Егер қазақ футболшысы жеңіс голын салса...

Қандай да бір шетелдік клубтармен біздің футбол клубтары өзара ойын ойнаса, немесе ұлттық құрамамыз басқа бір елдің құрамасымен ойнап кез келген қазақ футболшысы жауапты допты қақпаға тоғытса…
Иә, дәл осындай күн туса біздің қазақ тілді БАҚ беттерінде жарияланатын мақалалардың атауы былай болар еді.
Егер Аслан Дарабаев гол соқса…
«Дара туған Дарабаев», «Дархан даланың дара ұлы», «Даңқты Дарабаев», «Дарабаев торды «дар» еткізді»,»Дарабаев далаға теппейді» деп кете берер еді…
Асхат Борантаев.
«Борантаевтың боранды голы», «Борантаев боркемік емес», «Болдырмайтын Борантаев»…
Мақсат Байжанов
«Мақсат біздің мақсатты орындады», «Байқампаз Байжанов», «Бай бол, Байжанов!», «Байжанов біздің бағымыз»…
Тоқтар Жаңғылышбай
«Тоқтарды тоқтату мүмкін емес...», «Тоқтар тепсе торға тебеді», «Жаңылыспайтын Жаңғылышбай», «Жаңғылышбайдың жалғыз голы...»,…
Санат Шалекенов
«Қанатты» Санат», «Сан соқтырған Санат», «Шаба бер Шалекенов!»…
Асхат Тағыберген
«Тағыберген тағы гол соқты», «Тағы мінезді Тағыберген»,…
Азат Нұрғалиев
«Нұрғалиевтің нұрлы голы», «Бұл Азар емес Азат!», «Қазақтың Азаты»…
Қайрат Әшірбеков
«Әшірбеков «Әшко» әперді», «Қайрат қайратын көрсетті», «Қайрақ мінезді Қайрат(мағнасын өздері де түсінбейді)»…
Бақдәулет Қожабаев
«Бағымыз да дәулетіміз де Бақдәулет», «Бағымызға туған Бақдәулет», «Қожабаев қожайынның кім екенін көрсетті»…
Ұлан Қонысбаев
«Қонысбаевтың қуанышы», «Ұланның ұлағаты голы», «Ұлы даланың Ұланы!»
Бауыржан Исламхан
«Бауыржанның бауыр еті сөгілді», «Бабына келген Бауыржан»…
Қуаныш Бегалин
«Бекзада-Бегалин», «Бегалин беталды теппейді», «Бегалиннің бенефисі»…
Жамбыл Көкеев
«Көкеев көкелерін танытты», «Көзімізді ашқан Көкеев»…