Кім мықты, бөріктілер ме, әлде көріктілер ме?

Тура сегізінші март тақағанда мен қыздар жайлы емес, бүйректен сирақ шығарып, ұлдар жайлы сөз қозғағым келіп отырғаны. Себеп… Анау айтқандай себебі жоқ. Тек осы сайттағы "Әйелдің орнында болып көру" атты пост(видеосын көргем жоқ бірақ. дұрысы, көрілмеді) пен осы жақында masa.kz-дан оқыған "Әйелдер еркек болуды армандай ма?" деген сыңайдағы жазбаны оқыған соң ойды ой түрткілегені.
Бұрыыыыын біз он оқып жүргенде шетел әдебиетінен сабақ беретін Хан Роза Алексейқызы дейтін апайымыз еркек бұрын жаратылған ба, әлде әйел ме деп сұрақ қоятынды. Дарвинистерді білмейм да, бірақ қалған жұрт "әрине, еркек" деп жауап берері шүбәсіз ғо. Біз ол кезде жас едік, таласамыз. Әсіресе, Димаш деген бала: Еркек бірінші жаратылған, ол дейтін аксиома ғо,-дейтін-ді… Сол кезде апайымыздың жауабы мынау болатын: Жарайды, солай-ақ болсын, но «первый блин всегда комом»…
Ары қарай кеттік. Былтыр да Синан деген ағайымыз аяқ астынан бөріктілер мықты ма, әлде көріктілер мықты ма? деп бір таласты тақырыпты ортаға тастады. Бұл жерде мықты деген анықтауыштың ішіне бәрі кіреді. Ақылды, талантты, дарынды, тапқыр, батыл, бәрі-бәрі… Содан, феминистер өй деді, бәленистер бүй деді. Қысқасы, көбі еркек пен әйел тең, екеуі де дарынды, талантты деді. Енді біразы әйел ақылдырақ, айлалырақ, таланттырақ… ырақ,… ырақ ...әйтеуір барлық сипаттың салыстырмалы шырайын әйелдерге жалғады. Сосын, мен бүй дедім (мақтанайын деп отырған жоқпын бірақ): "Қарап отсаң ше, мықты математиктер еркек, мықты физиктер еркек, өнертапқыштар еркек, тек бір әйел өнертапқышты білемін, екі қолмен ұстайтын кружка ойлап тапқан сәбилерге, болды, мықты шахматистер еркек, мықты ақындар еркек, ең мықты аспаздар да еркек қыл аяғы. Опшым, еркектердің мықтылығын мойындау керек". Мұныма группадағы біраз қыздар қарсы шықты: «Ой, ол енді… әйелдер көбіне бала бағып, үйде отырады. Әйелдер отбасы үшін мансабын құрбан етеді. Содан ғо...». Бірақ менің сөзімді ұлдар құптады. Өздерін мақтағаны үшін емес. Шындыққа жақын болғасын(деееееееп қояйыншы өзімше). Алайда көп қыз өз пікірінен айнымайтынын айтты.
Рас, қыздарсыз ұлдар да жоқ. Ана өмір сыйлаушы. Бізді тоғыз ай көтеріп, онан кейін де теңдессіз шыдамдылықпен біздің машақатымызды көтереді. Алайда, қабілет-қарымы жағынан, біраз ғылыми тілмен айтсақ, интеллекті мен потенциал жағынан бөріктілер бізден көш ілгері ғо, мойындаңдаршы.
Бұл ретте керекинфо көріктілері не ойлайды, пікірін күтем.