“Ән айтатын әйел”

Ресей әншісі Алла Пугачеваны өз жерлестері «Примадонна» деп еркелетеді. Ел арасында қаншама өсек-аянға, сөзге қалып жүрсе де Алла Пугачева сахнаға шыққан сайын халық оны қолпаштап, қошаметке бөлейтінін жиі көреміз.

Біздің ұрпақтың есіне Алла Пугачеваның жас жігітпен бас қосқаны, жалпы көбіне жеке өмірі ғана оралады. Алдында «ОРТ-Евразия» телеканалынан осы әншінің 2000 жылдары түсірілген есеп беру концертін көріп қалдым. Өмірімде мұндай актриса-әншіні ешқашан көрмеген екенмін. Образға кіріп, тіпті дәл сол сәтте, дәл сол мезетте сондай оқиға басынан өтіп жатқандай ән салады, айқайлайды, күледі, жылайды… Не керек, тіпті бір театр спектаклін көріп жатқандай әсерде болдым, сондағы сахнада тек бір ғана әнші — Алла Пугачева ән айтып тұр.

Алла Пугачева бір сұхбатында айтқан екен, «Қызыма (яғни Кристина Орбакайте) бақыт пен қатар қайғы тілеймін» – деп. Өйткені қайғы көрмей ол ешқашан әнші бола алмайды деп. Жалпы Алла Пугачеваның сұхбаты болсын, жәй әңгімесі болсын тыңдасаң, өмір көрген, өз философиясы қалыптасқан адамды көресің. Бәлкім тағдыр оған осындай ауыртпашылықтар көп берген шығар, соңында осындай атақты актриса-әнші болуы үшін, халықтың ішкі зарын айту үшін, жан-дүниесімен түсініп, елге жеткізу үшін, жұбату үшін.

Қазіргі кезде ән айтуын қойғанын білеміз, бірақ осы бір-екі жыл бұрын, Юрмалада өтетін «Новая Волна» фестивалінде «Менің соңғы махаббатым» атты ән айтқан еді. Сонда мынадай сөздері бар «Менің соңғы махаббатымды қарғалар келіп айналады, өсекпен толтырады, ал бірақ топас құстар менің бұл махаббатымды оңай құрта алмайтынын білмейді» деп өзінің ішкі мұңын шағады.

Шынымен өмірі өсек пен сынға толы, ақшасына, танымалдылығына қызыққан қаншама «достар» кездесті. Бәрін ғұмыр бойы өз арқасында тасып жүрген қиынның қиыны шығар. Жастайынан «Ән айтатын әйелге бақыт берші» деп жырлаған әнші қартайған шағында сол бақытқа жете алды ма екен, алайда артында миллиондаған тыңдарманы бар әншіге басқа бақыт керек емес те шығар…
Бөлісу:

27 пікір

konvict
Сізге бірдеңе деуге батпай қалдық. Ана-жақтағыдай жақтастарың атып шығып, жерден алып, қайтадан ядросына дейін тығып жіберетін секілді.

Дүниелік байлығы болса да, рухани байлығы жоқ әнші деп ойлаймын оны
Aizhantabyn
неге?
konvict
Қайсына «неге»?
Aizhantabyn
не себеп рухани байлығы жоқ деп ойлайсыз?
konvict
Мен негізі бақытсыз деп жазғым келген. Шатысып кетіппін. Неліктен мне оны бақытсыз деп ойлаймын? Себебі, ол қанша жерден әнші болса да күйеуге жарымаған әнші. Қыз баласы әрдайым өзінің мүңын шағар біреудің болғанын қалайды. Ол, әрине күйеуі. Бұл менің жеке пікірлерім
Aizhantabyn
қаламаған шығар. не болмаса ондай «фонтан» әйел адамның қасында «екі есе фонтан» бола алатын ер адам керек.
AKY
күйеуге жарымаған әнші.
Жалғыздық Аллаға ғана жарасады:))))
AKY
В смысле Пугачева.
Zere
Күйеуге жарыған, жарымағанында біздің шаруамыз болмау керек.
Gastarbaiter
Жалпы оның бақытында біздің шаруамыз қанша?
Zere
Да лан, әңгімені бірдемемен аяқтау керек болды )) Сонымен қатар жалпы қоғамда оны өсектейтін адамдар көп қой, просто өнеріне көп назар аударайық деп айтқым келген еді.
Aizhantabyn
жақсы жазба.

Пугачеваны керемет әнші санамаймын, бірақ профессионал екені рас. ))
Zilola
жеке өз атымнан Аллаға респект!
VKM
Маған да ұнайды Алла Пугачева.
«Позови меня с собой....»деген ән айтушы еді ғой бір кезде
Zere
Сол әнді басқа әнші айтса дәл сондай әдемі ән болып шықпас еді деп ойлаймын.
Karakyz
Мен де жақында көрдім, ескі жазбаны, сол «Женщина которая поет» әнін айтқанын. Мықты актриса екеніне сонда көзім жетті.

хабар, сұхбаттарында болсын, телешоуларда болсын, жауаптары, коменттері дәл, «в тему», сосын еш жасандылық жоқ. Қызына сол жетіспейді.
Beytanis
Жігіттерін айтсаңдаршы, жігіттерін…
Gastarbaiter
Мына жазбаға Зеренің классикалық: «Неге бізде сондай жоқ?!» деген мұңлы сұрағы жетіспей тұр.
Zere
Бізде ғана емес, Ресейдің өзінде оны қайталайтындай әнші әлі жоқ.
Gastarbaiter
Незаменимых людей у нас нет© И.В.Сталин.
sammita
«Қызыма (яғни Кристина Орбакайте) бақыт пен қатар қайғы тілеймін»
мүмкін қиындық шығар? (орысшасы қалай). Қайғы деген тым ауыр…
Мықты әнші, актриса. Ал оның әйел бақыты жайлы біз не білеміз, "әр кәллада бір қиял". Өзінше бәлкім бақытты да шығар…
Zere
Бәлкім соны меңзеген шығар.
Gastarbaiter
Өзінше бәлкім бақытты да шығар…
Қыздар жиналып, басқа әйел жайлы өсек соққан жерде кілең әңгіме осындай түйінмен бітеді.
sammita
«онда біздің ісіміз қанша» дегенді меңзеген сиқым. Біреулер, әсіресе әйел жайлы өсек айтқанды жек көрем десем ақталу болып шығады-ау. Жақсы я қызықты, қалжың әңгіме айтуды өсек деп есептемеймін бірақ:))
Gastarbaiter
Өсек ғой. Позитив өсектер:))
Abilakim
Орыстардың кейбір зиялылары Пугачеваны ұнатпайды. Орыс эстрадасына жалаңаштанудан басқа ештеңе әкелмеді дегендей пікір айтады
Gastarbaiter
Өсек ғой. Негатив өсектер:))