Кофені ішер алдында ойлан...

Әрқайсымыз таңғы астан нәр, кешкі астан сергектік алғымыз келеді. Басымызға төнген проблемалардан құтылатын жол іздейміз. Шаршағанымызды 1 кесе қою шәй немесе кофе ішіп басып аламыз. Кофейн сусыны шынымен бізге күш-қуат беретіндей. Шынымен, бұл біздің ағзамызға қалайша лезде леп береді?

Кофеин ішімдік сынды қуаты мол сусын. Кофенің құрамында шәй жапырақтары ( 4% пайызға дейін), кофе тұқымдары ( 2% п.д), жаңғақ сығындысы ( 6% п.д), какао ( 4% п.д) бар. Көріп отырғанымыздай бұлар кеңінен танымал табиғи дақылдар. Олар медициналық мақсатта синтетикалық жолдармен алынып пайдаланылады.

Медицинада кофеин «классикалық психомоторлы стимулятор» болып есептеледі. Яғни, оның құрамындағы заттар жүйке жүйесіне әсер етіп, психикалық белсендікті басып, ұйқыны қашырады. Әдетте спортшыларға кофеиннің физикалық күш бермей, керісінше күш-қуатты төмендететін айта кеткен жөн.

Кофеин-жүйке жасушаларының қызметін ретке келтіреді. Яғни, қызуқандылық пен ашуды уақытша баса алады.

Біздің ғасырға дейін психикалық ауытқуы бар науқастар кофеинді көп мөлшерде ішіп келген. Орталық жүйке жүйесіне әсері мол болғандықтан болар науқастар осындай амалдармен емделген.

Кофе-қан қысымы төмен адамдарға да жақсы ем. Ол әлсіреген адамға қуат беріп, еңбекке белсенділікті арттырады.

Кофеинге жүргізілген кешенді зерттеудің нәтижесі оның зиянды жақтарын да дәлелдеп беріп отыр. Ол белсенділікті күшейткенімен, әлбетте жүректің қызметіне кері әсер береді.

Адамның ауыр демалып, жиі алқынуы салдарынан қандағы қант мөлшері төмендейді. Қан құрамындағы май қышқылдарының көбейіп кетуіне себепші.

Кофені ішуді дереу доғартқан кезде шапшаң ойлану процесі әлсіреп, өзіңді өзің басқару қасиеттерден ада қаласың. Нәтижесінде ұйқы бездері ісініп, көз іле алмайтын жағдайға душар боласың. Өзіңе деген сенімсіздік пайда болады.

Сондықтан кофені еңбекке ынталандырушы құрал ретінде күнделікті ішуді әдетке айналдырмаған дұрыс. Қысқасы таңғы ас кезінде жарты кеседен ішкен жөн. Тамақ ішер алдында 1 сағат ерте ішу қажет. Тамақпен араластыруға болмайды. Осылай ішу жүйке жүйелеріңнің оған тәуелді болмауына кепіл болады.

Дүниежүзінде кофеин сынды сусындарға тез бейімделетін адамдар артып келеді. Бұл жақсы көрсеткіш емес. Ал, тәуелділіктен арылып жатқандар тіпті жоқтың қасы.

Кофеин сынды өткір сусындардың кең таралған түрі-күнделікті шөлімізді қандырып жүрген шәй. Осыдан 5 мың жыл бұрын мерекелік шараларға ұзақ уақыт дайындық барысында Көне Қытай діндарлары жас шәй жапырақтарын ұйқыны қашыру үшін пайдаланған. Кейіннен бұл мәдениеттің бір көрінісі ретінде қалыптасып, Қытайдан Жапония мен Корея, Индонезияға тарап кеткен. Бүгінде әлем халықтары қолданатын шәйдің 2 түрі бар. Бірі Қытайдың «ча» деген өсімдігі болса, екіншісі үнділік «цейлон» шәйі.
Бұрынғы Арулар сайтынан