«Немо» және оның командасы.


Испанияның «Marca» газеті соңғы нөмірінде «Немо және оның командасы» жайлы қызықты ақпарат жариялады. Корольдік клуб ойыншыларының лақап атын карикатурамен жариялаған бұл мақала бүкіл дүние жүзі баспасөзінің назарын өздеріне аударды.
Команда жұлдызы Месут Өзілдің лақап аты – «Немо». Оған бұл лақап «Дисней» және «Пиксар» студияларының өніміндегі Немо атты балықпен сырт пошымындағы ұқсастығы үшін таңылыпты. Икер Касильясты «Капи» (капитан) атандырса, Рикарду Карвальоны «Ақсақал» десетін көрінеді. Бұл аттың оған қойылу себебі белгілі, ол командасында жасының үлкендігімен қоса байсалдылығымен ерекшеленеді. Рауль Альбиольға командаласы португалдық Пепе Рейна «Пышақ» дейтін атты лайық көріпті. Әрине, бұл оның колбаса кескіш, нан кескіштігі үшін емес, жіңішке де ұзын дене тұрқына байланысты қойылса керек. Ал Пепенің өзін жай ғана «Пепиньо» деседі.
Эзекиель Гарайдың екінші аты «Негр», бұл оған әдеттен оғаш қоңырқай терісінің түсіне орай берілген. Ал Марселоға «Есуас» дейтұғын лақап бұйырыпты. Ол да тегіннен тегін емес. Бразилиялық футболшы киім ауыстыратын және жаттығу өткізетін жердегі ең басты әзілқойдың бірі. Арбелоа уақытының көбін жаттығу залында өткізетіндіктен арқалаған есімі «Робокоп».
Хаби Алонсо командадағы қадірлі тұлғалардың бірі, соған қатысты есімі «Сеньор». Ал Гранеро «Қарақшы» есімімен танымал болғанымен «Сыған» дейтұғын екінші есімді де ауырсынбай арқалап жүр. Криштиану Рональдоны барлығы «Машина», ішінара «Терминатор» деп атайды. Әсіресе алдыңғысын Икер Касильяс көп қолданады екен. Тіптен әр кездесуінде ол Рональдомен «Халің қалай, Машина?» деп амандасатын көрінеді. Каканы жай ғана «Рики» (өз есімі Рикардоның жұмсартылған нұсқасы), аргентиналық Гагоны жай ғана «Фер» (Фернандоның кішірейтілген пошымы), Хедираны жай ғана «Сами», Лассты жай ғана «Ласс» дессе, Ди Марияның лақабы – «Періште» (Ангел), ол мұның шын есімі Анхельден туындаған.
Педро Леонның командаластары азан шақырып қойған есімі «Қызанақ», яғни Томат. Оған бұл ат туған жері Мурсиге байланысты берілген. Ал Каналестің «кличкасы» — «Сәби», өйткені ол команданың жаңа мүшесі, әрі жас жағынан да барлығынан кіші.
Серхио Рамосты «Куки» деп шақырады. Бұл оған кішкене кезінде қойылған лақап көрінеді. Ал Адебайордың бір басында үш ат бар: «Манолито», «Аватар» және «Аденабор». Әзірге бұлардың неге сүйеніп қойылғаны алдымен құдайға сосын Корольдік клуб ойыншыларына мәлім. Ал соңғы екі шабуылшыны ат қою сүрлігісі жанамалап қана өткенге ұқсайды. Өйткені Бенземанікі жай ғана «Монсеньор», ал Игуаиндікі «Пипа».
Бөлісу:

16 пікір

asaubota
Месут Өзильді Ақтөбеде өз көзіммен көрдім деп мақтанып қояйыншы. Нағыз профессионал! әлде түрікше білмейді ме екен, бұрыштан доп тебетін кезде жеті атасын түгел боқтадық түрікше, түк эмоция көрсетпеді :)
aktobe88
Қашан келді??????
Түрікше білмейді деп оқығам мен бір жерден. Бірақ түрік музыкаларын жақсы көреді екен.
aktobe88
Биыл Еуро-2012-ге келгенде ма?
asaubota
Ақтөбеде қайдағы Ұлттық құраманың ойыны болсын?!

Месут Вердерде ойнаған кезінде келді, УЕФА матчында. сол матчта Ақтөбе 0-2 жеңілді, оған дейін Орталық стадионда 3 жыл ешкімнен жеңілмеп еді.
aktobe88
мен де соны ойладым да, Астананы шатастырып Ақтөбе деп жазды ма деп…
aktobe88
Сосын, түрікше түсінгенмен küfürlerdi түсінбейд те шығар.
Nurgisa
меніңше керісінше, түрікшені түсінбесе де…
TERISKEI
меніңше Месут түрікше түсінбесе де, боқтық сөздерді түсінеді ғой деймін, себебі, олар фанаттардың қарсылас команда ойыешыларына айтатын «алғыстарын» өте жақсы біледі, оған бола бас ауыртқысы келмеген шығар.бәлкім…
Nurgisa
Ойлаған шығар мүмкін ол, «Иии, айтса айта берсін, „зато“ мен миллионермін» деп :)))
aktobe88
Месут түрікше білмейді деп ойламаймын. Түрік деген атыма сын деп ең құрығанда тіл курсына барып болса да үйренген шығар. Ал ондай жерлерде боқтау сөзді үйретпейтіні белгілі. Түркияда жүрмеген соң түрікше боқтау сөздерді білмегеніне таң қалмауға болады.(деееееп келетін қисын ғо біздікі)
Бірақ осы жерде өз ойыма өзім қарсы шыққым кеп отыр, ода түрікше үйренетін уақыт қайдан болсын.
TERISKEI
Ақтөбесексенсегіз! Боқтауды түсіну үшін тіл үйрену керек жоқ сияқты, адамның түр-әлпетінен білуге болады емес пе?
asaubota
«пич, пич, пич Месут», «ананы с**ериз ороспу чоджуу» деп ызаланып айтып тұрған адамды боқтық сөз білмесең де сондай бірдеме айтып тұр екен деп ойлауға болады :)
aktobe88
:-))))))))))))))))))))))))))
түріктердің өзінен асырып жібереді екенсіз ғо боқтағанда.
Демек ки, Месуттің беті тым қалың немесе тым сабырлы деген сөз. Түріне қарасаң тым жуаааааас бір тип секілді көрінеді.
Айтпақшы, осы Месуттың анасы неміс пе? Өйткені әкесімен түскен суретін көрдім де, мұрты жоқ болса да типичный түрік. Месут дым ұқсамайды түрікке.
asaubota
сен біраз жыл жатақханада емес махалледе өмір сүріп көр, стройка, кафе, Антальяда жұмыс істе. сосын келіп маған мен білмейтін боғауыздарды үйретесің :)
gunner
Адебайор Аватардағы бір кейіпкерге ұқсайды, әсіресе шаш қою үлгісі, сондықтан Аватар деп қойған шығар. Марсело ойында да «есуас» қой, қорғаушы болса да жынды адамдар сияқты шабуылға барып қайтады