөйлес дегенге шықтыңыз. Фархатпен әңгімеден түсінгенім, Қаламгерді Фархаттың атында деп қойып, сайтты маған сатпақсыз. Блогкепм сайтын өткенде бір дауымыздың арасында айтып қалғансыз, ол блогшыларға берген домен + хостингім, оған қатысым жоқ деп. Сөзіңізден танып кетпейді, ол сайт блогкемптің сайты болып қала береді деп ойлаймын. Сондықтан Медиалабқа қатысты екі сайт туралы туралы сөйлестік Фархадпен. Медиалаб кз де, 7 кун кз де биылғы жылдың басында тіркелді, Медиалаб кз 1 ай тұрып, 7 күн кз 2 ай тұрып сіздің тараптан өшірілді. Фархат сол 2 айлық хост үшін 12 мыңнан сұрап тұр әрқайсысына. Неге қымбат дегенді хост. шығынымен түсіндіреді. Доменімен, барлығы 35 мың. Хост. бір сайтың хостының ішінде тұрды. Сонда қандай шығын шекті білмедім. Екі доменді 2,5 мыңнан алдыңыз. Бұл жерде басы артық шығын жоқ. Егер Қаламгердің жеке сайты болса, біздің еңбек сіңбесе онда ауызыңа келген бағаны айтсаңыз болады. Мен тек сізден шыққан шығынды қайтарып беруге дайынмын. Ал, сайтты өзіме сату алаяқтың әрекеті.

Осы уақытқа дейін жасыңызды сыйлап Ізеке, Ізеке деп келдім. Интернетте отырып Қазнетті дамыту, қолдау туралы әңгімелер айтасыз. Былайғы өмірде де қазнеттегі бағдарламашылар арасындағы жасы үлкендердің бірімін, жастармен жағаласпаймын деген әңгімелеріңізді естідік. Егер қазақ интернетіне шын жаныңыз ашыса, шынымен осы интернет саласында жасыңыз үлкен, талай сайтты жасаған адамдардың бірі болсаңыз сіздің бір тиын да еңбегіңіз сіңбеген сайттарды қайтарғаныңыз жөн болар. Доменді тіркеп берген аса қатты еңбек емес шығар. Кеше «Ербол тарапынан сайттарға қатысты, өзім жеке жасаймын, сенің қатысың да, керегің де жоқ деп айтса, сайттарды бір тиын ақша алмай-ақ Ербол атына ауыстырып беремін. Ол жағдайда Ерболдың жеке атына тіркеледі», деп үш рет жазыпсыз пікіріңізде. Бүкіл дүйім жұрт куә. Осы сөзіңізді еркекше айттыңыз, орындаңыз. Тегіннің де қажеті жоқ, шыққан шығыныңызды әділ есептеп, ақшасын берермін. Тегін деген ауызша ниетіңізге рахмет.Бұ кісінің айтқанын орындауда тормозить ете бастайтынын беске білем. Ол сайттарға еш еңбегіңіз сіңбегенін айттым, жоғарыда. Басқа толып жатқан іс-әрекеттеріңіз туралы жазбадым. Қағаздың бетіне симайды. Медиалабқа келсек оған да еңбегіңіз сіңгені шамалы. Егер шынымен Медиалабқа еңбек сіңіремін, сондағы ойлаған мақсат-мұраттардың жүзеге асуына үлес қосам десеңіз мархабат, келіп уәделеріңізді орындаңыз. Ол бірінші Жасылдар партиясынан тегін кеңсе алыңыз. Екінші соларда тұрған пресс-залды алып беріңіз. Бұл уәделерді мен бергем жоқ. Мен берсем орындаймын. Сосын Алматыға келіп, сол кеңседе отырып, ойлаған жобаларды жүзеге асыруға белсене атсалысыңыз. Бірақ бұл қор— ашкөздікпен ақша табуға құрылып отырған жоқ. Сондықтан келерде ойыңызды өзгертіп, әфсаналарыңызда жазып жүргеніңіздей Аллахқа бетіңізді бұрып келгеніңіз дұрыс болады. Ал, Ақтөбеде жатып алып Медиалабтың жұмысына араласам арманның қажеті жоқ. Қаламгер Теннің жарнамасындағыдай клиенттерге Алматыдан филиал аштық деген болмайтын әңгіме, жалған жарнама қажетсіз маған. Жақсы деген ат тек еңбекпен, тырбаңдаған тірлікпен, елге жасаған жақсылықпен ғана келеді. Құры отырып-ап іс жоқ, өтірік тірліктен боқ та шықпайды. Ата сақалыңыз аузыңызға түсті, 7 баланың әкесісіз. Ол сайттарды қаламгер тен атында қалдырам деген арман екенін түсінерсіз. Құқықтық жағын айттым өткенде. 2 доменге бола Медиалабтың жұмысы тоқтап қалмайды. 7 күн кз болмаса 7 күн. де бар. Медиалаб. кз болмаса млб-кз бар. Домен алу да қиын емес, тегін сайт жасап, тегін хостинг беретін жігіттер де бар. Олар сізге қарағанда қазақ тілінде бір сайт болса да дамыса, көркейсе, өркендесе деп тілейді. Көмектессек дейді. Сол үшін олар сыйлы. Өкінішке орай сізде ол пиғыл жоқ, ойыңыз тек ақша. Егер олай ойламасаңыз, 2 айдан бері 7 күн кзны жауып қойып, жүрмес едіңіз. 2 айда тұрақты оқырмандарға 600 ақпарат жетпеді. 1,5 млн. теңгенің грантынан айырылдым. Оны алсақ сайтты дамыту идеясы жүзеге асар еді, кішкентайдан болса да бірнеше тілшіге қаламақы берер едік. Бір сайт болса да дамыр еді. Өкінішке орай 7 күн тек Қаламгер тенді жарнамалау керек, боламса жабық деген сіздің асқан парасаттылығыңыз мұрша бермеді. Алыңыз деп тұрған гранттан бас тарттық. Екіншіден Медиалабқа олар екінші рет грант ұсынудан да бас тартамыз деді. Сіз қаншама шығын келтіргеніңзді түсініп отырған шығарсыз. Жоғарыдағы екі сайт менің еңбегім сіңген, менің идеям. Сондықтан оны даулауға толық құқым бар. Сондықтан адами жолмен қайтарғаныңыз жөн болады. Медиалабқа сіңіп кеткен дүнием бар, мына ит мені лақтырып отыр десеңіз жазыңыз осынға. Ел оқысын. Құныңыз өтіп кетсе оны айтыңыз, қайтарам.

ПыСы. Ал, Ізеке тосамын, кешегі көпке берген уәдеңізді орындарсыз. Елге нағыз бейнеңізді көрсетерсіз. Домен алғандағы, 2 ай хосттың ақшасын Фархаттың қолына беремін. Дұрыстап есептеп, ал, сату деген ой болмасын. Сіздің зауыттан шыққан жоқ ол.

Керекшілерге: Кешегі Қатыбалды деген адвокатқа келсек, менің досым. Әзіл-қалжыңы аузынан түспейтін жігіт. Өзінше Сатыбалдыға еліктейтіні бар. Керекке кеше тіркеліпті, мендегі жағдайды беске біледі. Ақтөбеге атпен барам деп, Ізгілікті сүйреп әкелем деп, кіжініп әрең тоқтатқам. Көп нәрсе жазылмады, уақыт аздықтан асығыс жазылды. Мынау қу басындағы жағдайды осында жазып деп, айыпқа бұйырмассыздар. Кешегі пікірлердің астына өз аузыңмен жауап жаз деген соң, сосын әңгіме көбейіп кеткен соң, түсінік бергенді дұрыс көрдім. Болды сөз тәмам.