Фанаттар баннері қалай жасалады?



2012 жылғы Еуромаусымда қазақстандық клубтардың ішінде алысқа шапқаны әдеттегідей «Ақтөбе ФК» еді. Соңғы бельгиялық Генкке қарсы матчта Ақтөбе Орталық стадионының «13-сектор» фанаттар бірлігі орналасқан секторында үлкен баннер ашылды. Баннерде Ақтөбе қаласындағы орталық мешіт, Әбілхайыр хан ескерткіші және шаңырақ бейнеленген. Астындағы жазу: «ЕЛ ҮМІТІ КІШІ ЖҮЗ». Бұл сөздер шовинистік мақсатта емес, Кіші жүздің жауынгерлігі қасиеті туралы, Ақтөбенің Еуропада қалған соңғы команда, соңғы үміт екені турасында жазылған.

Ал енді осындай 2 минут қана ашылып тұратын баннердің қалай жасалатынын қарап көрейік.





















Алдымен не салынатыны, не жазылатыны ойластырылады. Кететін қаражат есептеледі. Жиналған ақшаға материалдар алынады: бояу, мата. Мата ательелерге беріліп, бір-біріне қостырылып тігіледі. Баннер суретін салу үшін кең жер табылады, көбінесе ашық далада жасалады. Өйткені жабық жерде бояу иісі жаман әсер етеді және сол жерде қалып қояды. Баннер кептіріледі, сосын жиналады. Стадионға ертерек әкеліп, жігіттер төменгі қатарларға қойып қояды. Футболшылар алаңға шыққан кезде ашылады, шамамен 2 минут тұрады.

Барлық шығын фанаттардың өз қалталарынан шығады. Фанаттар бірлігі тәуелсіз бірлік. Клубпен еш қатыстары жоқ, демеушілері де жоқ. Әр мүше ай сайын шамасы келгенінше ақша лақтырып отырады. Мақсат біреу — команданы жеңіске жеткізу. Сол үшін барлық қолдауды жасау, өзіңді жеңістің бір бөлшегі сезіну.

Нәтижесінде мынандай баннерлер шығады:

























Бөлісу:

24 пікір

Aya
«Ел үміті кіші жүз» деген баннерлер күшті екен, ұнап қалД
torgai
Демек Батыс өңірдің барлық командасына ортақ баннер болды ғой «Ел үміті- Кіші жүз» деген.
bizbike
ерінбей жасағандарын айтсайшы
asaubota
бір жылдары бір баннердің шығыны 60-70 мыңға шықты. сонда бар болғаны 2 минутқа да жетпейтін уақыт ұстап тұрасың. бірақ кайфы қандай!
Erlan
ма мна баннерді печать беріп шыгарган болар деп отырмын, 150-200 мын аралығы кетті ғой деп ішімнен көзбен олшеп))
konvict
Ойын біткен соң баннерді не істейді?
asaubota
екінші рет қолданылмайды бір ашылғаннан кейін. қоқысқа кетеді.
konvict
Қоқысқа тастағанша клубқа өткізсе қайтеді? Қанша дегенмен еңбек қой. Қимай тұрмын қоқысқа. Мысалы соларды жинап, архив жасаса?
asaubota
қайда қояды оны? көп орын алады. кейде жігіттер үйлеріне керек материал ретінде де алып кетеді, бірдемелерді жабуға жақсы.
User
қасқа, сендерде Таразда Ордабасыда ондайды көрмеген шығарсыңдар.
bake
қызығып кеттім, мачтар бейнебаянын қай жерден көруге болады? (жергілікті «Восток» ойынына қашан барғанымды есіме түсіре алмай отырғаным)
MickThatsMyNick
қазақша баннерлер көп болғай
Aidakonya
қандай еңбек десейші, керемет, жанкүйер болса осындай болсын
torgai
Қазақстан-Германия матчының алдында атқа мінген көшпендінің суреті салынған мына баннер өте ұнады. Жарады жанкүйерлер. Әттең...
asaubota
Ақтөбе — Тобыл матчында 9-мамырға арналған баннері

torgai
Кім жеңді?
asaubota
әрине Ақтөбе, 1:0
torgai
Тобылым біткен екен ғой)))
asaubota
әзірше соңғы орында келе жатыр
dark_nazgul
неге екі минут қана?
asaubota
одан артық ұстап тұрудың мәні жоқ. және астында адамдар болады. бірақ, кей баннерлер болады 90 минут жайылып тұратын, адам жоқ жерге қойылады.
zholantai
керемет,
Баннерде Ақтөбе қаласындағы орталық мешіт, Әбілхайыр хан ескерткіші және шаңырақ бейнеленген.
мына баннердің өлшемі қандай?
asaubota
соңғы баннер 14х17 болған, анау да сол шама болуы керек