Бейсенбідегі құрдастар

Бүгін бейсенбі. Уооот… Ертең жұма! деуге де болар еді қисыны кеп тұрғасын. Бірақ әңгіме өзегі өзгесінде.

Дабайда асаубота және omarbirat бүркеншек ныспыларымен белгілі қос құрдасымда бүгін қос қуаныш. Бірі баспаналы боп, төбесі көкке жетіп отырса, бірі мерейлі межеге шығып отыр. Жақсының жақсылығын айт, нұры тасысын демекші, интернетті қазақтандыруда, ұлттық колоритті сіңдіруде аталған қос тарланның қосып жүрген үлесі ұшан-теңіз екені көзкөрген юзер-жамағатқа жасырын емес. Омарбырат интернетте кекесінді пікір жазумен-ақ аты мәшһүр. Өмірде жүріп өтілген даңғыл да сара жолды бір шолып, ілгерідегі перспективаларды дүрбімен бағамдау межесі болар. Екеуіңнің де мағыналы өмірлеріңде сарп еткендеріңнен, сарп етерлерің көбірек деп сенемін. Жігерлерің мұқалмасын. Тас әмәнда өрге домаласын.

Құдай қаласа, бала-шағаларыңның тойларында жүгіріп жүріп қызмет етуге жазсын. Өздеріңнен кейін қазнет мұрағатында тау сілеміндей салиқалы мұра қалар деп бек сенем. Бұл өмірде жасап жатқан игі істерің мен жақсылықтарыңның шегі болмасын лайым. Алға, Құрдастар!