Көктем келе жатыр...

Блог - kozildirik: Көктем келе жатыр...

… Жаз еді. Жадыраған. Тіршілік иесі жан рақатында. Ертең де, арғы күні де жаз тұра беретін сияқты көрінетін. Әрқашан. Өзгермей. Әрине, арасында күн бұлттайтын. Жаңбыр да жауатын. Ол жаздың жаңбыры болған соң артынан көк шығып, айнала одан сайын құлпыра түсетініне ешкімнің күмәні жоқ еді. Бірақ тарих тегершігі көнсін бе… Қазақтың жазы соңғы ханы –Кенесарының басымен бірге солтүстікке көшіп кетті…
… Күз. Бүрсеңдедік. Етек-жеңді жинадық. Теріскейден соққан жел ықтыра бастады. Қатты бұрқасыны қарсы тұрғандарды жұлып кететін. Киіз үйіміздің етегін тартқылап, түндігін төңкере бастаған соң жер қазып, тастан үй қалап, жатаққа айналдық. Ескі шапан арқамызды ызғардан сақтаса, алыстан жіберілген шен көңілге жылу бергендей ме еді… «Алаш» деп Әлихан сынды күн шыққан кезде артынан табиғат жылып сала берердей көрінген…
… Бірақ артынан қыс келді. Қаһарлы. Айналаны сіресе қымтаған қардан бірдеңе болжау мүмкін емес. Сана кіреукеленген. Қыстың ығымен жүріп, ықпалына берілмесең шыбын жаның тілге келіп, бақұлдасып үлгермейді. Аязға қарсы тұрып, боранымен алысқандар, алысқысы келгендер табылды. Бірақ олардың қайда кеткенін көпшілік түсінбей қалды. Қар кеткенде бір хабары болмаса…
… Табиғат ғажап. Ғажап шебер. Әлемнің жартысын орап алып, оны ешкім мызғыта алмас деген қытымыр қыстың соңы желтоқсанда басталар деп ешкім ойламаған болар. Жылымық. Ия, қазір жылымық бар. Жылдан жылға көктемнің иісі сезіліп келеді. Бәйшешектеріміз де гүлдеді. Әзірге нәзік, бірақ… Олар біздің бәйшешектеріміз ғой! Қыстың бұрынғы қауқары болмаса да арасында қар аралас жаңбыр жауады. Соңғы қаһары ма, әлде шарасыздықтың көз жасы ма… Ол маңызды емес, бастысы санамыздағы көктемнің ескегіне желкенімізді тоса білейік…

Коллаж жасаған Janasil
Бөлісу:

29 пікір

zholantai
ескегіне желкенімізді
kozildirik
Ескек жел ол))))
Daniar-Alan
блогиадаға ғүӘ?
bizbike
Блогиаданың қатысушылары Блогқұрылтайда анықталған ба? Оған қатыспағандардың мүмкіндігі жоқ па тізімге енуге?
kozildirik
Ілмекке қарасаңш бро)))
zholantai
Блогиадаға арналған қауымдастық ашылды ма?
Daniar-Alan
жақсы идея ) аш!
zholantai
үйлестіруші өзің, сен аш))
asaubota
керек емес, әркім өзі қалаған қауымдастығына жаза берсін. еркіндік болсын да
тек блогиада ілмегін қолдансаңдар болды
zholantai
ааа, иә, еске түсті
kozildirik
Жазба туралы пікір жазсаңдаршы))) Талдап, талап)))
zholantai
мінсіз жазба ғо, талдайтын дым жоқ
zholantai
Қазақтың жазы соңғы ханы –Кенесарының басымен бірге солтүстікке көшіп кетті…
не айтқың келгенін түсіне алмадым,
kozildirik
Ойлан, тарих оқы))) Былай ақылды бала сияқтысың ғой))))
zholantai
түсінген болдым.
Сана кіреукеленген.
мына сөйлем зорынан кетті
kozildirik
Блогиада сол үшін ғой, жаңа сөзбен лексикон кеңейсін деп)))
Ispek92
Астарын ұғып оқып шықтым, өте жақсы жазылған. Сіздей бәсекелесім барына қуанып отырмын,
Қазақтың жазы соңғы ханы –Кенесарының басымен бірге солтүстікке көшіп кетті…
осы жеріне ЖлЪядым
Janasil
Коллаждың идеясын айтқанда жазбаның сарынын ойша жортып өткен едім. Рас шығыпты. Көктемнен кейін жаздың келуі заңдылық! Жайма шуақ Мәңгі жаздың жақындағанына сенімдімін!
abzalsariyev
мәәәә, көрелмаятырм
Мынандай блогты қалай жазар екенбіз???
Adiletshu
Кенесарының кезінде жаз болған емес. Жазба нашар
FaraOn1
неткен керемет сын)))
zholantai
таңертең тек көз жүгіртіп қарап шыққан едім, мағынасына мән бермей, қазір жұмыс уақытын тәмам етіп, асықпай бастан-аяқ оқып шықтым, жьлядым, әдемі жазба, таңдаулыға қостым,
zholantai
не дерің бар, «Тақтар ойынының» саундтрегі сарнап тұрды құлақта,
bake
Мәңгі көктем болсын! «Жаз, күз, қыс», -демейік болашақ тарихымызда. Табиғатымыз маусымдарын кезегімен ауыстырып, топырағымыз құнарлана берсін!
bake
санамыздағы көктемнің ескегіне желкенімізді тоса білейік
тосайық! -осылай оқыдым.
MERmukhanov
Қазақтың жазы соңғы ханы –Кенесарының басымен бірге солтүстікке көшіп кетті…

ууууххх!