Басың айналды ма?

Бауырым айтшы, осы қазақ халқын, халқын емес-ау қазақ жастарын дінге кіргізген кім? Ненің әсерімен жастар жаппай сақал қойып, кәлимә айтып дінге кіріп діндар болып жатыр? Жалпы осы конвеир өз жұмысын қай уақытта, кімнің, нақты ненін әсерімен бастады?

Жастарды жаппай дінге кіргізген Қазақстан Мұсылмандарының Діни Басқармасы ма? Әлбетте бұлай деп ешкім айтпас. Себебі мешіттердегі жүргізілетін уағыздың сапасын, түрін өзің көріп жүрсің. Мешіт имамдары аптасына бір рет, халық жұма намазына жиналғанда ғана өз жұмысына кірісіп, шала-пұла, сырылдаған микрофонмен алысып отырып уағызын айтар. Басқа уақытта бұлар уағыз айтып ел аралап басын қатырып жатпайд.

Жастар өздерінің ізденісінің ықпалымен кірген болар? Жалпы қазіргі біз өмір сүріп тұрған заманда “жастар өз ізденісімен дінге кіред” деген сөз сәл томпақтау. Логикаға салсақ, тұла бойындағы энергиясын қайда жіберерін білмей жүрген жастар дінге емес, батыстық мәдениеттің ықпалымен дискотека деп, анау деп, мынау деп кете беруі керек. Өздігінен дін іздейтіндей ата-аналары намаз оқымайд, оларға сәби кезінен бастап уағыз айтып, дінге үйретіп тәрбие көрсетпеді ғой. Еліміздің дамуының өтпелі кезеңінде материалдық проблемаларымен шақшадай басы шарадай болып, “бала-шағамды қалай асыраймын? Не жегіземін?” деп жүрген олар қайдан ондайға мұршасы болсын. Болған күннің өзінде, атеистік қоғамда тәлім алған олар жастарға дін үйретіп, кәлима жаттатуға білімдері жетпес еді.

Олай болса жастар дінді қайдан үйренді деп ойлайсың?

Еліміз тәуелсіздік алғаннан кейін КСРО кезінде қасқайып тұрған “темір перденің ” қабырғасы шытынап, қазақ халқы басқа мемлекеттерге саяхаттап, саяхаттай былай тұрсын, тіпті, сол шет елдерде білім алып, оқу оқуға мүмкіндік алды.

Дәл осы кезеңде ата-аналардың балаларын шет елдерге діни білім алуға жіберу тенденциясы басталды. Әйтеуір, не керек, ата-аналар: “балам дін үйреніп, мұсылман болып келсе жаман болмас, артықтық етпес. Үйренсе үйренсін, бабаларымыз осы діннің әсерімен талай жаңалықтар ашып ғалым болып еді, әулие болып кереметке жетіп еді” – деп көп ойланбастан-ақ балаларын жіберіп жатты.

Шетке болғанда, сол діннің әсерінен қазіргі таңда бір-бірімен қырқысып, қырылысып жатқан Иракқа, Ауғанстанға, Пәкістанға, ҚМБД ның өзі шатақ дін – Уахаббизмнің тараған жері деп пәтуә шығарған Сауд Арабиясына, Мысырға. Әйтеуір ұстанған діндері мамыражай тыныш өмір кешуге себеп болудың орнына, еш береке таптырмай, өз діндері өздерін сор болып отырған мемлекеттерге.

Солай да солай, “мұсылман болып, елге дін жайып, қызмет қыламыз, елдің алға сүйрейтін локомотиві боламыз, жұрттың, елдің алды болып, ел тағдырына араласамыз оралғасын” деген ниетпен кеткен жігіттердің оқу оқып келген беттегі сықпыттары ата-аналары ойлағандай болмады. Кесек сөйлеп, коғамның кез-келген мүшесімен еркін әңгіме айта алып, санасы, ойы кеңіп, ел алдында сөз бастап ой айтып, жастарды еңбекке, елге қызмет қылуға, елді сүйіп, риасыз жұмыс істеуге шақырудың орнына сол білім қуып кеткен жастар мешіт жағалап дін уағыздайтын жалаңаяқ молдалар атанды.

Былайша айтқанда, жігіттер бір жақты кетіп қалды. Қоғам өміріне аралспайтын, кез-келген жерде, кез-келген отырыста, кез-келген бас қосуда реті келсе де, келмесе де уағыздарын тықпалайтын сондай бір жағымсыз миссионерлерге айналды.

Ата-аналарының қасында болып, жұмыс жасап ақша тауып қызмет қылғандары ілеуде біреу болар. Бұл енді сол тоқсан бесінші жылдардың шамасы.

Сонда не айтатын еді дейсіз ғой? Қасына жолап әңгімесін тыңдай кетсеңіз өздері “Таухид” деп атайтын ілімін айтa бастайды…

“Бір Құдайдан басқаға құлшылық қылу ауыр күнә. Сендердің Бекет деп, анау деп, мынау деп әулиелерден медет тілеулерің – барып тұрған надандық, оларға табынып, сәжде қылғандық” деп жіберіп тартып отыра беретін…

Бұндай масқараны естіп көрмеген, есі кіргелі бері Құдайдың алдында өзддерінен құлшылығы асқан деп есептейтін мұсылман құлдардан өзі үшін Құдайдан дұға қылуын сұрауды әдетке айналдырған халыққа бұл шынымен де тың жаңалық болды. Тіпті кейбір ауылдың ақсақалдары уағыз айтып, тіл безеп жүретіндерді таяғымен ұрып қуып шығып жататын еді. Бұған енді ол кезде ешкім қатты мән беріп соңына түскен жоқ. “Сандалып-сандалып қояр” деп мысқылмен қарайтын еді.

Енді сұрақ туад, бұл уағызшы жігіттердің бұлай елді кезіп уағыз айтып, аралауына не нәрсе мотивация болды екен?

Менің ойымша оқыған оқу орындары елге барып дін жаясың, қаржылай көмек көрсетеміз деп жіберген болуы керек. Олай дейтін себебім, Ақтауда өскен біз де осы жалаң аяқ молдаларға тап болып, әңгімесін тыңдау “бақытына” ие болғанбыз.

Біздің мектеп жасына келіп қалған кезімізде бұлар жалаңаяқтығынан арылып, светский өмірге адаптацияланған кезі еді. Бір қызығы бұл кісілер өз уағызын жүйелі түрде жүргізетін еді. Барлығы графикпен. Уақытпен. Күніне неше адамға уағыз айтып, неше адамға намаз оқытып, кімді дінге кіргізгенін жазып, дәптеріне ұқыпты түрде тіркеп қоятын. Кешке таман жиналып отчет тапсырушы еді.

Уағызына бірнеше мәрте қатысып, ығына жығыла бастаған адамдарды қырықтық, отыздық деп атап, Алла ризалығы үшін деп ел-елді, қала-қаланы, аууыл-ауылды аралап дін уағыздауға шақыратын. Бір қызығы тамақтану мен тұратын жерді өз мойындарына алып ақшадан таршылық көрмейтіндерін айтатын…

Бұл жігіттер акцентті ақыл-ойлары тоқтамаған, психикасына әсер ету оңай болатын жастарға көбірек салатын.

Әйтеуір не керек, ауылдағы адай ақсақалдардың қаупі орынлалып бүкіл Ақтау жастары жаппай дінге кіріп, “мұсылман брат” атанып жатты. Бірінен соң бірі. “Анау намаз бастап кетіпті, мынау сақал қойыпты” деген әңгімелерді Құдайдың құтты күні еститінбіз.

Бұл уағызшы жігіттердің жұмысының жүйелілігі, сапалылығы соншалық тек Ақтау емес, жалпы Қазақстанның барлық елді мекендерінде жастардың дінге кіру процесі басталып жатты. Жас діндарлар, арифметикалық емес, геометриялық прогрессиямен өсіп жатты. Тіпті бұл конвейрді тоқтату тіпті мүмкін болмады. Ауыл ақсақалдары наданға баланып, орыстанып кеткен дүбәрә атанып, қадірі қашып жатты.

Жастар арасында “мұсылман брат” деген термин пайда болып, осы терминнің астындағы жігіттер өздерінің тусовкасымен тусить етіп жүретін еді. Қоғамдық өмірге араласпайтын, жұрттың ақылын тыңдамайтын, елдегі жаңалықтардан хабары жоқ, өздерінің діндерінен басқамен жұмысы жоқ шайкалар көбейіп кетті. Бұл енді қаланың дворларындағы ситуация еді.

Осы уақытта бұл “Таухид” идеясы қоғамның жоғарғы қабатына да әсер етіп, енді тек ауыл-аймақтың қарапайым жастары емес, биліктің тұтқасын ұстаған, елге зиялы атанған адамдардың арасында да белең алып үлгерген еді. Бұл кісілердің әңгімесі, жүріс-тұрысы дворовый жігіттердікіндей болмаса да идеялары бір.

Ата-анасының тиымымен уағызшы жігіттерге ермей жүрен кейбір жастар сол кумирлерінің соңына еріп ақыры сол идеяға иланып жатты. Көбі “мәшфәрә, отыздық, анау-мынау” деп, “Құдай үшін” деп ата-анасынан безіп, сөзін тыңдамайтын, ақылдарына құлақ аспайтын деңгейге жетті.

Осы мезгілде ата-аналар балаларын шет елге оқуға жібергеніне өкініп, дін оқимын деп кеткен көршілерінің балаларының қуып кетіп жатқанын көрген отбасылар кенжелерін мешітке жолатпастай болды. “Мешітке баланы жіберу опасно” деген пікір ата-аналардың арасынде кеңінен жайылды.

Жеңгелеріміздің есік алдында айтып отыратын өсектері осы теманы ешқашан айналып өтпейтін болды. “Ойбуууу, ананың баласы пәлен болыпты, мынаның баласы түген болыпты. “Oсы күні баланы мешітке жіберуге де қорқатын болдық қой” деген әңгімелерді талай құлағың шалған болар.

Бұл уағызшы жігіттердің идеясы басында ушықпаған қалыпта еді. Кейін араларына қосылып сенімге әбден кірген адамдарды одан әрі обработкадан өткізетін. Бұдан кейін жігіттер: “керек десек мемлекеттің заңы да, мектептің заңы да маған заң емес. Мынау кәпір мемлекет, әділет үшін, имандылық үшін күресу керек” деп ұрандайтын нағыз радикалдың өзіне айналып шыға келетін. Бірақ “Таухидтің бастапқы сатысында” жүрген жігіттер бұдан хабарсыз болды. Шындығында бұлар да потенциальный радикалдар еді.

Сонымен қорытынды не? Қорытынды мыау…

1. Осы жылдың маусым айында Ақтау қаласының сыртындағы ГМ 172/1 қатаң режимдегі колонияда қарулы шабуыл жасалып 21 адам түрмеден қашып шыққан. Сол мекеменің таратқан ақпараттарына сәйкес қақтығысқа қатысқан адамдар уахабиттік идеямен сусындаған адамдар болған. Бұл оқиғаны жариялаған лада.кз сайтына соңыра хакерлік шабуыл жасалып сол оқиғаға байланысты ақпараттардың барлығы жойылып кеткен. “Сайтта сайтқа шабуыл жасаған хизбуттахрир” деген сөз шығып тұрған.


2. Қашқын тұтқындардың ішінде 2007 жылы Қордай ауданында «Такфирлер жамағаты» лаңкестік ұйымын құрғаны және басқарғаны үшін ҚР ҚК 233,164,251 бабы бойынша сотталған Дәурен Әлімбетов деген уаххабит қылмыскер де бар.


3. Сонымен қатар 2008 жылы Маңғыстауда полиция капитаны Бисекеновты «Аллаһу акбарлап» өлтірген уаххабилік ағым мүшелері Е.Алпанов, Н.Ажиев, О.Жолдасбаев бар болған.

4. 2009 жылы 23-шілдеде ақтөбелік үш жігіт Атырау облысы арқылы Ресейге өткелі тұрған жерінен ұсталды. Соттың пайымы бойынша, олар Дағыстанға лаңкестік пиғылмен бара жатқан. Үшеуі темір торға жабылды. Ақтөбе қалалық сотының судьясы Рауия Құспанованың хабарлауынша, Асхат Түркімбаев жеті жылға, Серік Ізтаев алты жылға, Дәулет Исімбаев алты жылға бас бостандығынан айыру жазасына кесілді.

5. Саид Бурятскийдің идеясына елітіп, еліктеген астаналық бір топ жас Ингушетияда ұсталды. Солардың екеуіне – ағайынды Жасұлан Сүлейменов пен Қуат Жобалаевқа «Джамаат әл-Фараби» атты лаңкестік топ құрды» деген айып тағылды. 2009 жылы қарашада ағайынды Жасұлан мен Қуат сегіз жылға бас бостандығынан айырылды. Себебі, олардың пәтерінен «Ф-1» гранатасы, «Байкал» пистолеті, флэш карта мен дискілер табылған. Сонымен қатар имам ән-Нававидің хадистері, Мухаммад ибн-Абдул Ваххабтың кітаптары болған

6.2009 жылғы шілдеде Дағыстанға «жиһадқа» аттанған жаңаөзендік өрімдей бес бала ФҚҚ қолынан қаза тапты. Бұлардың кетуіне интернет сайттардың террористік пиғылдағы ақпараты себеп болғаны БАҚ-та жазылды.

7. «Қазақстан жаңалықтары» агенттігінің мәліметіне қарағанда, 24-ақпанда 25 жастағы атыраулық Қанат Нүрекенов интернеттен Саид Бурятскийдің дәрісін көшіріп алып, жолдастарына таратқаны үшін бір жылға сотталған. Аталған дәрістегі үгіт-уағызда ҚР Жоғарғы соты террористік деп таныған, республика аймағында қызметіне тыйым салынған «Мұсылман бауырлар» ұйымының қауіпті идеологиясы жатқанын сот анықтады. Тергеу ісімен Атырау облысы бойынша ҰҚКД айналысты.

8.«Алматы» телеарнасының 2009 жылы 11-тамыздағы ақпаратына сүйенер болсақ, Алматының Шаңырақ ықшамауданында экстремизмді насихаттаған Әділхан Нұрхитовты тәртіп сақшылары Петропавл қаласында жасырынып жүрген жерінен тұтқындаған болатын. Оның сыбайласы Абдуманап Мавлянов шекара асып үлгерген. Ұйым мүшелері кәпірлерге қарсы «жиһад» жариялауды басты ұран етіп ұстайды. Тергеу барысында күдіктілер Ресей азаматы Саид Бурятскийді пір тұтатынын анықтаған. Солтүстік Кавказ аумағындағы қарулы топтардың басты идеологы саналатын Бурятский әзірлеген “жиһад” жайлы фильмдерді олар Алматының қақ ортасында дәріптеген.

10. 2011 жылдың 17 мамырында таңғы сағат 10-дар шамасында Ақтөбе облыстық ұлттық қауіпсіздік комитетінің департаменті орналасқан аумақта жарылыс болды. Жақын маңдағы қонақүй қызметшілерінің айтуынша, күдіктілердің екеуі де сақалды жігіттер көрінеді. Сырт пішіні діни топ мүшелеріне келеді-міс. Белдерінде «шаһидтік белдік» болған.

Олай болса біз дінді қайдан үйренуіміз керек? Ғылымның қайнар бұлағын қайдан табамыз? Нағыз адамгершілікке, шынайы махаббатқа, шынайы сүйіспеншілікке бастайтын жол қайсы?

(жалғасы бар)
Бөлісу:

117 пікір

konvict
Меніңше, Еркебұлан, мұсылманның анау ағымы қате, мынасы дұрыс дегеннен көрі өзге дінді айтқанымыз дұрыс секілді. Ит болса да мұсылман ғой. Ал, өзге діндегілер ол өзге діндегі адам. Қайта мұсылманнан емес, солардан сақтану керек
Ojdan
мұсылманның анау ағымы қате, мынасы дұрыс дегеннен көрі өзге дінді айтқанымыз дұрыс секілді. Ит болса да мұсылман ғой. Ал, өзге діндегілер ол өзге діндегі адам. Қайта мұсылманнан емес, солардан сақтану керек
Іштен шыққан жау жаман!!!
qisyq
Ит болса да мұсылман ғой.
Әрине, мұсылман жақсы. Бірақ, өздерін мұсылманбыз деп елді-жерді шулатып, адамдарды қан қақсатқандардан да маған өмір бойы Құдайын аузынан тастамай, ешкімге жамандығын тигізбей, тыныш қана өмір сүрген Иван көршім жақын.
Onlasyn
Бірақ, өздерін мұсылманбыз деп елді-жерді шулатып
Ондай мұсылманның Исламға тигізер зияны аталмыш Иваннан жаман.
konvict
Тағы айтқым келетіні, осындағы қолданушылардың көбісі журналисттер немесе журналитикаға қатысы барлар. Неліктен солар «жиһад», «шаһид» деген сөздерді террористерге таңады? Газеттерде «ислами-экстремистік ұйым» деп жазады. Неліктен ислами? Неліктен хрестиани-экстремистік үйым деген жоқ? БАҚ-ты бекерден-бекер төртінші билік демейді. Солар емес пе халыққа ненің жақсы, ненің жаман екендігін айтатын. Онда не жорық исламды жамандаса?
AsanQaigy
білгендер мен білмегендер тең ба?
Serzha
Неліктен ислами? Неліктен хрестиани-экстремистік үйым деген жоқ?
1. себебі исламнан
2. себебі жоқ ондай
konvict
Кетнақ! Беретін болсаң жауабын дұрыстап бер, или қысатын жердің бәрін ҚЫС!!!
AsanQaigy
2. себебі жоқ ондай
Бар. Оның бір мысалы мында
Serzha
жындылар бәр жерде бар. бірақ мұмылман жындылар бәрінен асып түседі
AsanQaigy
қазақта «бәр» деген сөздің бар екенін білмедім.
Serzha
барлық, бәрі яғни
AsanQaigy
Логикаға салсақ, тұла бойындағы энергиясын қайда жіберерін білмей жүрген жастар дінге емес, батыстық мәдениеттің ықпалымен дискотека деп, анау деп, мынау деп кете беруі керек.
Келіспеймін. Бірден бәрін солай деу жұрыс емес, әр адамның өз талғауы, қалауы болады. Өз басым 23 жыл өмірімде түнгі клубтарға санаулы рет қана бардым. Оның басты себебі биге және клубтық музыкаға құмарлығымның жоқтығы. Мен сияқты қаншама жастар бар соны да ескер.
Serzha
ал мен келісем, оған қоса жастарда бос уақыт көп
AsanQaigy
жастарда бос уақыт көп
Ол уақытты қалай өткізу өзіңе байланысты. Сен — ең алдымен өз уақытыңның менеджерісің. Бос уақытың көп боса, жаман менеджер болғаның.
Serzha
мн өзім туралы айқаным жоқ. әңгіме жастар туралы емес пе?
AsanQaigy
мен де сөзімді тек саған емес, сол «бос уақыты көп» жастарға арнадым.
Serzha
жастар тыңдайды деп ойлайсың ба?
AsanQaigy
«АРЫСТАНДАЙ АЙБАТТЫ ЖОЛБАРЫСТАЙ ҚАЙРАТТЫ МЕН ЖАСТАРҒА СЕНЕМIН...» Мағжан Жұмабаев
Zere
Өте жақсы мақала! Менің де осы жайлы көп ойланғаным бар еді. Алдында ғана досыммен сөйлесіп отырғанда осыны айтқанмын, қашан басталды? қайдан келді? Жаппай діншілдендіріп жіберді ғой әйтеуір.
Ата-аналар балаларының ішпей, керісінше Құдайдың жолында жүргенін тәуір көрді, алайда оның да теріс пиғылы бар екенін білмесе керек.
VKM
Зере, бұл сондай саясат, сыртқы жаулардың, папамдар солай деп отырады, мен толық қосыламын… Бізді басқадай(ұлттарды бір-біріне қарсы қойып,3 жүзге бөліп)ала алмаған соң, дін арқылы құртпақшы. Соны қазақтар түсінсе(((
Тағы байқағаным, түріктер КТЛға барлық лидер балаларды жинап алды, ал олар барлығы дерлік намаз оқиды.Біздің халықта еліктеушілік керемет қой.
Жалпы Аллаға сену керек. Бірақ фанат болып кететіндер көп-ақ(
Altygradus
ал олар барлығы дерлік намаз оқиды.Біздің халықта еліктеушілік керемет қой.
барлығы дерлік намаз оқиды деп бір жаман нәрсе жасап жүргендей айттың ғой.Әлде сен үшін намаз оқу еліктеушілік па сонда?? қызық пікір екен:))))
Жалпы Аллаға сену керек. Бірақ фанат болып кететіндер көп-ақ(
Аллаға сену дегеніңді түінген болайық, ал фанат боп кету деп намаз оқуды айтқаның ба сонда??
VKM
@Altygradus,.
фанат боп кету деп намаз оқуды айтқаның ба сонда??
жоқ, фанат деген фанат, кәпірлерге джиһад жариялау, кісі өлтіру…
Сосын намаз оқу жаман деген жоқпын.
Бәрі дұрыс түсінсе, сен-ақ бұрыс түсініп жүреді екенсің мені(
Altygradus
фанат дегендерің кім екенін енді түсінікті болды
әйтпесе жазғандарыңды өзің бір оқып шықшы:) КТЛға өңкей лидерді жинап алды, ал олар барлығы дерлік намаз оқиды деп жаман нәрсе істеп жүргендей келтіргенсің осын онымен қоймай еліктеушілік мол халықпыз деп жазғасын басқадай түсіну мүмкін емес сияқты:)
Aizhantabyn
КТЛдің көп түлегін танимын))) асыра сілтеп, фанатик болғандары бар, бірақ бірең сараң. Көбіне ұяң, мінездері жұмсақ жігіттерді тәрбиелейді, қыздары да сол. (кейін, кішкене тормозить етіп жүреді, бірақ жалпы жаман емес)
Өз басым ктлді қолдайтын болдым, өйткені қарап отырсаң, беріп жатқан білімдері керемет!
Қалғанымен келісем)))
Ojdan
КТЛдің көп түлегін танимын))) асыра сілтеп, фанатик болғандары бар, бірақ бірең сараң. Көбіне ұяң, мінездері жұмсақ жігіттерді тәрбиелейді, қыздары да сол. (кейін, кішкене тормозить етіп жүреді, бірақ жалпы жаман емес)
Басым бөлігі Нұршылардың күшіктері!!!
konvict
Басым бөлігі Нұршылардың күшіктері!!!
Артық сөз, мынау артық сөз. Сен бір рет болса да Сайд Нурсидың кітабын оқыдың ба? Несі үнамады?
Ojdan
Сайд Нурсидың кітабын оқыдың ба? Несі үнамады?
КТЛ-ді бітірдім, былықтарыннан хабарым бар.ОЛ туралы сол замманың Шәйхул Исламы жақсы айтқан!
konvict
Мен күчік сөздерден ешқандай дұрыс емес нәрсе байқамадым
Ojdan
Сен байқамадың деп, жоққа шығармаймыз ғой
konvict
Оқай делік. Мысал келтірші бірлі-жарым
Serzha
інім ктл-да. сыныбында тек бір бала намаз оқиды
konvict
КТЛ-да оқымасам да, КТК-да оқыдым. Бірақ фанат болған жоқпын. Олардікі фанаттық емес, олардікі біржақтылық. Сізде олар секілді біржақты қарайсыз
Zere
ҚТЛ-да Гюлленнің саясатын жүргізеді деген сыбыс бар. Жел тұрмаса шөптің басы қимылдамайды.
konvict
Гүленнен жамандық көргендей сөйлейсіз ғой тегі. Ол не істеп еді сонша?
Zere
Ештеме істеген жоқ. Бар білетінім оның діні біздің дәстүрлі исламнан алшақ.
konvict
Мен гүленшілермен етене араласып едім. Бірақ сіз айтқандай ешқандай алшақтық байқамадым. Мүмкін болса біраз мысал келтіре аласыз ба?
Ojdan
Ол не істеп еді сонша?
FBI-дің қуыршағы!
konvict
Осыдайда @Ahi-дің дәлелің қайда дейтіні ұнайды!
konvict
Жекеге жазып едім. Жауап берш
Ojdan
Жекеге жазып едім…
Ojdan
Құдайдың жолында жүргенін тәуір көрді, алайда оның да теріс пиғылы бар екенін білмесе керек.
Құдайдың жолымен сектаны шатастырмау керек!
Nurzhol
Ешкімді кінәлауға болмайды, немесе бәрі кінәлі. Үкімет, бағынатын органдар жазалауға шебер-ақ екен, неге осылардың алдын алуға көңіл бөлмейді?
Халық нені қалайды? Халық өз тілінің өз деңгейінде қолданылғанын қалайды, бірақ оған көңіл бөлініп жатыр ма? Жоқ. Үлкендер кішілерді сыйлағанын қалай ма, қалайды. Үкімет оған көңіл бөле ме, Жоқ. Есесіне, түнгі клубтар, жын-ойнақ орталықтарының саңырауқұлақша қаптауына қарсы емес. Ата қонысының байлығын ел игілігі жөнді көріп жатыр ма, жоқ. Есесіне, ол мұнай, астықтарды ішкі нарыққа жібергенше, сыртқа қымбатқа сатқан тиімді еес пе. Қазынаға түскен қаржы қашан ел игілігіне дұрыс жұмсалып еді.

Кей-кейде, тұлпарлардың жолымен,
Есектер де кетіп бара жатады — деген Шахановтың өлеңі бар еді ғой.

Демократия жасасын! Жоқ, дұрысы Жемократия болады. Себебі, демократия көзірінің арқасында, неше түрлі ақылға сыймайтын бассыздықтар жайбарақат орын алып жатыр.

Дамыған Еуропаның арнасына қосыламыз деп, канализациясынан бір-ақ шығып жүрмейік. Найзамен де, мылтықпен соғысқан заман артта қалса, қазіргі идеологиялық соғыс алдыңғы екеуінен де қауіпті ма қалай өзі, кімді жақтарыңды білмей қаласың.
Nurzhol
Тиынның екінші жағы бар. Мен үшін бұлардың бәрі далбаса. Қандай жолмен жүрсек де, ең бірінші өз қалауымен жүрген жөн-ау. Қателесіп жатсаң, ешкімге тісіңді қайрамайсың. Кез-келген балабақшаның баласы айтып бере алатын адамгершілік, жақсы адам түсінігі бар. Шама келсе, осыларды жөндеп ұстай алсам, қалғанына миымды грузить етіп қайтем. Анау-мынаудың өмірлік бағыттарын сыйлаймын, жәй показуха үшін, шындығында түкіргенім бар. Ақ пен қараны ажырататын сананы не үшін берді.
satibaldi
Тек тотальды дарға тарту, табанда атып тастау және мысықжеккенге айдату ғана нәтиже бермек!!!
Nurzhol
Адамдар екіге бөлінед: Түрмеде отырғандар және түрмеде отыруға тиістілер. © Марқұм Твен
satibaldi
1. Мектептердегі хиджаб, спанчбоб сияқты мәселелерді талқылауды дереу доғару;
2. Хиджаб киетіндер үшін арнайы діни семинариялар ашып, сонда оқыту, қоғамдық мектептерге араластырмау.
3. КарЛАГ, АЛЖИР, Освенцим, Бухенвальд, Майданек, Люстенау сияқты озық үлгідегі концентрациялық лагерьлер жүйесін қайта жасақтау.
4. Лаңкестік орта болуы қаупі бар қауымдар мен жама'аттарды сонда тоғыту.
5. Үштік Сот жүйесін қайта жандандыру, әскери кезеңдегідей тез шешім қабылдау жүйесін қайта ашу.
6. Дәл сол жерде, табанда және тез атып тастау. Мейрам күндері дар кағаштарын алаңға шығару.
VKM
черный юмор
Altygradus
черный юмор болса да дұрыс айтылған нәрсе. Енді біздің бастағылар сондай бірдеме ойлап шығаруы әбден мұмкін
VKM
өтініш, менің пікіріме қуалап жүріп, пікір жазбауыңды сұраймын.Менің көзқарасым қалыптасқан,өзгермейді
Altygradus
бұл жерде саған қарсы жазбаған едім негізі:))
мен де черный юмор деп бағалар едім.
Тек астына біздікілерге дай повод бас ал десе шаш алады деп қана қостым, барлық жерден секемдене бермесеші:)))
AsanQaigy
7. Осы айтылған пікірлерді Үкімет отырысында бекіту
Nurzhol
Дәруішөлген мемлекетімен тәжірибе алмасу керек.
JAKO
Кейде адамның Сатыпалдының пікіріне қосылғысы келеді.
Ojdan
(жалғасы бар)
күтеміз
Altygradus
мақала сапалылардың қатарына жатқызуға болар еді негізі, тым бір жақты жазылғаны болмағанда Әйтпесе біраз деректер келтіріп іздегені көрініп тұр.
«шаһидтік белдік»
осындай сөздерді неге біздің журналистерге дейін қолданады екен??? Ресейліктердің әдейі Исламды қаралау үшін қолданатын терминдерін сол бетінде көшіріп, Шахид болмай кеткір терористтерде шаһидтік белдік таққан деп, ээх қарның ашады дені дұрыс мақалалар жоқ.
Кейбіреулер оларда кінә жоқ, басқаларға ерген ақымақтар деп ақтап әлек, ал мына жерді оқысаң дінді ұстанған бүкіл жастар елге пайдасы жоқ, бос жүрген біреулер боп шықққан. Далбаса мақала боп қалар еді арасындағы кейбір деректер болмаса.
konvict
Сізбен келісемін. Оларға шаһид деп есім беріп, мұсылман деп айдар тағу исламды жамандағысы келген адамның сөзі. Оларды жай ғана террорист деп қолданса дұрыс болатын еді. Мақаланың маған ұнамағаны да осы болды.
Aizhantabyn
Ұнады мақала!
Өте өте.

Расымен, сондай «мұсылмандар» жайлы оқып, көріп, Исламнан шошисың. ((
talgatjez
«Менің атым — Кхан» деген фильмді кім көрді?
Aizhantabyn
мен!
talgatjez
Сол фильмдегі Кханнынң мамасының айтқаны ұнады: "«Адамдар „жақсы“ немесе „жаманға“ жасаған істеріне қарай бөлінеді»
Aizhantabyn
иә! ең керемет жері дер ем… шынымен солай ғой.
Arhun
Қорқынышты-ақ! Бұл оқиғаларға жаным түршігеді
timurrr
Исматуллиттердің «Хабардың» «Ақиқатынан» соңғы кезекті «ответкасы»:))) Танып болдық қой:) Бір күні «исматуллатану» деген ғылым саласын ашуым керек шығар…

Қыртыған пост!

"Үш қояндығы" жазбалардың "қойыртпағы".

Елді уаххабшылдықпен қорқыта отырып, «Халық енді не істеу керек?» деп риторикалық сұрақ қояды да, «Зікір салу керек!» деп өздерінің жамағатына қосылуды ұсынады. Бітті шаруа! Құттықтаймын, енді сіз исматуллитсіз!

@satibaldi айтқандай көзге түскен сектаның барлығын «шыңғырту» керек! Есесіне нәтижелі болады!
Zere
Өзің қосылып кетпейін деп қорықпайсың ба? Сенің де дін туралы біраз мақалаларың бар ғой.
timurrr
Кімге қосылып кетемін деп қорқамын? Уаххабшылардың да, исматуллиттердің де технологиясын біліп болдық, әлдеқашан. Орта жол деген бар Исламда. Әрдайым ортада болу керек! Приоритет деген бар. Исламдағы приоритет дегенді естіп жүрген боларсың. Сонымен жүрсең ұтылмайсың ешқашан!
Zere
Осы күні діншілдерге сенуден қалдық, шын айтсам.
timurrr
Исламдағы приоритет адамдардың діндегі жай-күйін анықтауда таптырмас құрал. Ол дегеніміз — парыз, уәжіп, сүннет, мұстахап, мубах, макрух, харам! Осыларды түсініп алсаң, тұман ашыла түседі. Сөйлегеннің, жазғанның не айтып отырғанын немесе не қопыратып, қойыртпақтап отырғанын бірден түсінесің. Сондай-ақ, бұл саған әңгіме айтып отырған адамның қаншалықты надан не сауатты екенін де дәл анықтауға көмектеседі. Егер жоғарыда келтірілген мәселелерді бір-бірімен шатыстырып-бытыстырса, онда оның лағып отырғаны дей бер. Ізденіп қара. Әрине, қаласаң…
Zere
Меніңше Құдай да, дін де адамның жүрегінде болу керек. Әркімге ашыла бермейтін, ешкімге зияны жоқ.
timurrr
Әрине, оған ешкімнің қарсылығы жоқ қой? Бірақ жақсылықты жеткізіп, жамандықтан қайтару деген бар. Сондықтан Ислам туралы мақалалар жазылады да «Ислам» туралы мақалалар сынға алынады. Содан кейінгісі барып, яғни қайсысын қабыл алатының енді сенің жүрегіңе қалады:)
konvict
Тирур сенің пікірлеріңнен біраз сектамен табақтас болғаның байқалады. Сен құрманәлішілермен сөйлесіп па едің?
timurrr
Өйткені, мен ИТ (хайуан емес:) «терісін» жамылған журналистпін:)
Құлшылық бір өзіне ғана болған Аллаһ Субхана уа Тағаланың берген Құраны мен Сүнннеті бар. Оның үстіне кезінде дебатқа қатысқаным бар. Дәлел жеткізу мен аргумент жасаудың технологияларынан хабарым бар:)

Алматыдағы орталық мешіттің жанында базарлап тұрған бір быраттан Ахмед Дидаттың дискісін алғам қарауға, ауылға кеп ашып қалсам, ішінде «Уаххабтар — шайтандар» деп сақалы қауғадай біреу отыр. Сөйтсем, Құрманәлі «тақсыр» екен. Жақсы психолог секілді:) Айтпақшы, жай сұрадың ба? Құрманали-патиге шақырайын деп пе едің?:)))
konvict
Пыроста біздің ауыл жақтағылар соған қол беріп жүр еді.
timurrr
Жұрттар бере береді ғой:)))
VKM
әр адамда әр түрлі көзқарас… Ахи ренжісе де, оның көзқарасымен ешкім келіспеді, солай ғой?
Яғни, бәрібір шекараны бәріміз бірдей көреміз…
konvict
Жоқ! Әркім шекараны көзінің жеткеніне дейін көреді. Егер бірдей көретін болса бәрі бірдей ұғымда болуы тиіс
Ojdan
Егер бірдей көретін болса бәрі бірдей ұғымда болуы тиіс
дұрыс
Ahi
Уағызына бірнеше мәрте қатысып, ығына жығыла бастаған адамдарды қырықтық, отыздық деп атап, Алла ризалығы үшін деп ел-елді, қала-қаланы, аууыл-ауылды аралап дін уағыздауға шақыратын.
“Бір Құдайдан басқаға құлшылық қылу ауыр күнә. Сендердің Бекет деп, анау деп, мынау деп әулиелерден медет тілеулерің – барып тұрған надандық, оларға табынып, сәжде қылғандық” деп жіберіп тартып отыра беретін…
Өтірік, шатастырып жатыр! Не надандықпен істеп отыр, не әдейі біле тұра істеп отыр! Біріншісінде, таблиғтар туралы айтып кетіп, екіншісінде нағыз муаххидтерді (бірқұдайшыл) айтып отыр! Екіншісін айтатын кісі ешқашан қырықтық, отыздық деп ауыл ауылды араламайды!
konvict
Дер кезінде байқапсың! Ощм, абтыр Еркебұлан ағатай біраз шатысқан секілді.
Ahi
Сонымен қатар имам ән-Нававидің хадистері, Мухаммад ибн-Абдул Ваххабтың кітаптары болған
И? Не болыпты? Оның үйінде басқа жас алаш, егемен қазақстан сияқты газеттердің де болғанын жаза кетсеңізші! Ал егер сол жарылысқа Нәуәуидің кітаптары әсер еткенін айтқысы келсе, онда дәлел әкелсін, Нәуәуидің келтірген именно қай хадисі солай қарай бағыттапты! Бұл жәй ғана халықты осы кітаптан абай бол деген сыңайлы сөз ғана.
konvict
Оның бұл пікірі әрбір сутенердің үйінде плейбой журналы болғандықтан осындай жолға түсті деген мысалға келеді екен
Ahi
Бауырлар, ортақ нәрсеге келейік: Құран және Сүннетке қайтайық және оны әркім өзінше емес, дәл пайғамбар, сахабалар, табиғиндер түсінгендей түсінейік, әйтпесе мына таластар ешқашан бітпейді! Құранды мойындайсыз ба, Сүннетті мойындайсыз ба және сол екеуін сахабалардың түсінігіне сай түсінудің қажеттілігін мойындайсыз ба? Онда соған қайтайық!
Ahi
Осындай өзін-өзі жаратындар дінге тым қатты зиян тигізеді, қазақтың «бір қарын майды бір құмалақ шірітеді» дегенін одан сайын түсінгендей болдым. Тағы айтарым, тек бұлар ғана дінге зиян тигізіп жатқан жоқ, сонымен қатар діннен түк хабары жоқ журналисттер діннің тарауына едәуір кедерге келтіруде. Мысалы, мына мақаланы жазған жігіт Исламды осылай етіп көрсетті, одан не ұтты? Ол сонда Ислам діні кейбір кісілердің әрекетімен өлшенбейтінін түсінбей ме? Әлде мен ішіп алып көшеде аузына келгенін оттап адам өлтірген бір журналисті көріп қалып, бүкіл журналисттер осындай деуіме келісе ме? Бұл Исламнан алыстату үшін, қайнар бұлағымыздан қол үзгізу үшін істелген әдеттегі әрекет қана.
Zere
Діннің сектаға бөлінген, бөлінбегенін қалай анықтайсыздар? Біреу келді де уағыз айтып, сені тартып жатыр делік, сен оның түзу жол екенін қайдан білесің? Неге мыңдаған секталарға бөлінген? Не үшін? Құдай, жарайды Аллаһ бір емес пе? Түптеп келгенде біздің өзіміздің дәстүрлі исламымыз бар ғой. Неге одан басқаның сектасын, бұрмаланған түрін ұлықтауымыз керек?
konvict
Дәстүрлі Ислам дегеніміз не? Ең алдымен соны айтыңызшы? Менің білуімше Ислам дәстүрлі болып бөлінбеуші еді
Zere
Сен маған бірінші сұрақтарға жауап бер.
konvict
Сектадағылар өздерінің ұстазын өзгелерден жоғары қояды. Өзге ғалымдарды мойындамайды. Исламға емес, өз сектасына тартады. Көпе-көрнеу өзге ғалымдарды жамандайды. Олардың сөзіне сенсең олар ғана түзу жолда-мыс. Өзгелер тозақтық. Құранды дұрыс оқи алмайды. Кітап ашады, түс көреді, атасы аян береді, әулиелер аралайды.
Неге мыңдаған секталарға бөлінген?
Әркім әрқандай түсінікте болғандықтан. Өзгелердің де ықпалы бар. Атын шығару үшін. Жынның ықпалымен және т.б.
Енді сіздің кезек
Ahi
Сектадағылар өздерінің ұстазын өзгелерден жоғары қояды
Барлық мұсылман өз ұстазын басқалардан жоғары қояды, яғни бұлмен анықталмайды.
Өзге ғалымдарды мойындамайды.
Барлық мұсылмандар тек өздерінің «дұрыс» деп тапқанын ғана ғалым деп мойындайды да, басқаларын ғалым деп мойындамайды.
Исламға емес, өз сектасына тартады.
Оның қай секта екенін білмей жатырып, оның Исламға, не сектаға шақырып тұрғанын білмейсіз, демек бұл да критерий ретінде жарамайды. Себебі кез келген адамды сектант деп күдіктенуге болады.
Көпе-көрнеу өзге ғалымдарды жамандайды
Өйткені оларды ғалым деп санамайды, ол туралы жоғарыда айттым.
Олардың сөзіне сенсең олар ғана түзу жолда-мыс.
Бәрі сөйтіп ойлайды, ешкім өзін сектадамын деп ойламайды.
Өзгелер тозақтық.
Бәрі сөйтіп ойлайды, себебі өзінікін ғана дұрыс деп табады. Демек бұл екеуі де жарамайды.
Неге мыңдаған секталарға бөлінген?

Әркім әрқандай түсінікте болғандықтан.
Мынауыңызға келісемін, әркім әртүрлі түсінеді, енді осы түсінікті қалай жинаймыз? Кімнің түсінігіне қайтуымыз керек? Қазір бір аят айтсам, сіз басқаша, мен басқаша, Сатекең тіптен басқаша түсінеді, бәрінікі өзінше қисынға келтірілген, енді осы түсініктердің ішінде қайсысы дұрыс? Соны қалай анықтаймыз? Оның жауабы: сахабалар түсінігі!
konvict
Барлық мұсылман өз ұстазын басқалардан жоғары қояды, яғни бұлмен анықталмайды.
Өз ұстазын өзгеден артық санау қателік.
Барлық мұсылмандар тек өздерінің «дұрыс» деп тапқанын ғана ғалым деп мойындайды да, басқаларын ғалым деп мойындамайды.
Бір ауыздан ғалым болып танылғандарды мойындау кез-келгенге міндет. Мен амал қылу туралы айтып отырған жоқпын.
Олардың сөзіне сенсең олар ғана түзу жолда-мыс.
Бәрі сөйтіп ойлайды, ешкім өзін сектадамын деп ойламайды.
Өзгелер тозақтық.
Бәрі сөйтіп ойлайды, себебі өзінікін ғана дұрыс деп табады. Демек бұл екеуі де жарамайды.
Міне, осылай ойлау ең алдымен сектаның хабары. Секташылар өзгені адасқан деп ойлайды, өзін ғана түзу жолдамын дейді. Олар өзгелерді жамандайды. Мен жазған әдіспен 100 пайыз болмаса да, 99 пайыз анықтауға болады. Мүмкін мен ойымды толық жеткізе алмаған шығармын. Бірақ бұл әдіс маған кімнің-кім екенін анықтауға көмектесті
Ahi
Мысалды сізге қаратып айтайын
Өз ұстазын өзгеден артық санау қателік.
Сіз Бен Ладенді ұстаз деп санайсыз ба? Сіз жоқ дейсіз, онда мен сізді сектант десем қалай болады? Себебі Бен Ладен біреулер үшін ұстаз! (тек мысал үшін айтып жатырмын, Бен Ладеннің орнына Исматулланы қойсаңыз да болады)
Секташылар өзгені адасқан деп ойлайды, өзін ғана түзу жолдамын дейді./blockquote>
Сіз Исматулланы, Бен Ладенді адасқан деп ойлайсыз ба, егер йә десеңіз, сізді де сектант деуге тура келеді, себебі сіз айтқаныңыз бойынша, сектанттар тек өзін ғана дұрыс деп, қалғанының бәрін адасқан деп ойлайды.
konvict
О, Раббым! Маған сабыр бере гөр!
Ахи! Әңгіме мұсылман сектанттар туралы болып жатқан жоқ па?
Мен өзімді түзу жолдамын деп санағаным жоқ. Мен де адаммын, мен де қателесемін.
Исматулла мен Бен Ладен бәріне кірмейді. Олар жалқылар. Ал, сектанттар жалпы туралы сөйлейді. Сен өзің қанша жамағатпен араласып едің?
Мен өз ұстазымды өзгеден артық санап отырғаным жоқ. Себебі менде жеке ұстаз жоқ. Менің ұстазым Ислам ғалымдары. Пайғамбарымыз, Имам Ағзам! Ибн Таймия, Имам Шафиғи, Ханбали, Малики, Әбу Бәкір және т.б. Мен осылардың біреуін өзгесінен артық қойған емеспін. (Пайғамбарымыздың орны ерекше, оған жабыспай ақ қой, Әбу Бәкір де сондай)
Сіз Бен Ладенді ұстаз деп санайсыз ба? Сіз жоқ дейсіз, онда мен сізді сектант десем қалай болады? Себебі Бен Ладен біреулер үшін ұстаз! (тек мысал үшін айтып жатырмын, Бен Ладеннің орнына Исматулланы қойсаңыз да болады)
Мен біреудің ұстазын жамандадым ба? Рас, мен үшін ұстаз емес олар. Мен тек оны менің ұстазым емес екенін айтамын.
Сіз Исматулланы, Бен Ладенді адасқан деп ойлайсыз ба, егер йә десеңіз, сізді де сектант деуге тура келеді,
Ислам ғұламалары да оларды адасқан деп ойлайды.
Ahi
Исматулла мен Бен Ладенді ұстаз санайтындар сіздің «Ислам ғұламалары» дегендеріңізді ғалым деп санамайды, сіз де Исматулла мен Бен Ладенді ғалым деп санамайсыз, сонда кімдікі дұрыс, кімдікі бұрыс екенін қалай анықтаймыз?
konvict
Сен бауырым! Жалқы мен жалпыны шатыстырып алдың ау деймін. Кімнің хабары мұтауатар болады. Сонікі дұрыс.
Ahi
Муаз Ибн Жәбәлді пайғамбарымыз Йеменге жалғыз жіберді, сонда Муаздың Йеменге барып айтқан уағызы дұрыс емес пе? Өйткені ол біреузі барды ғой, яғни мутауатир емес
konvict
Лібәәә! Саған қойыма жауап беріп отырмын. Саған жазғанша стенаға айтқан артық екен. Муаздың кетер алдындағы пайғамбарымызбен сөйлескені мүтауатыр хабар. Соны есіңе сал да Бұқариді ашып қара
Ahi
Пайғамбарымызбен сөйлескені мутауатир екені түсінікті. Йемендіктер үшін Муаздың айтқаны ахад қо, мутауатир емес, сонда дейм да Муаздың айтқан уағызы дұрыс емес пе? Өйткені ол біреузі барып уағыздады ғой, сонда йемендіктер айту керек еді ғой, сен бізге ақиқатты жеткізбедің, бар да еліңе қайт, сөйтіп мутауатир дәрежеге жететіндей етіп адам алып кел деп.
konvict
Енді қалмағаны сахабалармен осы кездің адамдарын салыстыру керек еді. Әрине, олардың айтқаны өзгеше болады және ол кезде қазіргі секталар жоқ еді
Ahi
Сонда сахабалардың кезінде ахад жарайды да, кейіннен ахад жарамай қала ма? Егер йә десеңіз, дәлел ала келіңіз, себебі Ислам үкімдері уақыт өткен сайын өзгермейді.
konvict
Ой ахи ай! Сахабалардың уағызы мен қазіргінің уағызын салыстырмашы.
konvict
менің балағым не болды сосын
konvict
Мутаутир, сақиқ, ахад хадис дегендердің не екенін жеке-жеке пост қылып жазшы. Көрейік. Хадиске қалай амал етіледі. Пәтуа қабылдағанда қандай хадис негізге алынады. Осыны жазшы. Сосын менің балақ туралы айтқан өтінішім не болды? Арабша нұсқасын таба алдың ба?
Ahi
Жалқы мен жалпыны шатыстырып алдың ау деймін.
Осыны түсінбедім, сәл түсіндіріп жіберіңізші!
konvict
КетшНақ! Мен де түсіндіруге шамам келмей жатыр. Ертең Кированың аяғынан бірақ шықпасам болды. Әбілдің! Қазақ тілінің граматикасын қарашы. Дұрыстап түсінерсің
Ahi
Бауырым, неге ашуланып отырсыз? Көркем түрде сұхбаттасайық та, керексіз ызаның не қажеті бар?!
konvict
Нетбугім мониторыма жаңбыр тамшылары тиіп жатыр деп өкпе айтып жатыр. Екеуіміз көркем түрде сұқбаттасып отырмыз. Сен менің әрбір сөзімнен ілік іздеп, мен сол әрбір сөзіме жауап беріп пензес болып жатыр
Altygradus
@konvict толық келісемін. Шын Исламды түсіндіргісі келген адам басқалар туралы, айтатындай, жамандайтындай уақыты да болмайды ғой.
konvict
@Zere жақсы қыз! Қайдасыз?
Ahi
Машаллаһ! Әдемі сұрақ!
Діннің сектаға бөлінген, бөлінбегенін қалай анықтайсыздар? Біреу келді де уағыз айтып, сені тартып жатыр делік, сен оның түзу жол екенін қайдан білесің? Неге мыңдаған секталарға бөлінген? Не үшін?
Ал жауап беріңіздер! Менің жауабым былай: Аллаһтың Сөзі Құранмен және пайғамбардың Сүннетімен анықтаймыз, әрі осымен тоқтап қалмаймыз, себебі әркім Құранды, Сүннетті өзінше түсінеді, сондықтан тек Құран, Сүннет емес, сонымен қатар сол екеуін сахабалардың түсінігімен түсіну!
Яғни алдымен кісі уағыз айтса, оның әрбір сөзін Құран, Сүннеттен дәлелін іздейміз, болса нағыз Исламнан айтты сол сөзін, болмаса өтірік және сол әңгімесі сол жерде қалады, ол туралы ешкім таласпайды да, тартыспайды, өйткені оның айтқаны анық жалған.
Екіншіден, егер Құран, Сүннеттен дәлел әкеле қойса, ол дәлелді өзінің түсінігіне салып әкеліп тұр ма, жоқ әлде сахабалардың түсінігіне салып тұр ма? Соны анықтаймыз! Егер шынымен сахабалардың түсінігіне салса, онда нағыз Исламнан, ал егер өз түсінігі немесе өз көсемдерінің түсінігі болса, ол әңгіме сол жерде көміледі. Жетпіс үш топ туралы хадисте де солай айтылған, пайғамбарымыз үмметтің жетпіс үшке бөлінетінін ғана айтып қойған жоқ, сонымен қатар сол бөлінуден қалай құтылу жолын да қоса айтып кетті.
Әл-‘Ирбәд ибн Сәрия айтады: «Бір күні таң намазынан кейін Аллаһ елшісі адамдарға бір уағыз айтты, ол уағыздан біздің көздерімізге жас келіп, жүректеріміз тітіркенді. Сонда бір адам: «Бұл қоштасушы адамның уағызы ғой! Әй Аллаһтың елшісі, бізге не өсиет етесіз?», — деп сұрады. Сонда ол: «Мен сендерге тақуа болуларыңды, сондай-ақ тіпті егер эфиопиялық құл сендерді басқарса да, оны тыңдап, оған бағынуларыңды өсиет етемін. Араларыңда кімде-кім ұзақ өмір сүрсе, онда көптеген келіспеушіліктерді көреді. Сондықтан бидғаттан сақтаныңдар, себебі олар – адасушылық! Араларыңда кімде-кім сол уақытқа дейін өмір сүретін болса, онда менің Сүннетімді және ізгі халифалардың сүннетін азу тістеріңмен жабысып ұстаныңдар!»» (Әбу Дәуд 4607, әт-Тирмизи 2676, Ибн Мәжәһ 43, 44, әд-Дәрими 1/44. Хадистің сенімділігін әд-Дыя әл-Мәқдиси «Иттибә’ әс-Сунән» 1/79, әл-Харауи «Заммул-кәләм» 1/69, әл-Бәғауи «Шәрху-Ссуннә» 102, Ибн ‘Абдул-Бәрр «әл-Жәми’» 1758, Әбу Ну’айм «әл-Му’табир» 78, Ибн әл-Қайим «И’ләмул-мууәққи’ин» 4/140, Ибн Ражәб «Жәми’ул-улюми уәл-хикәм» 391, Ибн Кәсир «Тухфәту-тталиб» 46, Ибн Хәжәр «Мууәфиқахул-хабәр» 1/137 кітаптарында растады).
Аллаһ елшісі (оған Аллаһтың игілігі мен сәлемі болсын): «Менің үмметім жетпіс үш ағымға бөлінеді, олардың барлығы Тозақта, тек біреуінен басқа», – деді. Одан: «Әй, Аллаһтың елшісі, олар кімдер?», – деп сұрағанда ол: «Олар – менің және менің сахабаларымның жолымен жүргендер», – деп жауап берді.
Пайғамбарымыз жалғыз өзінің ғана жолын айтса жеткілікті болар еді, бірақ ол сахабалардың да сүннетін қоса айтты! (Ахмад 4/102, Әбу Дәуд 2/503, әт-Тирмизи 3/367, Ибн Мәжәһ 2/479, әд-Дәрими 2/241, әл-Хәким 1/128. Сенімді хадис)
konvict
Мен жауап бердім. Бірақ сенікі ұтымды шығыпты
VKM
Бүгінгі күннің қортындысы: бәріміз қазақпыз, бәріміз бір Аллаға табынамыз. Дініміз бір-Ислам.Бәрі жақсы сияқты… бірақ әркімнің дінді өз түсінуі бар, ешкім де өліспей беріспейді.
Сондықтан, бітпейтін дау, бітпейтін әңгіме бұл ...песня, которая никогда не закончится
Ahi
«Аллаһу акбарлап»
флэш карта мен дискілер табылған.
Жақын маңдағы қонақүй қызметшілерінің айтуынша, күдіктілердің екеуі де сақалды жігіттер көрінеді.
Баз біреулердің өзін-өзі жарғаны туралы он шақты мысал келтіре отыра солардың сипатындағы адамдардың барлығына күмәндануға шақырады. Яғни Аллаһу акбар дегендерден, флэш карта мен дискілерденн уағыз тыңдайтындардан, сақалдылардан күмәндан дегісі келгені
Олай болса біз дінді қайдан үйренуіміз керек? Ғылымның қайнар бұлағын қайдан табамыз?
Ahi
Аллаһ Тағала біздің осы кезіміздегі болып жатқан нәрсені былайша сипаттаған: «Егер олар (христиандар, яһудейлер, Қиямет күнге дейін болатын бүкіл адамдар) дәл сендер (сахабалар) сияқты иман келтірсе, онда рас тура жолда болады. Ал егер олар бет бұрса, сонда олар мүлде адасады» (Бақара сүресі, 137-аят).
Ибн ‘Аббәс осы айттағы «сендер» деген сөзге байланысты былай деген: “Бұл жерде сахабалар туралы айтылған”. (әл-Харауи “Замм әл-кәләм” 4/39).
Біз сахабалар сияқты иман келтірмедік, біз өзіміз қалағандай иман келтірдік, сондықтан бөлінудеміз және сахабалар иман келтіргендей иман келтірмейінше ешқашан тура жолда бола алмаймыз.
sigma
Тағы басталып кетіпті ғой. Толық оқуға ерініп отырғаным.
konvict
Оқығаныңмен қойыңа да пайда таппайсың
nurbergen_makym
негізі, сұр сызық қояйын дегем, минус боп кетіпті…

Біз білім береміз деген сайын, өзіміздің білімсіздігіміз кесірінен жұртты беретінімізден бездіреміз бе дейм, жұртты.

Осы посттан соң, әркім өз позициясын бекіте түскен шығар, нақ :)