Алтын басым аман болса...

Сіздер жақты қайдам, біздің жақта кей жылдары жаз айларында жылан көбейіп кетеді. Үйдің көлеңкесіне келіп жататын кездері де болады. Жалпы жылан жайлы аз біледі екенмін. Біз көріп өскен жыландар улы ма әлде у тістері жоқ па біле алмадым. Білетінім жыландарды өлтіруге құмар едік(Құдай күнаға жазбасын). Алдыңғы әңгімеме кейіпкер болған әпкем жыландарды өлтіруге бұйрық беретін. Өлтіргенде де өте ыждахаттылықпен өлтіру керек. Себебі, жыланды өлтіріп жатқанда " Алтын басым аман болса алты күнде тірілем, жез құйрығым аман болса жеті күнде тірілем" деп айтып жатады екен.Жыланның тілін қайдан үйрендің деп сұрамаппыз да біз ақымақ. Сірә, басы мен құйрығын жақсылап мыжғылағандығымыздан болар тіріліп келіп кегін алған жыландар болмады.
ПыСы. Жыланды атымен атауға болмайды,«түйме» деп атаңдар дегенді естігендерің бар ма? Жыланды қоршап «Түйме, түйме түйіл!»деп айқайлаған кезімізде түйілуші еді. Бізге сес көрсетіп шиырылғаны екен ғой қазір ойлап қарасам.
Бөлісу:
, , ,

32 пікір

sammita
Бір жылдары Шымкент Ташкент жақтағы (нақты қайсы екенін білмеймін) бір үлкен автожолды жауып тастаған жыландар көші туралы естуім бар. Олар ауа-райының қолайсыздығын, жер сілкінісі, су көшкіні сияқты құбылыстарды жақсы сезіп, мекендеген жерін дереу ауыстырады дейді. Әлгі жолдан күні-түні өтіп жатыпты ирелеңдеп. Ұйықтап жатып, ауыздарына жылан кіріп кеткен екі адамның екі тәсілмен жандарының қалғанын да оқығам. «Асқазандағы жыланның» бірін тірідей сүтпен, екіншісін арақпен өлі алып шыққан. Ордалы жыландар бауырына алтын басып жатады дейді-мыс. Көлбар жыланды емдік мақсатта пайдаланады екен. Кейбіреулер жыланның басын шауып тастап, денесін әбден кеп­тіреді екен. Содан соң оны сүйегімен қо­сып талқандап, ұнтақ жасайды. Оны кепкен нанның ұнтағымен араластырып, дәрі ретінде пайдаланады. Бұл жыланның бағасы 150 доллар шамасында.
alisha
негізі, көп жағдайда өлген адамның рухы үйге жылан кейпінде келеді деген сенім бар ғой. «Жылан кірсе, басына ақ құйып, шығарып жіберіңдер» деп үйреткен бізді.
sammita
ақ уды қайтарады сол үшін сүт, айран құйып шығарады.
Abilakim
Үлкендер жағы ақ құйып шығарып жатады. Біз баламыз ғой.Далада кездескен жыланға ақ құя бермейтін болармыз.
sozak
Жылан үйге кірсе жәй ғана шығарып жіберіңіз, егер 3 күннің ішінде шықпаса онда өлтіріңіз.
Менің таңданатыным неге ырымға балай бересіздер?
sammita
3 күн ұйықтамай көзіміз бақырайып отырайық ендеше.
sozak
Көзді бақырайтпай, сығырайтып отырыңыз ендеше. Әзіл.
sammita
жоғарыдағы пікіріңізге негіз болар әңгіме болса айта отырыңыз.
sozak
Нәби (с.ғ.с) айтты Жыланды және скорпионды өлтіріңдер даже Намазда тұрсаңдарда.

Однако, если змея заползла в дом, то ее нельзя убивать, ибо это может быть джин. Сле-дует велеть ей покинуть дом и подождать три дня, после чего если она не выйдет, то ее можно убить, ибо это шайтан. Муслим 2236.

Орысша жақсы түсінетін щығарсыз деп ойлаймын.
sammita
намазда тұрсаң үйде, жылан кіріп келсе өлтіреміз бе сонда? 3 күн ше?
sozak
Егер сізге қауіп төндірсе өлтіресіз және Намазыңызды келген жерден әрі қарай жалғастыра бересіз.
Abilakim
Намазда оңға немесе солға бір қадам жасай аласыз. Бұдан кейін де қауіп төнсе әрекет жасайсыз менің естуімше осылай еді
sozak
+10
Aikona
Қордайдағы практикам есіме түсіп кетті ғой. Ол жақта жылан көп қой. Ағаштарға оралып жататын. Ысылдаған дауыстары естіліп тұрушы еді. Суда да көп еді. Олар суда шақпайтын бірақ аяғыңды орап тарытп кетеді дейтін.
Nurgisa
Жыландардан анаконда ұнайды. Питон. Ірі түрлері, ойда-қырда.
Австралия мен Үндістан жұртшылығының еті қалай үйренген екен осы пәлеге?!
asaubota
біздің ауыл жақта шақпайтын сарбас жылан көп болатын, қойкезекке барғанда көретінбіз. сосын бір рет қорада қи тасып жатып, бір қидың астында жатқан қара жыланды көріп қорқып кеттім. күрекпен бөліп тастап, өлтірдік.
alisha
бірде үйге пішен түсірді, содан кейін аулада ойнап жүрсек кішкене жылан жүр екен, шөппен бірге келсе керек. Үйде бала мысық бар еді. Жыбырлап жүрген соң жетіп келді… Мәссаған! Бір мезігле ана екеуінің арасында кәдімгідей төбелес басталып кетті… мысық пен жыланның шайқасы жаман екен… ысылдап айбат шеккенде екеуі де бір бірінен қалыспайды… ақыры сол жерде біреуі шыдамай күрекпен бір қиды әлгі жыланды
gerakl
Ит-мысықтың сүйікті ісі ғой жылан өлтіру. Біздің ауыл — Жыланды деп аталады. Сәйкесінше, жылан көп.
Ертеректе, екі ағайынды бала жыланның ордасына тап болып, бәрін күрекпен оңды-солды шапқан ғой. Содан, бір күннен кейін екі баланың біреуі таңертең ұйқыдан оянбай қалыпты. Көпшігінің астында жыланның басы жатыр екен. Шамасы, аман қалған бір бас өшін алуға келген болуы мүмкін.
sammita
«Көпшігінің астында жыланның басы жатыр екен»
тығылып жатыр ма, арам екен:))
gerakl
баяндаушы шеше қалай жатқанын айтпады. мүмкін өліп қалған, мүмкін жорғалауға шамасы келмей…
Abilakim
Жастыққа тұншығып қалуы да ғажап емес.
Жыланның ордасының астында алтын болады дегенді мен де жиі естіп өстім. иесіз қалған ордасын тапсам екен, алтыннын қазып алсам екен деген де қияли армандарым болған.
gerakl
Тұншыққанда басы қазандай болып іспейтін шығар. Әлгі баланың басы ісіп кетіпті.
Abilakim
жылан тұншыққан деймін
sammita
:))))))))))))) не болД таң атпай үш сөйлеп:)))))
omarbirat
тұншыққаннан басын тастап, денесі қашып кеткен ба сонда :)))))))
sammita
менің түсінгенім, күрекпен кескілеп өлтіргенде, басы тірі қалған. Әлгі «Алтын басым аман болса, алты күнде тірілем» дегені сол ғой.
Nurgisa
Шерлок Холмс шетте дегбірсіздене темекі шегіп тұр…
alisha
қатырасыңдар;))))жаман жақсы көрем сіздерді;))) жұмыста сіздерден басқа қызық қалмады;)
sammita
«жұмыста сіздерден басқа қызық қалмады;»
:)))))))))))))))))
Nurgisa
саммита, неліктен қарқылдап отырсыз? жұмысында қиыншылықтар орнаған сықпытты, ұққан шығарсыз? Неткен қатыгезсіз…
bazuka
кішкентайымда ағама еріп Ырғыз өзеніне балық аулауға баратынмын, сонда балалардың жыланды бөліп, бөліп тастағаның көргем. онан кейін немере ағам жыланды ұстап алып шыны банкіге салып күннің көзіне қойғанын көрдім. ол әбден еріп болған соң емге пайдаланады деген үйдегілер.