Бонапарттың үйленуі немесе сүндетке отыру:)

Бүгін өте жақсы күн болды!

Кейбіреулерге ащы болса да айтайын, Шымкентте театр бар. Жай ғана театр емес, Қазақстандағы жалғыз ғана әзіл және сатира театры. Бас директоры сатираның белді майталмандарынан бірі — Уәлибек Әбдрәйімов.

Сонымен кеше таңертең ОТЫРАРTV каналында Уәлибек ағамыздың интервьюін тыңдадым. Жарықтық, жібереді ғой әңгімені… Сөз соңында жаңа «Бонапарттың үйленуі» атты комедиялық қойылымның болатынын айтты.

Сонымен баяғы Шымкенттік сарынға салып, таныстардан сұрастырып, қойылымға шақыру билетін алдық-ау әйтеуір:)

6:00де басталатын қойылым әдеттегідей 6:32де басталды.

Басталғалы тұр

Банопарт атты жігіттің үйленуі барысындағы шым-шытырық оқиғаларды майын тамызып, айранын ағызып көрсетіп берді, жарықтықтар! Жалпы оқиғаның барысы мынадай:
Үйленейін деп жатқан Бонапарттың сүндетке отырмағаны белгілі болады. Сонымен оны сүндетке отырғызады. Содан соң ол жазылмай біраз үйде жатып қалады. Жақында той! Не істеу керек:) Бәрекелді, бәрекелді! Шаншар әлі босаңси қоймапты! Тіпті мықтылана түскендей…
Көрермен қошеметіне әркім ие бола бермейді…

Аты: Банопарттың үйленуі
Режиссері: Мақсат Айтжанов
Рөлдерде: Уәлібек, Жүсіп, Нұржан (Тука емес дедік қой), Бонапарт (аты есімде жоқ), Жеңгесі (баяғыда Қазақстан-Шымкент Телеарнасында істеген қыз. Менімен бірге Айқарагөз бағдарламасына түскен.) тағы басқалар(Есімнен шығып кетті)!
Жалпы мықты болды! Көптен бері осылай күлмеп едім… уахахахха:)