Dabaileaks-1

Қалдықызға жасаған сыйлықтары үшін көп рахмет!

Coffedelia-да жиналдық. Алдында айтып өткенімдей, BlogCamp-ке қатысқысы келетіндерге оның форматы (әлемдегі BarCamp ne-conference форматы) қалай екенін әңгімелегім келген. Сөйтіп, барсам, біразы жиналып қапты. Кейбіреулер сағат 18.00-де деп түсініп ерте келіп, күтіп қалған екен. Ғафу етіңіздер!



Келсем, үстелде бір дорба сыйлықтар тұр. Қалдықыз бәрімізге сыйлық үлестіріп жатыр екен. Мен және Patick (тағы басқаларында да болған шығар) зырылдық ақ қоянды таңдадық. Жарыстырып көріп едік. Patick-тікі озып кетті. Таксссс. Бұл емес негізі айтпағым.

Blogcamp деген не? Қалай өткенін дұрыс көріп отырғанымызды, қандай рисктер бар? Өткен аптадан бері не тындырдық дегендерді айтып, білгенімше түсіндірдім енді. Өзгелері не түсінгенін жаза жатар. Мен қысқа ғана соңында не айтылғанын баяндап шығайын.

1. Лого таңдадық. Логоны жасауға үлес қосқандарға Kazprose, Azanbekov, Aikona, Aiko, Balgyrgan үлкен алғыс.

2. Тіркеу күнін алматылық еместер үшін 2011 жылдың 15-ақпанына дейін, ал алматылықтар үшін 28-ақпанына дейін бекіттік.

3. BlogCamp аясында жекелеген блогшыларды марапаттауды ұйғардық. Одан бөлек әрбір аталымдар бойынша байқау ұйымдастырсақ дейміз. Оның қалай өтетінін сол байқауды ұйымдастыруға жауаптылар түсіндіретін болды.

Сонымен бүгінгі кездесуге келгендер соңында жеке-жеке мынадай ойларын айтты:

Мырзабек: демеуші табуға жәрдемдеседі. 20-ы күні кешке Bowling ойнау жайын қарастырамын деді. Басқа да ұсыныстар бар ма?
Sadyk: Blogcamp-ке арнап жеке сайт жасай аламын дейді. Бөлек сайт керек пе, қалай ойлайсыңдар?
Qisyq: Қанша банер керек, қанша ручка-қағаз керек болатынын есептемек.
Kazprose: Қытайда Google-ға шектеу қойылған соң тіркеле алмай отырғандарға тіркелуге көмектеспек. Сосын шетелде тұратын блогшылардың блогтарына «Тіркеліңдер» деп спам жібермек.
Қалдықыз: Ақзереге көмектеседі. Демеуші болам дейді!
Aiko: Полиграфиялық қызметтер (қағаздарды рәсімдеу, шығару т.с.с.) әрі Qisyq-қа жәрдемдеседі
Akzere: Барлық еріктілер тобының бастығы болды. Құттықтаймыз!!! Қатысушыларды тіркеуге бас-көз болады.
Aikona: ақырын ғана on.kz-тегелерге dabai.kz-те не болып тұрғанын хабарлап тұрады :)
Maqpal: Бұқаралық ақпарат өкілдерімен жұмыс істейді, пресс релиз әзірлейді, Блог байқаудың концепциясын жасайды.
Balgyrgan: Coffe-break-ке жауап береді.
Patick: ақырын ғана kezdesu.com-дағыларға dabai.kz-те не болып жатқанын хабарлап тұрмақ.

Тағы Нұржан болған. Бірақ ойын тыңдап үлгере алмай қалдым. Ербол сәл ауырып қалған екен. Аллаһ шипасын берсін! Тезірек сауығып кетіңіз, Ереке!

Шешілмеген мәселе: Келесі сенбіде сағат 18.30-да қай жерде жиналамыз?