Референдум болмайтын шығар
Конституциялық кеңестің Атазаңға 2012 жылғы сайлауды референдуммен алмастыру туралы өзгеріс енгізуді көздейтін ұсыныстары конституцияға томпақ келеді деп ұйғаруы парламенттің тарауына әкеліп соғуы ықтимал деп жатыр саяси эксперттер. Жұма күнгі халыққа жолдауында Елбасы «жемқорлықтың сойылын соғушылар» (лоббисты коррупции) осындағы сіздердің араларыңызда да бар дегенін тікелей таратылымда есіттік. Ақыр соңы неге ұласар екен?
Жалпыұлттық сипат пен идеяға айнала жаздаған кампанияға ұйысқан, ұйыcтырылған бес миллион қол керексіз қап қалайын деп тұр. Орт.сайлау комиссиясы үш айға жеткізер-жеткізбес қол қойылған парақшаларды жоямыз деген пәрмен білдірді.
Кейбіреулер ауқымды осынау кампанияны банк термині саналатын «лизинг» ұғымымен ұштастырыпты. Ұштасар сипаты да жоқ емес сияқты, бақсақ…
Қайткенмен, әлемдегі анау-мынау жағдайлар дүрліктірмей қоймайды-ау. Мынандай аласапыранда ұлтарақтай ғана жерімізде іріткі салушылардың ығына өзімізді жыққызбай, ауызбірлік пен келісіміміз ғұмырлы болса ғой… «Фәшис» деу қатты кеткендік шығар. Миноритарий ұлттардың өзін-өзі сақтау инстинктіне жүгінуі қалыпты жағдай сияқты бүгінгі әрқилы өлшеммен өмір сүріп келе жатқан шарикте…
"… Тағдыр-театр, өмір-пьеса тәрізді,
Актермын мен аңдап басар әр ізді.
Пьеса қанша созылғаны сөз емес,
Оны қалай ойнағаным маңызды.."