"Интердің" бұрынғы бапкері Страмаччони: "Қазақстандық студенттің ставкасы шықпасын деп әдейі жеңілген кездеріміз болды"

Халел Досмұхамедов атындағы Атырау мемлекеттік университеті Филология факультетінің 3-ші курс студенті Ырымбек Байғаниннің достарына жиі айтатын «Интер тек менің ставкам шықпасын деп әдейі ұтылып жүр» сөзі расқа айналып отыр. Кеше Италия Радиосының сұхбатына қатысқан Миланның «Интерінің» бұрынғы бас бапкері Андреа Страмаччони қазақстандық студенттің сөздерін растады. Өткен жылы «Интерге» 9-шы орын алып беріп, Серия Б-ға түспеуінде зор үлесі болған талантсыз бапкер журналистерге өткен маусым туралы қысқаша баяндап берді.

Андреа Страмаччони («Интердің» бұрынғы бапкері):
— Өткен жылы ешқандай орынға таласа алмадық, кубоктардан да ұшып кеткенімізді жақсы білесіздер. Осылайша жұрттың ставкаларын шығармауды өзімізге мақсат қылдық. Бұл мақсатымызға жеттік деп толыққанды айта аламын. Бұл істен ләззат ала бастадық. Тіпті әдемі ұтылу үшін арнайы тактикалар жасап дайындалушы едік. Ойыннан кейін біздің шешіну бөлмемізді көрсеңіз ғой! Футболшылар "қаншама ставканы шығармай тастадық" деп мәз-мейрам болады. Кей матчтарда 2-0,3-0 алда келе жатып, соңғы минуттарда әдейі гол жіберіп жеңіліп қалатынбыз. Әрине мұндай сериялық ұтылыстардан кейін бізге бәс тігушілер саны азайып кететін. Сол кезде біз бірден 2-3 матч бойы жеңе бастайтынбыз. Ырымбегіміз сол кезде экспресстеріне бізді тағы да қосып қоятын. Ал келіп жеңіл сол кезде (Күледі). Әлемде қаншама басқа лига бар, қаншама ойын бар? Бірақ Ырымбек мырза бізге қайта-қайта қоя беретін. Жалғыз ол емес, әлемде мыңдаған осындай мазохист бар. Жігіттер, болды енді қоймаңдаршы «Интерге».

Элеонора Көшімханова
«Ганюшкин ақшамы» газетінің Римдегі меншікті тілшісі