Көктөбенің "көкесі"...

Уа, жамағат!

Жақсы демалыс – жұқарған жүйкені жұбататын нәрсе екенін күннен күнге сезінудемін. Ыстанбұл, Бурса, Кония сапарларынан кейін Антальяда да пешенемізге жазылған қызықты көретін күнімізге тәубе дестік.

Антальядамыз. Нағыз туризмнің қаласы екен, ағылған жұрт, елпілдеген қонақкүткіштер һәм тыныққан ми.
«Таһталыға барсаңдар, Тәңірдің тартуын көресіңдер, таңдана алсаңдар, мәрхабат» — бұл микрофонға жармасып, әне жер, міне жерді таныстырып жүрген жолбасшымыз — тынымсыз Юрийдің сөзі. Ресейде туып, туризмдік саланың жілігін шағып, майын ішкен сабазың түрікшені де меңгеріп ап, өлместің қамымен «жүнтөсиктер» © жұртынан бір-ақ шығыпты.
Жарайды, барсақ — баралық!
Таһталысы турасында да таңданыс туғызатын мекен боп шықты.Айналып қана кетейін Көктөбемнің қызығын көріп, қадірін біліп жүрген мен үшін биікке шығамыз деген соң, онша менсіне қоймап ем. «Уа-ча» © демеске шарам қалмады.
Таһталы тауының биік шыңында орналасқан бұл аймаққа келу үшін туриске толған аптобус екі-үш рет жөткірініп алып, 726метр биіктікті артқа тастап, шыңға шығу бекетіне келді. Осы жерден-ақ жер жаһан алақандағыдай көрініп тұрған еді, сөйтсек алақанымыздан да кішкентай, атырапқа 360градус бұрыла қарайтын тұсқа жетуіміз керек екен. Тура біздің «Көктөбедегідей» фуникулермен көтеріледі екен, алайда ішіне 80 адам сиятыны «сұмдық енді» ©
Бар-жоғы 10 минуттың ары-берісінде жетіп алдық. 2365метр биіктік!
Иә, иә, 2365 метр биіктік! Ары қарай суреттер сөйлесін:
















Бізден бірер дерек: 2007 жылы ашылыпты.
Құзар басында үлкен үш қабатты туристер ғимараты бар, алғашқысында кәдесыйларға арналаған дүкен, екінші қабатында үлкеееен ресторан, үшінші этажында жазық алаң бар (жалпы маңайды көз жүгірту үшін.) Осы үшін баспалдақ та, лифт те іске қосылған. Жалпы аталған ғмараттың және аспалы жолдың құрылыс жұмыстарына жүк үшін қосымша дәл осындай аспалы жол салынған көрінеді және сол жолмен 3700 м³ бетон, 4500 м³ су, 420 тонна шойын темір және 8600 тонна қосымша материалдар жүріп өтілген екен.
Алда жалда Түрік еліне жолыңыз түсе қалса, бір көруге тұрарлық керемет жер екен.

ПыСы. Суреттеріңдегі түсірілген мерзімнің жылына назар аудармай-ақ қойыңдаршеееее, жөндеп қойдым, алайда мыналар алдын түсірілгендері. Жанна қайынбикеме рақымет!