Берік Сұлтановқа сағыныш....

Интернет ол бір әлем. Өзінің тұрғындары бар. «Домен (www????.kz,net,ru, com,org)» — интернет әлеміндегі мекендер яғни тіршілік етуге, өмір сүруге арналған орындар(біреулерге үй). Кейде ол үйге арнайы жеке куәлігіңді(«логинді») тіркеп кіресің. Әйтпесе сыртын айналып қайтасың. Ол әлемде біреулер кітап оқитын оқымысты, біреулер тек дос іздеп адамдармен танысады, кейбір жандар Ресейлік жігіттердің қаржысын арттырып отырады(агентке кіріп ресейліктерге пайда әкеледі), ал бәз біреулер жазылған мақалаларға пікір білдіріп өзіндік ашық ойын интернет әлемдегі дүйім жұртқа жеткізеді. Мен бүгін соңғысыммын, яғни интернеттегі мақалаларға өзімдік ашық пікірімді білдіруші пендемін. Қандай мақалаға ой білдірмексің деген сұрақтарыңызды жауапсыз қалдырмаймын. Ендеше, әдептен озбай көп созбай( тамада емеспін) «айтылмаған ой жетім, естілмеген сөз жетім» — деген бабалар мақалын темір қазық қыла отырып ойымды ашық жазып, шындықты шырылдап баяндайын! Интернет әлеміндегі жұрт Берік Сұлтанов атты «Асыл арна» Ислами ағартушылық теле арнасының журналисін(қазір ол жерде жұмыс істеп жүрген жоқ екен) 5 ке таниды десем қателеспеймін! Есінен шығып қалған жандардың санасын жаңарта кетейі. Ол – «Қара жорға қазаққа қасірет» атты мақаланың авторы. Сол жазылған мақаласы интернет әлемінде сілкініс тудырған. Тіпті «Алматы» телеарнасы Беріктін мақаласы жайлы арнайы сюжжет жасап, жала да жауып үлгерген. Мен сол шындық үшін шырылдап жүрген Беріктің мақаласын қолдаған жанның бірімін. Шындық үшін шырылдап жүр деуіме себеп — ол елдің имандылыққа бет бұруы үшін бірталай діни өлеңдер шығарып, Асыл арнада белсене қызмет жасаған. Жазылған мақаласы да қазақ қамы үшін істелінген дүние екені белгілі(кең ойлана алатындарға әрине). Бірақ көзін шетелдіктер көр қылған көп жастар мен замандастар Беріктің мақаласына қарсы шығып, тіл тигізген болатын(Ақіретте сауаптарын бере жатар). Қара жорға қазақтың биі емес, бабаларымызда болмаған дүниені біздікі деп, зинаға итермелейтін биді иеленгеніміз хақ емес. Қылтың сылтыңы көп биді(жалпы биді) мұра қылатындай бабаларымыз надан емес еді» — деген жазбасы көңілімнің төрінен орын алған болатын. Мақаласының мағыналығынан әлі де осындай ел қамын ойлайтын жігіттер бар екен-ау деген ойым мені қуантса, маңызды мақаласы Берікке өз зиянын тигізіп те үлгеріпті. Сол интернет әлеміндегі айқай шудан соң Берік Сұлтановты «Асыл арнаның» эфирінен мүлде көрмедік. Ел тамсанып көретін «Иман аясында» бағдарламасын шыр айналдырып жүргізетін еді. Жастар қамы үшін жасалған «Болар елдің баласы...» атты жастар бағдарламасы да «бармысың бауырымға» жол тартты. Бәлкім Асыл арналықтар қазақтың қамын ойлайтындарды жұмыстан шығарып, арабтың мүддесі үшін жұмыс атқаратындарды ғана қалдыратын шығар(осылай ойлауға мәжбүр болдым). Дін, дін деп қазақшылықты ұмытпағанымыз абзал. Бүгінгі таңда қазақ емеспін, мұсылманмын дейтін жастар(оңбаған, сатқын, надандар) көбейіп барады. Бәлкім Берікті сыйдырмаған да сондайлар шығыр! Дегенмен бүгінгі таңда жазған мақаласы сәуле түсірді. Қара жорға расында да қазақтікі емес дүние екен(оған еш күмәнданбағанмын). Оны мына сілтемеден көре жатарсыздар
www.youtube.com/watch?v=kugSuiF8BpY&feature=player_embedded! Дегенмен, айта кетерлік жайт Сол «Қара жорға қазаққа қасірет» аты мақаласы Беріктің соңғы мақаласы болды да қалды. Өткені одан бері оны интернет әлемінен мүлде кездестірмедім. Таныс жігіттерден сұрасам Сұлтанов енді мүлде мақала жазбаймын деп айтқан деседі. Біреудің тағдырына, өнеріне балта шабуды қазақ халқы қашан қояды екен осы. Қаймағымыз сыпырылып кеткен еді, тағы да ел үшін әрекет жасап жүрген жандардан айырылып қалмасақ болғаны. Ашығын айта кетейін(жаман ойлыларға) Берікті жақтап, мақтап жатқан түгім жоқ, жәй ғана жоғарыда берілген сілтемедегі бейнені көріп Беріктің мақаласы, оған қарсы жасалған істер есіме түсіп кетті. Мен де қазақтың қазақ болып қалуын, дінін, тілін біліп жүргенін қатты қалайтын интернет әлеміндегі тұрғынның бірімін. Дегенмен шабытты қайтару мүмкін емес екені белгілі. Көкейіме келген ойды ашық ақтардым. Тағы да айта кетерлік жайт(тістеніп тұрмын) Серік Абас-Шахқа қарсы жазылған мақалалар мен пікірлер. Серік те ел жастары сектадан сақ болсын деп «Ақиқат» атты «сопылар» жайлы ел назарына бағдарлама ұсынған болатын. Бірақ, өкінішке орай қазіргі қазақтар(әй, солар сатқындар-ау шамасы) Серікке де қарсы шықты. Түрлі сыни пікірлер жазылып, түсірілім топтарына қастандық та ойластырылған көрінеді(ұзын құлақтың айтуы бойынша). Жәй ғана ойланып көрейік, ел қамын ойлаған жандарды жақтырмай, құртқысы келетін топ бар сияқты көрінбей ме сіздерге? Меніңше солай сияқты. Ақырын жүріп анық баспасақ, бір күні бір топ қазақ мен қазақ емеспін деп, ендігі бір тобы Яссауи Пайғамбар болған деп, үшіншісі Саляфпын деп секеңдеп шығатын қауіп бар. Қаймағымызды жоғалтып алмайықшы. Қартайған қазақ ұлтының(қартайған сияқты) қамы үшін күн кешіп, ұлттығымызды сақтап, ұлт қаман ойлайтындарды жақтап(тамаданың сөздеріне ұқсап кетті ғой) жүруді Алла нәсіп еткей. Бәлкім ойыма, сөзіме қосыларсыз, бәлкім қосылмассыз. Ерік өзіңізде. Дегенмен жақсылап ойланып көріңіз.
Есенбайдың ашық ойы!!!