Алматыдан әдеттегідей шабытпен келдім

Мінбер семинары
3 күндік сапарымның негізгі мақсаты Мінбер ұымдастырған семинар-тренингке тренерлік қызмет атқару еді. Ол миссиям ойдағыдай өтті деп ойлаймын. Бір жағынан үйреттік, бір жағынан үйрендік. Біз білмейтін біраз нәрсе бар екен, Асхатқа үлкен рахмет. Семинар өте жақсы өтті деп ойлаймын. Енді Астанада өтеді. Тағы да біраз тәжірибе жинап қайттым және ысыла бастағанымды өзім де сезгендеймін :) Көпшілік алдында бұрынғыдай толқу, қысылу жоқ :)

Алматылық керекшілер
Семинардар бос уақытымды алматылық керекшілермен өткіздім. Уақытымызды көңілді өткіздік деп ойлаймын. Админ ретінде қолданушылардың сұрақтарын, ұсыныстарын, сындарын тыңдадым. Ойға жақсы идеялар келді. Рейтингі жоғары және пікір көп жазылған мақалалар автоматты түрде алғашқы бетке шығатынын түсіндік және рейтингі жоғары қолданушылар плюс қойған кезде олардың плюсі еселеніп қойылатынын түсіндік. Бірінші рет @edige мен @madlen-ді көрдім. Жұрттың көбі Гастаны көрді алғаш рет. Жалпы көп адам бірін бірі бірінші рет көрді. Осындай екенсіңдер ғой деген әңгімелер айтылды :)

Жерұйық фильмі
Кино туралы өткенде осында ақпарат жазылды ғой. Сондықтан алдын ала шамалап отырдым фильм тақырыбын. "Ұнады, көшті болды" деп айтсам кино талғамым төмен екен деп ойлап қалар деген оймен кино біткен бойда сұрақ-жауап процедурасына қатыспай, темекі тартуға шығып кеттім бірден. Мемтапсырыс па емес пе білмеймін, баяғы сол халықтар достастығы, тату-тәтті, бейбіт өмір, халықтар ассамблеясы, т.б… Бас рольдегі актер қатты ойнап (переигровать) етіп жіберген, театр емес қой бұл. Диалогтар жасанды, сюжеттер бір бірімен байланыспайды. @TERISKEI айтқандай режиссер негізі док.фильмдер түсіреді екен. Сондықтан қатты сынамау керек сияқты бұл фильмді. Менің жеке ойым — ақша төлеп баруға тұратын фильм емес. Бірақ, Қазақфильмді көріп қайттық, күшті екен. Жабық көрсетілімге арналған залдары да күшті.

Алматы
Менің сүйікті қалаларымның бірі. Осы қалаға келсем демалып қаламын. Бас демалып, ойға неше түрлі жақсы идеялар келеді. Көпшіліктің пікірі де жиналғасын ба әйтеуір жақсы болып қаламын Алматы және алматыдағы керекшілерді көрсем. Горький паркі қатты ұнады, біз барған кезде ауа-райы да жақсы болды аздап жаңбыр жауып. Айналадағы адамдарды көріп әйелім мен баламды сағынып кеттім. Әдемі жерлерді жалғыз көргім келмейді, әйеліммен бөліскенді жақсы көремін. Бүгінге дейін өзім барған біраз жерді апарып көрсеттім. Келесіде еш шаруасыз тек қыдыруға келіп кетеміз ау деймін.

Рахмет сіздерге Алматы және алматылықтар! Бәріңізді жақсы көремін.

фото: @monti