Қадырсыз қадіріміз қашпаса ғой...
Иә, келмек болғасын, кетпек те бар. Бәріміз Оған нәсіп болған сәтте аруланып аттанармыз. Өмірден Қадыр аға Мырзалиев озды дегенді естіп қалдым. Қазақ Қадырсыз қалса да, қадірсіз қалмаса екен деген ой жылт ете қалды. Әй, бірақ қара өлеңіңнің Қадыры кетіп қалды-ау… Сахнаға ең алғаш домбыра алып шыққанымдағы шырқағаным Қадыр ағаның "Қазақтарды шетелдіктерге таныстыруы" еді. Тоғыз жасымда Республикалық орталық телевидение төріне мені жетелеген ән, тұсауымды кескен ән Қадыр ағаға тиесілі еді.
Жайлауында жүрген жігіт бағып қой,
Дос келді деп жасап жатыр анық той!
Алғашқы рет көріп тұрсың сен оны,
Нағыз қазақ міне осы танып қой!
деп арқыраған ақиық ақынға уақыт кепті…
Жаны жаннатта болғай арда ағаның. Тәсірлі еңбектері халық жадында сақталарына, тау сілеміндей мол мұрасы әлі талай жүректерді жылытып, күш береріне сенем.
Бұл қайғыға ортақ болып, Қадыр ағаның қазасына қайғырған күллі халыққа көңіл білдіремін.
Топырағың торқа болсын.
Немерелерінің қазақша сөйлеп отырғандары мені қатты қуантып отыр… Ағамыздың мықтылығы ғой енді ол..Әсіресе, Сырым атты немересінің, сөзінің соңында Алла Тағаланың ризашылығын тілегені дұрыс болды… намаз оқитын бала болуы керек…
Ғалымдар, жаннатқа жақын жандар, Аллаһ Тағала жаннаттан орын нәсіп етсін…
Адам жылап туады.
Жылайтыны туғанда — жамандар бар қинайтын,
Жылайтыны өлерде — жақсылар бар қимайтын, — деп еді. Оның қимастары көп шығар-ау, ал ҚАДЫР — бар қазақтың ҚИМАСЫ!
Кеудедегі қос анар
Лифчиктен босанар
алса бізді түбінде
Ажал емес осы алар-деп жырлаған Қадыр ақсақалда өтті мынау жалғаннан.