Болмай қалған миллионер...


2000-шы жылдардың басы еді.

— Апиратыр зәрідите!— Қайсар екі мың теңгелік купюраны екі саусағымен маңғаздана белінде сөмкесі бар жас қызға ұсынды. Оның даусынан өз өмірінің қожайыны екені сезілді.
Біраз уақыт өткен соң, Қайсардың даусы тағы да шықты.
— Апиратыр зәрідите! — Бұл жолы да екі мың теңгенің көк қағазы. Көзі алаудай лаулап, азартқа шопағынан малынған Қайсар бір қолында көпіршіген «Жигулевское», бір қолында будақтаған «Парламент».
Өстіп күн, кеш, түндер өтіп жататын. Кейде ұтып алған ақшасына Саинаға барып, бел босататыны болмаса, көбіне күннің аяғы былай бітетін.
— Аператыр зәрідите! — тап сол баяғы екі сөз, бірақ даусы таңертеңгісінен бірнеше октава жоғары шығып, талаптан гөрі сұрамсақ үнге көбірек келетін. Ал умаж-умаж екі жүз теңге созған қолындағы қармаудай өсінділері, қайыр тілеген бейбақтың саусақтарындай мыжырайып кететін.

***
Бір күні Қайсарды көшеде көріп, «не болды сол баяғы винджамер ма?» десем, «Жоқ» дейді. Ойбай мынау адам болған екен деп респектімді айтайын деп " Маладес, Қайсар" деп жатсам, «Менің атым Эльдар болды» дейді.
«Эльдары нес?» -дедім таңданып.
«Эльдорадо ғой біздің мекен» дейді. Айтып отырғаны, Алматының бұрыш-бұрышында қалталы, қалтасыз «лохтарды» бір жерге жинап, бауырына басатын, ал ақшаң таусылса, көттепкімен шығарып салатын «Эльдорадо» ойын автоматтарының желісі еді.
"Өткенде бір жетон тығып, бөшкі жардым" — түрінде бір мақтаныш сезімі.
«Сонда қанша ұттың?» — дедім мен ұтып жүргеніне сенімсіздікпен қарап.
"Үш мың теңгеге Роял Флэш ұстадым" — деді құдды Майкрософттың жарты акциясын сыйға алған адамша.
Түріне қарап, қанша тырыссам да оны жолы болғыш адамға ұқсата алмаған мен "Ұтылғаның қанша?" дедім.
«Ой ұтылдық қой біраз» деді, күлімсіреп. «Бірақ мен мойымайын, өмір алда, әлі талай ұтам» деп қояды. Оптимист.
Бұл азартшылардың бір қызығы, ұтылғандары өмірі есінде қалмайды. Кеше ғана үйі мен қатынын бәске тігіп ұтылып қалса да, екі жыл бұрын «Рулеткаға он доллар тігіп, 360 доллар ұтқанын» айтып, қарызға тағы ақша сұрайды. Сұрағанда да, үкіметтен ғылыми зертеулерге ақша сұраған ғалымдарша сұрайды. "Өй, ертең екі есе қылып қайтарам. Ертең емес, жүрші менімен бірге, қазір екі рет ұрам да көзіңше сытырлатып санап берем". Бермейін десең, біртүрлі өзіңді кінәлі сезіндіріп қояды.
«Біләәә, братан, тап бүгін мнением шауып, тұрғанда бермей қойғаныңды-ай.» Үнемі біреуден ақша сұрағанда оның чакралары ашылып, космостан біреу «мнение» тастап, «тап қазір ойнасаң, масть жүріп, бағың ашылады» дейтін сияқты.
Бәріне мақтанып, миллиардер болуына тек ставканы көтеретін миллионы жетпей тұрғанын айтып ақталады. Оқудан баяғыда шығып кеткен. Ауылға қайтуға бет жоқ. «Бірталай ақша көтерем, сосын миллионер болып барам». Атасының басы. Біреуге гоп-стоп жасап, ауылына қашып бір-екі жыл тығылып, содан кейін арақ ішіп, алқаш боп кетті. Естуімше әлі күнге дейін, бықсып алса болды, Эльдорадоға барып бір жетонмен Роял Флэш ұстағанын айтып, «бомба» жарғанын жыр қылады екен.
Бөлісу:

41 пікір

edige
Кіріп кеткен ауру ол. Мұндайлардың тағдыры бір-біріне ұқсап тұрады. Бір танысым да сол. Ішпей де жүрген ойнап. Казір закүйік ұрып алатын да болыпты. Бар тапқанын сала беретін болған. Айтсаң жау көреді. «Білген богыңды же» деп қойдық соңында. Санасына кірмесе амал қанша.
asaubota
осылар жабылған кезде қуанғандардың бірі мен едім. 1,5 жыл жұмыссыз жүріп, бар уақытымды рулеткада өткізетінмін. дәл Гастаның жазғанындай қайыр сұрап кететін едік, ұтуын ұтасың ау соған бірақ ештеңе алмайсың. солайымен кетеді қайтадан ойынға. қасыңда жүрген нөкерлеріңе шашлык, пиво алып бересің, болды. түнде үйге қайтарыңда дым ақшаң қалмайды. негізі алып қоясың таксиге деп 200тг. ақша қалмаған кезде Клубника немесе Маймыл қарап көрейін деп оны да салып жібересің, сосын жаяу қайтасың. жабылған кезде қуандым. бірақ, іштей аңсап жүресің ойнағың келіп.

соңғы рет 2008 жылы Молдоваға барғанымда ойнап қайтқам құмарымды қандырып. таңертең балдар ұйықтап жатқан кезде бардым да технично ойнап қайттым. ол жақта да Офланистен кейін Зиро, Зиродан кейін 23ке лақтырады екен :)
Abilakim
Ойын залдарында күзетші қызметін атқарып еп бір жыл. Үйін сатып ойнайтындар да бар,қатын-баладан тірідей айрылып қала берді әлгіндейлер. Біздерге тақалып, "Қайсы толып тұр?" деп сұрайды.Көп ақша салғанды көрсетесің джек пот не көлемді ұтысты шамалы ақшамен алса фарт тастайтын кейбіреулер. ақша түсетін жерге қалташалар жасап қоятын едік басында. Біраз тиын жиналып қалады әлге жерге. Кей жағдайларда 20 теңгемен бес мың құлатып алып тыныш отыра қалатынмын. Салынып ойнамадым. Бірақ бірге істейтін бір танысымды сол ойын залында өлтіріп кетті. Түнде біреулерді кіргізтіп алып ойнатыпты. Менің постыма да шабуыл болып, абырой болғанда «күзеттің» сигнализациясын басып үлгердім. содан кейін "қойнақ" деп шығып кеттім.
asaubota
талай жігіттер кетті ғой такси тонап, дүкен тонап, адам өлтіріп…
technosyndrom
Менің студенттерім әлгі темір ақша салып ойнайтын автоматтан тартты «зардапты». Ең қызығы: оларды қарапайым арифметика да қызықтырмайды. Апталап барып жүріп, 6 000 ұтып алады да, өзінен-өзі толқып, жасап жүреді. Сен ол алты мың үшін — 30 мың салдың ғой деген де кіріп шықпайды миларына.
Әсіресе, үйінен оқудың соңғы кварталының ақысын салып жіберіп, оқудан шығып қалғандар қаншама болды! Ол енді трагедия. Ақыры ұрлыққа барып, қамауға алынғандар да болды. Шынын айту керек, оған жан ашығаннан гөрі — оқу орнының атына зиян келтіред деп, менттермен «былайша» шешіп жүрдік қамалғандардың ісін. Олар шыға сала баяғы әніне қайта басады. Тіпті, «автоматтың қасындағы ақша ұстаып беретін апайлардан автоматтың толғаны туралы информация сатып алуға болад, сөйтіп, тағы ойнап көріп, оқудың ақшасынан, бәрінен құтылып тастаймын!» деп тағы жүреді.
Вокзалдағы бір картина көз алдымнан кетпейді. Бір жігіт қолдарында қағаз бес мыңдықтары бар, көздері — қып-қызыл, зомбиге айналған. Автоматқа елу теңгеліктен ақшаны салып жатыр, салып жатыр. Түнгі үш жарымда пойыз күтуге барғанмын, ендеше мен күту залында отырған бір сағат бойы салды да тұрды, салды да тұрды. Бір кезде екі бала ерткен келіншек келді. Балалары: «папа, қайтайықшы, қайтайықшы!» деп, жеңінен тартады. Келіншек ағыл-тегіл жылап тұр. Міне, осындай трагедия.
Айтпақшы, мат. статистика сабақтарынан казиноның әрқашан ұтыста қалатынын көрсетіп, басында аздап түйсігі бар оқушыны ендігәрі құмар ойындарға жоламайтын қылып жіберуге болады))) Көп жігіттер сол сабақтардан кейін казино тұрмақ, лотереяға да жоламай кеткенін айтушы еді)))
Nurgisa
Осы бәлелер заңнан тыс болса да, «актив карточкасын» ұтысқа ұсынып көпқабаттылардың бірінші қабаттарында тұрады ғой еш жасырынбай-ақ. Бұған ұқсаған телевизиялық індет те бар: поле чудестегідей, әріптердің ретін араластырып қойғансып, межелі сөзді сұрайды. ТМД ауқымындағы фарс бұл.

Әбіләкімдігін оқып ойланып қалдым. «Ни за что өліп кететіндер бар ғой» деп ойлайсың. Қарауылдап жүріп. Отыз мың айлық үшін… Ерақаңдыкін ойлап тіптен денең түршігеді. Түн жарымда шеттей бала-шағаң, зайыбың кеп "үйге жүршілеп" тұрса.

Заңмен қудаланады дедік пе, юрисдикция үстемдік ететін аймақтарды жаппай бақылау керек шығар. Мәселен, әлгілерге кеңсені жалға беретіндерден бастап, бәріне жауапкершілікке тартса. Бұны тұрақты дәстүрге айналдырса, бірте-бірте нәтижесі оң болар еді, меніңше.

Үйді сатқандарды естіп ек, одан да сорақысына баратындардың «драйвері» не екен дейсің ғой. "Қазір ұтсам, қайтарып алам" принципі ме екен…
asaubota
негізі ұтудың жолы бар, бірақ оған сабыр және уақыт керек. Мартингейл жүйесін айтамын, бірақ соны біліп тұрса да ешкім істегісі келмейді. бәрі тез ұтып алғысы келеді.
VKM
Керемет аяп кеттім, ойынқұмарларды.Аршат аға,қалай жақсы болды, соған салынып кетпегеніңіз… Оның түбі жақсылыққа әкелмесі белгілі ғой
asaubota
жақсылыққа әкеле алады. бірақ, адам соны істегісі келмейді. сезімге берілмей тек жүйе бойынша ойнаса міндетті түрде ұтады.
Nurgisa
Тек, айналымда (ойынға салуға) едәуір сома болуы керектігін де айту керек бүкпей. Айдалада жатқан қандай батпан құйрық.
asaubota
батпан құйрық мысалы бұл жерде орынсыз сияқты. өйткені ойынға ойыншы онсыз да ақшамен барады. сол ақшаны есептеп минималдан бастап ойнаса міндетті түрде ұтады. бірақ, мен сол жүйені насихаттап ойынға құмар болыңдар дегім келіп тұрған жоқ. менің айтайын дегенім казиноны да ұтуға болады дегім келді.
Nurgisa
Ол үшін уақытыңыздың көп болуы (сабыр) керек, иә? Казиноға барып, көк тиынына дейін сыпырылып жүрген ақымақтар неге дереу осы постты оқымайды екен. Мартингейл жүйесіне неге пысқырмайды екен ол бейбақтар…

Тұқымы құрысын, Қапашағайы да, Шортандысы да құрысын…
asaubota
осы жердегі жазғандарыңа жоғарыда жауап жазған едім негізі :)
sammita
аздаған өзгеріс, Шортанды деген Шучье емес. Ол бөлек жер, Астана мен Көкшетаудың ортасындағы. Шучьені қазір Шортан деп жүр. Атам сәбет кезінде-ақ Шортан деуші еді. Казино сол Шучьеде.
TERISKEI
ық-ық:))) тиіп кетті ғой дейм:)))
Ottegin
Саммита-ханум дұрыс айтып отыр, Шортанды деген жер Астанадан Бурабайға баратын жол үстінде, 60 шақырым, ал Щучье — Бурабайдың маңайындағы қала, және аудан болатын, қазір өзгертті, Бурабайға
sammita
Саммита біледі, ол туған жерін ұмытпайды:))
edige
«Diamond» деген казино біткен. Биылға тағы 2 казино салынады ау сол жерде. Сұрақ тууы мүмкін: Неге жаппайды? Кеше ғана сондай казино егесі министрдің креслосына жайғасты
asaubota
былтыр барғанбыз Шортандыға, сонда көрдім Diamond-ты. қызығып-қызығып кеткем «эххх… жалғыз келу керек екен» деп :)
omarbirat
Елу теңгелік автоматтан бастап, ақыр аяғы казинода екі күн қатарынан ойнап, сауда айналымына салып жүрген ақшасын ұтылған жігітті танимын. Құдай ұрғанда, ол ақша тек өзінікі емес еді. Бір жігітпен бірігіп сауда жасап жүрген ғой. Одан басқа да қарыздары болған екен. Бірақ ол жігіт ол ақшаның барлығын енді қайтара алмайтын болған соң, сол қарыздың барлығы жиырмаға енді толған інісінің мойнына ілінді. Ағасы кәдімгідей үлкен жігіт, ол кезде отыздан асқан, бала-шағасы бар болатын. Айналасы бір айдың ішінде жаңағының інісі уайымнан кәдімгідей қуып кетті:
Інісі бірде біздікіне қонуға келіп, түннің ортасында ағасының досымен телефон арқылы бір-екі сағат сөйлесті. Сосын «есікті жауып алшы, мен бір жерге барып келейін» деп шығып кетті. Ертесі күні түнде не істегені есінде жоқ. Сөйтсек, ұйқысырап (лунатик болып) жүрген екен.
Ақыр аяғында күнде неше түлі кісілер келіп қарыздарын сұрай бергесін, ол да қашып кетті. Кейін ағасы екеуі ет дүкенін ашып, жағдайларын түзеп, қарыздарынан құтыла бастап еді. Ағасы тағы да казиноға барып, бар ақшасын салып тастапты.
a63a1
1 курс студенті едім ол кезде, Ондай ойынға аса құмарлығым жоқ еді, сағат 10 шамасында қыстық кйім алуға қарағандының орталық базарына барып әрлі-берлі сандалып жүргенде «лохотронға» көзім түсіп кеткені, төрт жағынан жанталасып айналдыра тиындарын салған адамдар кейбіреуі сатырлатып түскен тиындарын жинап әлек болып жатыр. Менде қызығып кеттім бағымды сынап көрейін деп қалтамнан ұсақ тиындарымды алып шығып 50 теңгені піссімілләмді айтып салып жібердім, сол-ақ екен сатырлап 3000 теңгедей түсті, қуанғанымнан жинап алып калтамды қомпитып алдым. Естігендерім бартын бір кіріп кетсең кете алмай қалып, соңғы көк тиыныңа дейін саласың деген, сол есіме түсті де (киім алу жайына қалды)шыға беріске қарай ұмтылдым, жолай қайыршыларға тиын устатып отырдым. Сразым универге тарттым да группаластарыма мақтанып көкіп ұтысымды айттым. Пара біткенше аңсарым сол «лохотрон» болды, апыл-ғұпыл 3-пара аяқатамай жатып базарға қайта тарттым, тағыда бағымды сынап көреиін деп тиындарымды салып жаттым ақша түсетін түрі жоқ ақыр аяғында ұтқан ақшамды автоматтың кәшөлөгіне салып бердім. Содан кеиін ондайға жолауға желанием құрып кетті)))
asaubota
осы казинолардың кесірінен 10 жылдай дос болған бір жігітпен қарымқатынасымыз үзіліп кетті. ол кезде ол әлі үйленген жоқ, жүрген қызын да танитын едім. сол қызы үй алайын деп жатыр едім первоначалныйға ақша керек болып тұр 250 мыңдай бере тұрасың ба 1 аптадан кейін беремін деді. достарым болғасын ойланбай бердім. 1 апта өтті ақша жоқ әлі, үндемей күтіп жүре бердім. сосын бір күні Г. звондап тұр рахмет айтып, ақшаңды алдың ба мен вахтаға кетіп бара жаттым да М.ге беріп кеттім саған салып жіберсін деп дейді. Сосын ана М. досыма звондадым, телефон сөндірулі. Дым хабар болмай кетті, сөйтсем ол қызының маған салып жібер деген ақшасын түгелімен казиноға апарып салып жіберіпті, пипец! қазір ақша да жоқ, аналардан хабар да жоқ. екеуі де интернетте отыратын адамдар, бірақ ешқандай соц.сетьтен оларды таба алмайсың. солай жүреді енді өмір бойы шифроваться етіп.
Nurgisa
Casino — disconnecting people :(
a63a1
Ай аузың аңқиып өзіңненде бар дептіғой ))))
Abilakim
Оқушы балаларға тиым салынады деген ескертпе де далада қалады ақшаның жолында.Казір Қарағандының әр жерлерінен көріп қалып жүрмін таныс автоматтарды
Ottegin
Бір дал… б балдызым бар, оқуға төлейтін ақшасын аптаматқа сап жіберген, қазір жүр жалдамалы жалаңаяқ боп…
edige
Казиноларды жасап, жабдықтармен қамтамасыз етеміз. Ашылу болғаннан бастап жасы егде тартқан адамдардан үзілмейді. Бір егде әйел «Бүгін әже болдым» деп фишка шашқандарын көргенде жетім-жесірге емес «ойнауға келген азартшыларға» таратып жатыр. Ерсі екен егеделерге. Бізде әле де ойынның түрі аз. Биыл тағы да Капшағайда аралшықта жаңадан үлкен проект басталғалы жатыр. Ол қанша адамның тапқан-таянғанын жалмайтынын құдай білсін.
satibaldi
Сұрағанда да, үкіметтен ғылыми зертеулерге ақша сұраған ғалымдарша сұрайды.
Лібә)))))))))
ken
Sumdyk. Mynanyn janynda komputerlik oiyndar oinagan aldekaida jaksy eken goi. Biz student kezimizde joldastarmen komp klubtarga baryp, bir-birimazben atysyp-shabysushy edik.
Erlan
жабылып жақсы болды, көп достарым оқуыдың ақшасын, інісінің оқуының ақшасын, салып жіберіп, кейбіреулері оқуды қойып кетті
Zere
Осыдан кейін НАН-ды неге сыйламайсыңдар? ))
Nurgisa
… Нан қоқымын шашпаңдар,
Жерде жатса,…
VKM
баспаңдар)))
konvict
Теріп алып, ҚАСТЕРЛЕП ))))))))))
a63a1
казиноға тастаңдар! Теманы бұрмаламайық
patick
Бір таныс қыз казиноға жұмысқа тұрды. Қателеспесем рулеткаға отырған сияқты. Сол қыз стажировкада жүргенде айтты: Оларды ұтылмаудың айлаларына үйретеді екен. Қалай екенін айтсайш дегем, айтпады ақыры. «Біреу біліп қалса маған хана» деп қорықты.
Сондықтан оларды ұта алмайсың. Бір ұтқанның өзінде екінші рет сені ол казиноға кіргізбейді.
asaubota
крупьелер негізі өте мықты, талантты адамдар. олар алдымен тігілген көнді аз уақыт ішінде қарап, ойша есептеп, ең әлсіз зоналарды анықтайды. сосын шарикті сол жерлерге жіберуге тырысады, көп жағдайда есептеген жерлеріне түсіреді. Покердегілерді де жақсы үйретеді, ең дұрыс комбинацияны таңдайды. Казиноның әлсіз жері — Блекджек. Блекджекте ұту оңай, егер карталарды есептеп отыратын болсаң. Кеше «21» деген киноны қарап бастадым, әлі бітірген жоқпын. сол кинода толығырақ түсіндіреді есепті қалай жүргізетіндерін. негізі осы казино, құмарлық туралы пост жазайын дегем осы киноны қарап болғасын, бүгін Гаста бастап қойғасын ойларымды осында жазып жатырмын.
patick
Әлгі таныс қыз айтады: ойын аппараттарының өзінің құпия настройкалары бар, соны казиноның пайдасына шешілетін етіп қояды екен.
Gastarbaiter
казиноның пайдасына шешілетін етіп қояды екен.

Әбілдің, ұятсыздар екен десейш нақ))) Бұттан кеттім… Прекинь ашаршылық құрбандарының пайдасына шешілетін етіп қойса:)))
edige
Сондықтан оларды ұта алмайсың. Бір ұтқанның өзінде екінші рет сені ол казиноға кіргізбейді.
Дилер — 25 ке толмаған жастарды ғана алады /көпшілігі студенттер/. Әрбір 20 минутта Питбос ауыстырып отырады оларды. Нақты бір жайғ да отырғызбайды /Барлық столға ретпен ауысып отырады: Poker 3-6 box, Poulette, Blackjack, Bacara. Қалада «Texas holdem» ойындарына тыйым жасалмаған/. Казиноның барлығында мәліметтер қоры бар және онда түріктер басшылық жасайды /ол бәлелелр ұйымшыл, бір-бірімен байланысты/. Бір мәрте оқыс қимыл жасаған дилерді екінші казино жұмысқа алмайды.
Қапшағайда қазір 8 казино нақты істеп тұр. Ең ұтысы көп «Prince» казиносы. Ойнауға кіру 500 доллар казір барлығында.
Айтпақшы ұту мүмкіншілігі тек Рулеткада. Онда да шамалы. Дилерді рулетка валында керек санына түсіруге дейін үйрететіндерді көріп жатырмыз.