Toyota Prius

Орыстың «Автомир» журналын оқып отырып, мен үшін мына бір ақпарат қызық болды.
Toyota компаниясының Prius гибридті автокөлігінің сатылымы 11 жылда дүниежүзі бойынша 2 миллионға жетіпті. Бір ғана АҚШы автокөлік базарында 1 милллион данасы сатып алынған. Гибридті автокөліктер жайлы толық ақпаратты гуглдан іздеп таба аласыздар.

Жыл өткен сайын Prius хэтчбек автокөлігі АҚШ-да ең әйгілі гибридті көлік санала бастаған. АҚШ-на 2000-шы жылы алып келінген көліктердің 97 пайызы қазіргі күнде жол жүруге жарамды екен.
Компания өкілдерінің есепқисабы бойынша, бұл гибридті автокөлік, көлік иелеріне бензинге жалпы 2,19 миллиард доллар үнемдеуге көмектесіпті. Бұл 2 миллион автокөліктің 11 жылдың ішінде бензинге жұмсалатын шығынды – 2,19 млрд долларға азайтты деген сөз. Toyota компанисы автокөлік сатып пайда тауып қана қоймай, гибридті көліктерімен – көлік иелерінің бензинге аз қаржы шығындануына көмегі тиіп жатқанына ырза болдым!
Тағы бір ақпарат, Түркімен елінде автокөлік иесіне ай сайын 120 литр бензин тегін беріледі екен.
Біздің елде мұнай ағып тұрғанын жырғылып айтпасамда жақсы білесіздер. Жылдың белгілі бір маусымдарында мұнай зауыттарының жұмысын тоқтатып, бензиннің бағасын аспандатып жіберетіндері тағы бар.
Мұнай саласы бойынша менің білім базамда дым жоқ есебі. Жоғарыдағы ақпаратты оқып, көкейде бір сұрақ пайда болды.
Көкелеріміз мұнай өнімдерін әлемдік нарықта өзімізге сатып, маусымдарда бағасын қымбаттатып – еліміздегі автокөлік иелерін жылына қанша ақшаға артық шығындалуына көмектесіп жатыр екен?
Осы тақырып бойынша білеріңіз бар болса, бөлісе отырыңыз.
Бөлісу:

31 пікір

omarbirat
Америкада қазір гибрид моторлы көліктер көптеп қолданылып жатыр. Бізге де әкеліп жатыр ғой. Приустың сырты онша әдемі емес. Кейбір жерлері, кузовы қырлы болғасын ба, Ситроен машиналарын еске түсіреді.
Lexus RX400h машиналарының моторлары — гибрид. Камри қырықтықтың да гибридтері бар.
sammita
брат Омар, тақырыптан тыс сұрақ қойсам бола ма? Әлгі жапон көліктері (оң рульді) барлығы автомат бола ма? Мысалы оң жақта отырып сол қолмен жылдамдықты ауыстыру қиын сияқты. Және тосол мен антифризді құюдың да шектеуі бар ма әр көлікке, мысалы Германиялық көліктерге антифриз жақсы, ресейлікке тосол дұрыс дейді-мыс. Қыр-сырын аздап үйреніп жүрген жайым бар:)
omarbirat
Жоқ, механикалары да болады. Бірақ бізге әкелгендерінің көпшілігінде — автомат. Қалған сұрақтар бойынша қатырып ештеңе біле бермеймін, бала шопыр едім :)))
sammita
шопырлық тайна:)))
Алматыда «1000 долларға кез келген көлікке ие бол» сынды пирамида белең алған ба біздегідей?:))
omarbirat
Кейбір жерлерде сатып өткізе алмаған көліктерін лотереяға салатынын білуші едім. Мұндайды бірінші рет естуім, шын айтам. Жаяу жүргенімде ондай нәрседен хабардар болар едім. Қазір көлікті болғасын конъюнктурадан нақты хабарым жоқ. Былтырға дейін ағаларыма таң қалатынмын, "Әрқайсысының астында бір-бір көліктен бар, базарда қай машина қанша тұратынын білмегені несі?" деп :)
sammita
ондай лотереяны білем аха. Сылап-сипап баптайды да, ортаға ақша жинап билет таратып ұтысқа салады:)
a63a1
механика рульде орналасады))
sammita
а?
a63a1
жапондық оң рульді машінелері МКП болса, рычаг рульде орналасатын шығар димде
sammita
ааа..өзімше ойлап ем ғой "қиын шығар сол қолмен ауыстыру жылдамдықты" деп.
omarbirat
Ол енді машинаның моделіне байланыс шығар деймін.
neoman
Британдықтар да бізге таң калады, калай рульді сол қолмен ұстайсыңдар деп. Жапонның қыздары да дәл сіздікіндей сұрақты бізге қаратып қоятын шығар

Тосол мен антифриз — бір нәрсе, тек ресейше және батысша атаулар. Моторға байланысты қандай антифриз құйылатыны
sammita
дегенмен айырмасы болуы керек-ау. Рахмет. Сіздің жауаптан соң тапқаным:
«Антифриз — общее название охлаждающих жидкостей для автомобильных двигателей, а „тосол“ — торговая марка отечественного антифриза. Тосол и антифриз отличаются составом и эксплуатационными характеристиками. Тосол более агрессивен по отношению к каналам системы охлаждения, поэтому содержит в своем составе силикат, осаждающийся на стенках каналов и защищающий их от коррозии. Антифриз менее агрессивен и потому силиката не содержит»
neoman
Қателеспеңіз, тосол жай ғана Ресейде шығатын антифриз.

Келтірілген цитата қатеге толы
Altygradus
Приус красавчик бензин жемейді. Өзі жүргенінен де энергия щығаратыны ұнайды маған. Сосын дыбыссыз, салоны тыныш
KILYZAMAN
Өзі жүргенінен де энергия щығаратыны ұнайды маған.
— сонда қалай?
Altygradus
мысалы машина жүргенде мотор анау мынауы жұмыс істегенде де жылу бөлінеді ғой сол жылудың өзін тоққа айналдырып, қосымша энергия қосылады
KILYZAMAN
Хмм, кондиционер сияқты құрылғылардың қосымша жанармай сұрамайтын болғаныма сонда?
Altygradus
онысы бөлек қой
бірақ басқа машиналарда ол мотордан басқадан бөлінген жылу босқа кетеді, зиянды қалдықтарымен қосылып
omarbirat
Қилеке, бұл машинаның бензинмен істейтін моторының жанында бір-екі қосымша электромотор болады. Бензин от алдырғанда және мотор тарта алмай қиналған кезде болмаса, жаңағы электромотордың қуатын пайдаланады. Сол себепті жанармай біршама үнемделеді. Мысалы, мотор көлемі 3,3 л болатын машинаның бензин шығыны 7-8 л құрайды. Бұл дегеніңіз — таза бензин моторының шығынынан екі еседей аз. Бірақ қуаттылығы жағынан жанармаймен жүретін моторлармен салыстыруға келмейді. Десе де, орташа жылдамдығы әрі кетсе сағатына 20-30 км болатын Алматы сияқты қалада мінгенге таптырмас көлік!
Осы мүмкіндікті пайдаланып, гибридті моторлы машиналар жасаудан Тойота алда келе жатқанын пернетақтаға тиек ете кетейін :)
Altygradus
Бірақ қуаттылығы жағынан жанармаймен жүретін моторлармен салыстыруға
әй білмим Омарбырат бірақ мен профессорым тез жүретін адам, шашамен қаншамен жүргеніміз есімде жоқ, бірақ 80-нен кем болмады менше. 30 км жерге барып келдік, барарда да қайтарда да бензин жұмсамады дым
omarbirat
Темекі шегіп, уланып келейін :))
Машина осындай Приус па еді? Мен үлкен көлемді моторы бар машиналарды мысалға келтіріп отырмын. Әйтпесе мен мініп жүрген Тойота Королла да аптасына 6-7 л ғана жейді. Ешқандай гибридсіз :))
Altygradus
Темекі шегіп, уланып келейін :))
уахахаха
енді Приус туралы ғой тақырып:)))
сосын мыс электрмен жүргенде бүкіл табло жасыл боп тұрады екен, ал бензинге көшкенде қызылға көшеді.
болды уже эко емессін деген белгі:)))
KILYZAMAN
Әйтеуір будан нәрсенің бір ерекшелігі бар… РАХМЕТ, мен сияқты мериноспен қазақы қойдың буданымен орыс тілі мен қазақ тілінің буданын ғана көріп жүрген бейбақтың миына мотордыңда буданы жайлы мәлімет бергендіріңе :-)
Karakyz
Гибридті автолардың қауіпті жері де бар емес пе? Мысалы, электр энергиясын гибрид еместерге қарағанда көбірек қажет еткендіктен, ондағы тоқ күші әлдеқайда үлкен. Тіпті СТО лардың көбі гибридтерді оңдаудан қашады мыс, себебі тоққа соғылу қаупі үлкен.
omarbirat
Ох, шыршалар! Мынау біліп жүретін нәрсе екен. Бірақ деймін да, тексергенде болмаса, істеп тұрған моторды кім жөндейді. Сөндіріп қоятын шығар…
sammita
@Karakyz біледі, сеніңіз маған:) оның да дәәу көлігі бар.
neoman
@direct Бензин бағасы тікелей биржадағы мұнай бағасына тәуелді. Елдегі сұраныс пен ұсыныс балансының да, әрине, әсері бар.
Халыққа бензин тарату — тиімсіз тірлік, одан да ол ақшаны экономикаға салған жақсы.
Мысалы, мұнай өндіріп отырған Англияда бензин құны (бағасы емес) біздікінен жоғары. Мемлекет мұнай өңдеушілерге салықты көбейтіп, әдейі жасап қойған. Сондықтан бізде жағдай жаман емес
neoman
Аккумуляторлары тозса, болмайды екен. Қымбат
Gulistan
Бұлардың біздің нарықтағы бағасы қанша екен?