Ырыс жайлы аңыз

Баяғыда бір жолаушы жолаушылап келе жатып шағын бір ауылға түсіпті. Ауылдың сыйлы кісінің үйіне дәл түскен екен, ол да жолынан жығылмай қонағын жік-жапар болып күтіп алыпты. Түннің бір уағында қонақ иттің ұлығанынан оянып кетіпті. Бұл қонақ әсілі жәй қонақ емес еді.Жер бетіндегі жан -жануардың тілін меңгерген ғалым адам болатын. Ауыл сыртынан ұлыған қасқырдың"қонақтың атын жеймін дегеніне" үй иесінің иті "Қонағымның атын жер болсаң сені адамдарға ұстап беремін" деп жауап қатып тұр екен. Қасқыр болса" Бұл ауылды таң ата жау шабады" деп тайып тұрыпты. Қонақ үй иесін оятып, дереу ауылдың көшуін сұрапты. Ауылды көшіріп болған соң, ертесіне ескі жұртқа келсе көнбей қалып қойған екі үйдің шаңырағы ортасына түсіп жатыр екен.
Жаңа қоныста түстеніп отырған қонақ «Бұл үйдің ырысы итінде екен-ау, бұйымтай ретінде осы итті сұрармын» деп ойлапты.Сол мезетте ит киіз үйдің туырлығын иіскепті.Қонақ «ырыс туырлыққа ауды, туырлықты қалаймын „деп ойлап отыра беріпті.сол оймен отырғанда сол маңайда жайылып жүрген жетім тоқты келіп сол туырлыққа сүйкеніп өтіпті. Бұйымтайын сұраған үй иесіне “маған анау қара тоқтыны сойып, етін түгелдей асып беріңіздер. Тек бір шартым бар. еттен менен бұрын ешкім ауыз тимесін» депті. ауылдың бір жігіті тоқтыны әп-сәтте сойып тастайды. Бәйбіше еті толығымен қазанға салып асып енді әкеле бергенде үй иесінің ерке ұлы жүгіріп өтіп бара жатып бастың құйқасынан жұлып жеп үлгеріпті. ет үстінде ауыл иесі "Қадірлі қонағым, сен кеше ауылда ажалдан аман алып қалдың сырыңды айтшы«депті.Сонда қонақ»Сізге ырыс қонған екен, сол ырысыңыз ауылды асырап отыр. Ырысыңыздың иесі итіңіз екенін сездім, соны қалаймын ау деп ойлағаным сол еді, итіңіз туырлықты иіскеп ырыс туырлыққа ауысты. Туырлықты қалайын деп отырғанымда, оған тоқты сүйкенді.сол тоқтының етін жеп ырысты болайын деп ойлаған едім, оны мына балаңыз бірінші жеп үлгерді.ырыс енді осы балада. Құдайдың оң назары түскен пендесі екенсіз" деп сөзін аяқтапты қонақ.
Сурет мына жақтан алынды. Олардың қайдан алғанын білмеймін.
Бөлісу:

31 пікір

Ahi
Болмайтын ертегі ғой.
Abilakim
Ертегі болса ертегі шығар, болмайтын дін жайлы таластан жақсы ғой
a63a1
@Ahi осы сен болмысың бөлек, басқа планетадан келген адам тәрізді жазасың. Бұл тек қана аңыз әңгімеғой, Оның шын болғанын болмағанын сенде менде білмеймін Алла ғана біледі. Сондықтан сенің
Болмайтын ертегі ғой.
деп жоққа шығаруың күпірлік болады.
Ahi
Бұл тек қана аңыз әңгімеғой
Демек, өтірік, себебі шынымен болғаны анықталмайынша ол «рас, болды екен» деп қабылданбайды және одан ешқандай өнеге алынбайды, өйткені өтіріктен өнеге алу санаға симайды.
Болмайтын ертегі ғой.
деп жоққа шығаруың күпірлік болады.
Абайлаңыз, бауырым! Ана жаратындар дәл сіз сияқты алдымен күпірлікте айыптап алады, кейін барып іске кіріседі. Сондықтан күпірліктің не екенін білмей жатырып өзгенің үстінен үкім етіп қайтесіз.
a63a1
анаушеее,,, бұлт келе жатқанда 2 адам күпірлік айтад дит, бірі жауады, бірі жаумайды деп, Сол тәрізді сенде нақты кесіп айтып отсың ғой құрметті АХИ мырза!!! Сондықтан күпірлік болмасын десек жазылған әңгімеге Дінді араластырмай пікір жазайықшы. Жарайма құрметті Ахи?
Ahi
Бауырым, мен сізге қазір екі тауық болыпты, екеуі де тақуа екен, тіпті иттердің тілін түсінеді екен, кейін біреу жолға шығып кетсе, екіншісі оны сағынып ішқұсадан қайтыс болыпты. Әлгі жолаушы тауық бір үйдің есігіне келіп таяныпта да, о мына үйде ырыс бар екен, осы үйде ұзағынан жатайын деп, үй отағасына ана тұрған қойды сойдырыпты, кейін етті пісіріп жатқан әйелге қарап: «Етін өзім жейінші, мен бірінші болып асайынша» десе, отағасы бұның мән-жайын сұраған деседі… ләп-ләп-ләп деп жалғаса береді, осыны сіз не деп бағалайсыз?
a63a1
Бұрынғы жылқы малының тілін түсінген сәуегей шалдар жайлы не айтасың?
Abilakim
Тауықтарды тым болмаса қаздардың үйіне қонақ қылсаң нетті))))
qisyq
Бала кезде оқушы едік осы әңгімені. Рахмет.
Ahi
Тек бір шартым бар. еттен менен бұрын ешкім ауыз тимесін» депті.
Мынау кришнаиттердің діни салтына ұқсайды екен, олар тамақ пісірген соң ең алдымен пұттарына алып барып алдарына қояды, оған дейін ешкімге жегізбейді. Бірақ рас олар ет жемейді
Abilakim
Ахи, кругом! Шагом марш! Отставит! Бегом марш!
konvict
Крууугом десең керемет кететін секілді
omarbirat
Қазақтың асты алдымен үйдің үлкені немесе қонақ бастайтын салты бар ғой. Тамақ дастарханға жеткенше дайындап жүргендердің шұқып жеу мүмкіндігін есепке алмағанда :)
Abilakim
Қонақ сірә, ешкім дәмін татпасын, шұқымасын деген болар, мен сәл жұмсартып жібердім
omarbirat
Өзі де солай түсіндім.
qisyq
Бұл әңгімедегі тұрмыстық сала ғой, діннің қатысы жоқ.
Ahi
Ырысты беретін тек бір Алла ғой, сондықтан бұның дінге тікелей қатысы бар. Ырыстың дәл қайда түскен ол қайдан біледі?
qisyq
Жоқ, ырысты айтпаймын.
Тек бір шартым бар. еттен менен бұрын ешкім ауыз тимесін» депті.
Осыны айтамын. Оның етті бірінші болып жеуін.
Ahi
Йә, йә. Ол тұрмыстық мәселе!
edige
Дүние мен дінді қоса алып жүру керек…
Abilakim
/Құдайдың оң назары түскен пендесі екенсіз/
дегенінен -ақ қонақтың діннен де хабары барын жобалап отырмын.
Nurzhol
Кішкентай кезімде оқығам, дұрыс түсінбесем керек. Қазір оқып мағынасын түсініп қалдым. :)
omarbirat
Сөйтіп әлгі қонақ үй иесіне тоқтысын сойғызып алып, артынан ырыс туралы әңгімемен құлақтан теуіп кетті деші :))))

Қалжыңсыз айтсам, басқа біреудің ырысына сұқтануға болмайды деп түсіндім мен. Үй иесінің маңдайына ырысты болу жазылған да, қонаққа оны алып кету бұйырмаған екен. Бұрын оқымаппын :)
Abilakim
Лібә, жануарлардың тілін түсінуге жеткен миы, тоқтыны атына өңгеріп кетуге жетпегеніне таң қалдым мен)))
Gamk
Бұрын оқығам. Бірақ онда әлгі ит сариды да, оны қозы жата қалып жалайды. Сосын қонақ соны сойдырады да, ет келгенде құлағын сол үйдің баласына беретін. Ырыс сүйтсе құлақта отыр екен.

Аһi, сен өзі кімсің? Дым түсінбедім. Әңгімең ерегіс іздеген есі ауысқан адамдікі сияқты.
Ahi
Менің кім екенім маңызды емес! Түсінбесеңіз, қайта бір оқып шығыңыз!
direct
Олардың қайдан алғанын білмеймін
ну вася:)