Мисвак жайлы не білеміз?

Бұл тіс тазалағыш. Қолдана бастаған кезде ыңғайсыз сияқты көрінеді. Таяқшаның ұшын 1 см дей қабығынан тазалап алып, сол жерді әбден қылшықтанғанша шайнау керек. Одан әргісі — кәдімгі өзімізге таныс ауыз қуысы мен тісіміздің гигиенасы үшін жасалып жүрген іс әрекет. Айырмашылығы паста іздеп болмаса ауыз шаяр су іздеп әлекке түспейміз.

Дәмі ақжелкектің дәміне ұқсайды, тек ондайлық ащы емес. Бұл өзі таза будан деседе болатын нәрсе. Яғни әрі құрад, әрі тіс пен оның көбелерін таза ұстауға арналған зат. Бірнеше мыңдаған жылдар бойы ол Арак(Salvadora Persica)ағашының бұтағымен тамырларынан жасалып келеді. Таяу Шығыс пен Солтүстік Африка сол сияқты Оңтүстік пен Оңтүстік-Шығыс Азия елдерінде қолданыс тұрмыстық әдетке айналаған.

Оның құрамында көптеген пайдалы элементтер бар(солардың қатарында европалық медициналық фторда табылады). Тісті тастардан сақтап, табиғи эмальін жақсы ағартады, кариесті болдырмайды, пайда болған тіс тастарын жойып тіс ауыруларын болдырмауға бірден-бір себепші.

Мисвактың қалдықтары, оны қолданғаннан кейінгі екі күн ұдайы ауыз қуысындағы бактерияларды өлтірумен болады екен. Тағы бір жәйт, бұл зат — көп реттік қолданысқа жарайды, тісіңізді тазалап болған соң оны жуып келесі қолданысқа шейін сақтап қойыңыз. Ал енді қылшықтары ескіре бастағанда оны кесіп тастап, төменірек жерінен тағыда қылшық шығарып аласыз; осылайша бір мисвак мөлшермен бір-екі айлық күнделікті қолданысыңызға жарап береді.