Эстафета. Менен бір ыстық тамақ пен бір салат!

Алты жеңге мен бес әпкенің ортасында өскендіктен тамақ істеу мұқтаждығына ұрынбаппын. Сонда да болса Ернұр берген эстафетаны пайдаланып сіздерге бірдеңе ұсына алады екенмін.
Шоққа піскен картоп

Алдымен, үлкен емес орташа (екі -үш жасар баланың жұдырығндай) картоптарды іріктеп алыңыз. Тамақ пісірген пештің (қойдың қиының шоғы ерекше дәм береді)шоғына картоптарды көмеміз. Картоптың күйіп кетпеуі үшін шоқтың лебіне қолыңызды 10 санағанша ұстап тұра алсаңыз жеткілікті. Дәл уақытын түйсігіңіз арқылы сезіп, шамалыдан соң күлге піскен ыстық картопты үргілеп жеп отырасыз.

ПыСы: Суретін инеттен алғым келмеді. Өзім… отырайын енді күлге картоп көміп мусорканын қасында… бомждармен суретке түсіп…
Нан салаты

Жаңа ғана сеператордан шыққан сұйық қаймақтан бір кесеге құйып аласыз. Жаңа ғана пештен шыққан нанның бірер тілімін кесіп алып (суыған нанмен де жақсы негізі)жаңағы қаймақ толы кесеге үзіп-үзіп саласыз да араластырасыз. Нанның барлық үзімі қаймаққа шыланғаны дұрыс. Салатымыз әзір.

Эстафетаны салтанатты түрде Патикке ұсынамын!