Нәскиге ода

Жұма күнгі бояннндар: Нәскиге ода

Ескі шұлық дегенде ескі шұлық,
Түгіңді қалдырмаппын тесік қылып.
Менен емес, топлидан кінәні ізде,
Бәле ғой тұрсаң мені сезікті ғып.

Әйтпесе, судай жаңа болғаның рас,
Аяққа «хөуппәлә» деп қонғаның рас.
Табаның майланғанша киіппін-ау
Мұңым болар… мұным болмас…

Елең-елең етеміз нәски десе,
(Қарасын I love you әсіресе)…
Сені өлердей сүюім соншалықты
Тез-тез киіп алар ем қаз ки десе.

О, нәски!!! Гөлфиің бар, жүн нәски бар,
Тобыққа келетұғын құр нәски бар.
Тоқылғаның бар тағы, сосын бар ғой –
Ешқашан тозбайтұғын жыр нәски бар!

Нәскиің таза болса сенімдісің,
Демек ки, тазалықта сенің күшің.
Резіңкеңді алушы ек рогаткыға,
Сен сонда жаманбысың, керімбісің?

Нәскидің жақсы болуы адамынан,
(Сақтай гөр нас, ұқыпсыз, жаманынан)
Жыртпай, сөкпей, майлатпай таза ұстаса,
Айналып кетесің әр қадамынан!

Жігіттер, нәскиіңді таза ұстаңдар,
Бір апта киемін деп алжаспаңдар.
Ыңғайсыз исі болмас, сасымас деп,
Үміт еткен халқың бар, Қазақстан бар!

Мінеки, осы біздің сарын, нұсқа,
Нәски деген маңызды барлық тұста.
Әйел көркі шүберек, жігіт көркі –
Нәски екенін мәңгілік жадыңда ұста!
Бөлісу:

5 пікір

alisha
өткенде ағайын-туғанның бас қосуына жақын құда балам келді, жасы 30-дан асқан, былтыр келіншегі қайтыс болды. Қызы бар 10-12 шамасында. Носкиіне көзім түсіп кетті, тесік екен...қатты аяп кеттім, өзі содан қораштанып отырғанын да байқадым...Әйелі болса, бұлай жібермес еді…
Gastarbaiter
Нұрғиса, бұрын «дегенде жыртық нәски, жыртық нәски» деп басталатын — өлең бар еді. Беу.Кз-ке осы өлең-өсиетіңді киім-киіс бөліміне жариялайын, қыли қарамасаң?
Nurgisa
Еш қарсылық жоқ, Асеке ;) Рақмет!
Gastarbaiter
Осындай Беушілер тақырыбына жарайтын дүниелерді сенен «көрсетпей сұрап» алып тұрсақ ше?)))))