Қалалық проза немесе қоқысқа төгілген қан мен тер

Блог - Marco: Қалалық проза немесе қоқысқа төгілген қан мен тер
Ақтөбеде Әбдіжәміл Нұрпейісовтың «Қан мен тер» романына қойылған ескерткіш бар. Кейіпкерлердің образдары мейілінше дәл берілген. Тіпті, шығарманы оқымаған адамның өзі мүсіндерге бір қарап, кімнің-кім, мінезі қандай, арыстан ба, қорқау ма, адам ба, азғын ба екенін шырамыта алатын сияқты. Бір сөзбен, ескерткіш өзіне жүктелген эстетикалық міндетін абыроймен орындап тұр. Ләззат алуға да, қалың ойға шомып, пәлсапа соғуға да (кейбіреулерге пәлсапа соққанның өзі ләззат болуы мүмкін екенін жоққа шығара алмаймын)болады.

«Қан мен тер» — Қазақстанда әдеби шығарма негізінде тұрғызылған алғашқы монумент. Алайда, 2009-жылы Ақтөбеде тағы бір өміршең туынды — Джордж Лукастың «Star Wars»-на ескерткіштер қойыла бастады. Дәлірегі, гексалогияның ең танымал кейіпкерлерінің бірі R2D2-ның мүсіндері пайда болды.

Жып-жылтыр. Күнге шағылысып, жарқ-жұрқ етеді. Қарамау мүмкін емес. Алайда, R2D2-лердің негізгі функциясы эстетикалық ләззат сыйлаудан көрі әлдеқайда қарапайым, әрі қажеттірек болып шықты. Бұл – кәдімгі қоқыс жәшіктері екен (Формасына қарап бөшкі дегің келеді).
Блог - Marco: Қалалық проза немесе қоқысқа төгілген қан мен тер
Олар тот баспайтын хромдалған болаттан жасалған. Әрбіреуінің құны 15 000 теңге. Барлығы 1 000 дана. Демек, қаланы әдемі қоқыс жәшіктерімен қамтамасыз ету үшін 15 000 000 (!) теңге жұмсалды.

Ақтөбелік шенеуніктердің фантазиясына қалай қол соқпаймыз? Қарасаң көздің жауын алатын, әрі бағасы қымбат қоқыс жәшіктері қала тұрғындары мен қонақтарының жауапкершілігін арттырып, тазалық сақтауға деген ықыласын оятуы тиіс-тін. Өкініштісі, бұл ізгі ойдан қандай нәтиже шыққаны белгісіз. R2D2-лердің арқасында қанша қоқыс далаға емес жәшіктерге тасталғаны туралы ақпарат жоқ.

Арада төрт жыл өтті. «Дроидтардың» қаншасы тірі қалғанын ешкім білмейді. Алайда, көпшілігінің орнын жаңа жәшіктер басыпты. Бірақ, бұлардан регресс байқалады. Материалы да нашар, түрі де сүйкімсіз.
Блог - Marco: Қалалық проза немесе қоқысқа төгілген қан мен тер
Қаланың көркін қалыптастырып, ажарын аша түсу үшін түрлі ескерткіштерден көрі тазалықтың маңызы жоғары екені анық. «Қан мен тер» өзіне жүктелген міндетін орындап-ақ тұр-ау, қоқыс жәшіктері ше? Біреуі сынып, біреуі жоғалып, біреуі әдейі бұзылып жатқанына қарап, бұл да әлдекімнің ақша жасау амалына айналғанына күмән қалмайды. Әйтпесе Ақтөбеде ешкімге эстетикалық ләззат сыйламаса да, сонау алпысыншы жылдардан бері (қаланың қазіргі орталық көшелері мен гүлзарлары салынған уақыт) міз бақпастан тұрған тазалық сақшылары бар. Бұлар цементтен құйылған. Ақша жасамақ болған біреулер әдейілеп бұздырмаса, оларды ұрлау да мүмкін емес. Қарапайымдылығы өзіне бек жарасып, елеусіз болса да, өздерінің де, Ақтөбенің де абыройы үшін қызмет етіп тұр.
Блог - Marco: Қалалық проза немесе қоқысқа төгілген қан мен тер
Бөлісу:

20 пікір

torgai
Есіл 15 000 000-ай! Қайда барса да жеген иесіне пайда берсін.
asaubota
бұрын Нокиннің кезінде ме проспектінің шеттерінде түсініксіз, ұзын, ақ шамдар болып ед
Marco
Ол кісінің кесінде бордюр ауыстыру «сән» болып еді. Бір жылы гранит па, әлде гранит түстес бетон ба, бірдеңеден бордюр қоя бастады. Жұрт, «Нокиннің тасы» дейтін.
MickThatsMyNick
Ол кісінің кесінде бордюр ауыстыру «сән» болып еді.
қазір де сол, жаңбырлы мезгілде бордюр ауыстырылып, жолдар төселуде.
Ispek92
Сенейін бе, сенбейін бе??? 15 000 000???
Marco
 Тексер!
Ispek92
aikarakoz
"Әй, жүгермек, қайда жүрсің? Сені іздемеген жерім жоқ! а?" деп мамаң артыңнан шыбық ұстап қуып келетін ба еді?
Janasil
Мұндай ақпараттар үйреншікті жағдайға айналып бара жатқан секілді. оСы секілді ақпараттарды нақты дәлелдермен бір жерге жинастырып тастауға болады е.
bazuka
Әрбіреуінің құны 15 000 теңге. Барлығы 1 000 дана. Демек, қаланы әдемі қоқыс жәшіктерімен қамтамасыз ету үшін 15 000 000 (!) теңге жұмсалды.
кеше мекемеге қоқыс жәшік алмақшы болып бір поставщикке телефон шалғам, бағаларын айтқанда… мдаа дедім)) 15 мың арзаны қайта мына контейнерлердің ішінде). бюджет вариантының өзі 5мыңнан жоғары.
zholantai
қоқыс жәшігін жасауда да адамдардың психологиясын ескеру керек шығар, қоқыс тастағысы келіп тұратындай пішін мен түр-сипат беріп жасаған жөн.
Marco
R2-лердің идеясы сондай болған ғо)
zholantai
қуып кеткен идея екен, негізі қоқыс тастайтын жәшіктің материалы үшін — тас, цемент, гранит «классика» деп ойлайм.
zholantai
тақырып-ауыр
Marco
Қалалық проза немесе қоқысқа төгілген қан мен тер
мынау ма?
MickThatsMyNick
Ауа-райының тұрақсыздығына немесе шөлдеп барып салқын су ішіп қойғанға байланысты қазақтардың көбісінің қақырғыштықтарын ескеріп, арнайы қоқыс орнату керек пе дим, бірінші көрсетілген хромдалған қоқыс ыңғайсыздау сияқты, қақпағы тым үлкен.)
AybekBeken
«Дроидтардың» қаншасы тірі қалғанын ешкім білмейді."
Erke
Шатаспасам осы ескерткіш ашылған соң біреулер осындағы бір мүсіннің қолын ұрлап кеткені бар!