Темел хикаялары

17 наурыз 2011, 20:00

Біздің Қожанасыр секілді түрік халқында да Темел дейтұғын кейіпкер бар. Қаратеңіздің тумасы делінеді. Назарларыңызда соның ел аузына тарап кеткен бір-екі хикаясы.
''''''''''''''''''''''''''''''''''''''''''
Бір күні Темел Трабзонға баратын ұшаққа мініп басқа біреудің орнына отырып алған көрінеді. Бір кезде әлгі орынның иесі келіп, бұл орын өзінікі екенін айтып, тұруын өтінеді. Оған көнетін Темел ме, қозғалмайды. Әлгі жолаушы әрі-айтады, бері айтады, болмағасын стюардессаны шақыртады.
Мән-жайды ұққан стюардесса Темелдің құлағына бірдеңе деп сыбырлайды. Содан соң Темел дереу өз орнына ауысып отырады. Әлгі жолаушы: Мен екі сағат бойы түсіндіріп ұқтыра алмадым, сіз екі минутта оны қалай мәмілеге келтірдіңіз,- таң қалады. Сөйтсе стюардесса Темелдің құлағына: Бұл орындық Трабзонға бармайды,-деп сыбырлағанын айтады.
'''''''''''''''''''''''''''''''''''''''''''
Темел досы Тұрсын екеуі екі қабатты автобуспен саяхаттап жүр дейді. Темел үстіңгі қабатында, Тұрсын астыңғы қабатында. Бір уақытта Темел Тұрсынға звондап, хал сұрайтын көрінеді. Тұрсын болса: Ой, айтатын несі бар, біздің жүргізуші ұйқыда, әйтеуір кетіп барамыз,- депті. Мұны естіген Темел: Ой, соны да сөз деп тұрсың ба, біздікі мүлде шопырсыз кетіп бара жатыр деп жауап беріпті.
''''''''''''''''''''''''''''''''''''''''''
Бір күні Темел ауруханаға келсе, есіктің алдында біреу боздап тұр дейді. Темел мән-жайды сұрамай ма, сөйтсе анау: Қан анализіне келгем, саусағымды кесті,-деп жауап береді. Мұны естіген Темел анадан да қатты боздай бастайды. Таң қалған әлгі: Сен неге жылайсың,-деп сұраса, Темел: Мен кіші дәрет анализі үшін келіп едім,-деген көрінеді.

Темел, анекдот, Қожанасыр

13 пікір

сенікі былай «добрый» анекдоттар екен. менің Темел туралы білетінім кілең андай анекдоттар :)

Жасыру

ішінен дені дұрыстарын таңдап алдым ғо:-)

Қожанасыр түкеңдерде де бар ғой: Nasrettın Hoca, Hoca Efendi (бізше Әпенді)

Трабзонның түріктері шынымен сондай бола ма өзі? Футболшылары нашар ойнамайтын сияқты ғой :))

Шырпы қорабында дән бар-жоғын білу үшін қорапты емес, бастарын шайқап анықтайды екен деуші еді…

Темекіні өшіру үшін суға тастап, үстінен мыжады екен дейтіні де бар еді.

Қаратеңізде Лаз деген халық тұрады, түріктер оларды чукчалар сияқты көреді. анекдот, приколдар солар туралы. бірақ, олар өте еңбекқор, көңілді, биші халық. Темел солардың анекдоттардағы өкілі.

Лаз Зия чукчаға ұқсамайды :))

өй түріктер айта береді, лаздар мықты халық. просто түріктердің сондай аурулары бар, өздерін басқалардан мықты көреді. былай қарасаң курдтар да жақсы халық.

Ескішехір негізі түріктер нанымында лаздар мекендейтін қала емес пе еді?!

«Трабзондан биз желдуқ, Трабзондан биз желдуқ» деген бір прикол ән айтып жүруші еді біздің лицейдегі түкеңдер :))

Эскишехирдің жергілікті халқы манав деп аталады, сосын біршама бөлігі Қырымнан келген қырым татарлары, ноғайлар.

лаздар Г әрпін Дж деп айтады сосын жалғауларды У әрпімен

лаздардың түрікше сөйлегені де қызық, сақауланып сөйлейді..«т», «ш» дыбысы орнына орнына «ц» әрпіне ұқсас дыбыс шығарып сөйлейді… онан соң әрине «г» орнына «дж» дыбысын қолданады.
Ғара деніззлі Мехмет Аға деп сөйлеу ол жақтың адмына «нәрмәллнә» ))