Ақпараттық қауіпсіздік: «Сodeo Team» көзімен
Сәлем, достар! «Ақпараттық қауіпсіздік» тақырыбына тағы да онлайн-сабақтар легін жалғастыруды жөн көрдім. Бұл жолғы скринкасттарымның ерекшелігі – оған өзімнен бөлек қонақтардың қатысуы. Яғни «скринсұхбат» деуге болатын шығар. Скринсұхбатқа қонақ ретінде Codeo.kz cайтында IT-салаға қатысты тұрақты түрде танымдық посттар жазып жүрген энтузиаст жігіттер, достарым, IT-мамандар – Нұржол Табиғат, Садық Шерімбек, Абылай Әділханов, Ерлан Қамыров және Райымбек Егембердіні шақыруды жөн көрдім.
Ендеше кеттік, скринсұхбаттарды тыңдайық/қарайық!
Бұл скринсұхбатта Нұржол Табиғат Ақпараттық қауіпсіздік шараларын ұйымдастыру және оның құрылымына шолу жасап өтеді.
Скринсұхбатымыздың бұл бөлігінде Садық Шерімбек қарапайым қолданушыларды жеке ақпараттарды сақтаудың жолдары, жеке құпия сөздер мен әлеуметтік желі аккаунттарын қорғаудың басты қағидаларынан құлағдар етеді.
Абылай Әділхановпен болған бұл скринсұхбатымыз қазіргі интернетте болып жатқан әрқилы байқаулар мен дауыс беру жүйелеріндегі қателіктердің алдын-алу шаралары практикалық тұрғыдан өрбиді.
Бұл бөлімде Ерлан Қамыров Linux амалдық жүйелерінің ақпараттық қауіпсіздік потенциалдары, серверлік жүйелердің үлестері мен артықшылықтары бойынша сөз қозғайтын болады.
Райымбек Егембердиев өзінің сұхбатында қазіргі таңдағы веб-сайттардың басты қатері болып саналатын DDOS шабуыл туралы және одан қорғанудың технологиялық шешімдері жөнін сөз етеді.Codeo Team жігіттерімен бірге жұмыс жасау ұнап қалды. Құрамға қосылам-ау деймін :) Осы скринсұхбат форматын бөлек командалық жоба қылып алып кету ойымызда бар. Сәттілік тілеп қойыңыздар!
Коллаждарды әзірлеген Садық Шерімбек және Абылай Әділханов
скрин-сұхбаттың аудио-сұхбаттан айырмашлығы не? :)
мен басқаша ақпараттық қауіпсіздікті білмейді екем )).
қайсы Ақпараттық қауіпсіздік екенін ашып жібересіз бе? әйтпесе, мен бұл жерде жаңа адаммын, ұқпай отырмын )))
Айталық, ақпараттық қауіпсіздікте сандық технология ең бірінші орында тұруы тиіс. Ақпараттың жасалуы, өңделуі және таратылуы тікелей дижитал технологиямен байланысып тұрса, біз қалайша ақпараттық қауіпсіздікті ақпараттық техникадан бөліп қарауымыз керек және ақпараттық техника радио, телевизия, интернет, газет, кітап деп кете береді, ал ақпарат қауіпсіздігіндегі лидер, ақпарат таратудағы негізгі кілт дижитал технологияны барынша жан-жақты мобильдік және қауіпсіздік жағынан мықты жобалаумен (әлбетте, мықты жобалау деген аты болған соң, оның ішінде қауіпсіздік пункті өзіндік бағытта басқалары сияты жеке жобалануы керек) стратегиямен пайдаланушы тарап мықты саналады.
Мәдениет, құрылыс, спорт, медицина т.с.с. салаларын біріктіретін дүние, ол хомо сапиенске ұқтырыатын ақпарат саласы, оның ішінде оқу-үйрету және актив, пассив ақпарат алмасу процессі, ал осы ақпараттың барлығын тарататын бүгінгі күні лидер — ақпараттық техника. Ақпараттық техника жіктеледі, ол бөлек тақырып, алайда ақпаратты қорғау және оның қауіпсіздігі концепциясы бір-бірінен айырмашылығы жоқ деуге болады, тек жағдай ерекшелігіне байланысты өзіндік инструменталды жабдықтары болады!
Абылай мен Садықтың сұхбатынан айырмашылығы түсінікті сияқты, яғни экраннан процесті көрсетіп отыру. Және видео сабақтар, сайттарға шолуларды да осылай екі адам обсуждать етіп отырып көрсетуге болады.
Ал қалған үшеуі келісемін, теория болғасын аудиосұхбатқа ұқсаңқырап кетті. «Чем уж богаты», обшым.