Махаббат мәселесі. Кеңес керек-2

Бұның қаншалық махаббатқа жататынын білмедім. Бірақ, белгілі “ брендім” арқылы бір мәселенің шешімін іздеп шұбатып көрмекпін. Досым десем дау туып кетер,
араласып тұратын танысым деп айтайыншы. Жынысы – әйел. Жұмысы – журналист. Астанада тұрады, аты … маңызды емес. Очм, сол қыз бір отырыста көзіне жас кілегейленіп, “ ей” десең, еңіреп жылайын деп тұр. Жыласа, ана жерді топан су басарын тағы біліп тұрмын. “ Аса қиын саяси ахуалдан” шығуда Президент көрсеткен прим.-ге салып, “ не болды, біреу аяғыңды мыжып кетті ме?” деп күлдім (ыржидым-ау). Маған жанарын тіктеп қарады да, “ тыңдайсың ба?” деді. Әрине, ол Шакираның “ Лока Локасын” тыңдатайын деп тұрған жоқ, жан сырымды, жүрекжарды сөзімді тыңдашы деп тұр.
Ұзын сөздің қысқасы, танысым өзінің жыныстық ориентациясына күмән келтіретін болып шықты. Қалай десеңіз, Аша Матаймен сүйіскім келеді дейді. “ О-о, сұмдық, оның несі ләззат? Қызбен қыз…” деп шайқасықты шайнап қоя жаздадым. “ Ерні дәу емес пе? Қатты ұнайды. Сонымен сүйіскім келеді” де-е-еп қарап тұр. Оны қойшы, студент кезінен қыздармен жанасқанда белгісіз сезімге түсіп, бойын игере алмай кетемін дейді. Әрі басқа қыздарды да бұл магнитше тартып, “ манить” етіп тұратын сияқты… Өзі солай дейді. Студент кезінде жатақхананың бөлмесінде бірге тұрған бір қызбен дос болыпты. Кім кіммен дос болмайды дейсің, бірақ ол әлгі қызға жігіттер көңіл білдірсе, кәдімгідей қызғанады екен. Керек болса, кез-келгенін ұрып жығуға даяр едім дейді. Бірақ, танысым өзін лесбиянкамын деп санамайды. Неге десеңіз, “әрбір қыз сияқты жақсы жігіттің қолынан ұстап, жарасымды отбасы құрып, 5-6 бала туғысы келетінін” жасырмайды. Бірақ… “ брагы” әлгі біртүрлі сезімі болып тұр. Ол тұрмыс құрған соң тарқап кете ме, кетпей ме, Құдай біледі. “ Сондықтан, біреумен нетіскенім жөн шығар” деп менен ақыл сұрап қояды. “ Нетіскені несі? Ол не?” деп, мен де қолдан ақымақ бола салдым. “ Енді жігітпен төсекте жатып… дегендей. Әйтпесе, өзімнің лесбиянка я лесбиянка емес екенімді білмейтін сияқтымын” деді ғой, деді.
“ Жындысың ба” деген жалғыз сөз айтайын деп тұрып, “ онымен мәселең шешілсе, жақсы ғой. Бірақ, бетің бір ашылған соң бір жатқаның не, мың жатқаның не?” деп, өзімше ұрыстым. Оның көзінен жайлап жастар домалай бастады… Менің орнымда сіз болғанда, не айтар едіңіз?



Мақала сілтемесі: http://orkenegro.wordpress.com/2011/02/08/%d0%bc%d0%b0%d1%85%d0%b0%d0%b1%d0%b1%d0%b0%d1%82-%d0%bc%d3%99%d1%81%d0%b5%d0%bb%d0%b5%d1%81%d1%96-%d0%ba%d0%b5%d2%a3%d0%b5%d1%81-%d0%ba%d0%b5%d1%80%d0%b5%d0%ba-2/