Асабалар...

Асаба бола білу де өнер, егер сол атқа лайықты болсаң. Қарағандыда (барлық қалада)қазіргі таңда тас лақтырсаң «тамадаға» тиеді. Филфактың балаларын қойып, политехтың қулары да айналыса бастады.Жақсы басқарып жатса басқара берсін әрине. Олармен жағаласып КВН-щиктер жүр,өздері басқарады,өздері ән айтады.Тойдың қызықты өтуіне тікелей қатысты асабалар тойдың шырқын бұзыпта жатады кейде. Жас асабалар көбіне анайы әңгімелер айтып үлкендер жағына жақпай қалады.Тойда мынандай ойын ойнатты бір асаба:
Ортаға 4 еркек, 4 келіншек шығарады.Ойынның аты «бие мен айғыр».Жігіттерден жылқының қай жерін ұнатасың деп сұрайды, аналар қазы-қарта десе, енді ана биенің сол жерін сүй дейді.Жігіттер қуып, қыздар қашып әлек. Асаба "өй, мына айғыр шабайын деп жүр ғой" дейді. Жұртта мәз.Негізі халықтың да тойға деген талғамы түсіп кеткен.Ондай асабаны қуып шықса екінші өйте қоймас. Әлгі асабаны шақырып алып, «Сенің анаңды осы ойынға шығарып, бие қылса дұрыс па, оған сенің көзіңше айғыр шабайын деп жатса жақсы ма?» дедім.Өзі білсін ар жағын…
Тағы бір тойда асаба:
Құдағи түріңіз неткен жаман еді-демесі бар ма! әлгі жерде құдағидың бір дүлей дәу баласы асабаны сабаймын деп, жұрт болып әзер арашаладық…
Менің бір группаласым той басқарып жүріп мынандай ойын ойнатыпты.
Ортаға жігіт пен қыз жақтың жастары шамалас екі әжесін шығарыпты. Он қадамнан асатын жерден екі жасқа қарай жүгіріп, кім бірінші сүйеді дегендей сарындағы ойын.Екі әже жанын салып жүгіре бергенде, біреуі құлап аяғын сындырып алыпты. ал, күл, ал жыла…