Еркектер қандай әйелдерді ұнатады?

Сонымен, еркектерге ұнайтын әйелдің жиынтық бейнесі қандай екен?

Шашы

ИӘ: еркектер талғамының биік шыңында иықтан сәл төмен түсетін, әдемі, жұпар аңқыған, сәл толқынды бұйрасы бар шаш тұрады екен. Шаштың түсіне қойылатын талап бір жерден шықпайды, алайда, шаштың түсі шаштаразда боялған емес, табиғи болғаны абзал. Шаш қою үлгілері арасында каре мен жинақы кешке лайық шаш үлгілері басым тұр. ЗЫ: қазақтар шолпы байланған қос өрім деп қосып қоюына болады.
ЖОҚ: өсіп кеткен шаш түптері, «сұмдық көрінетін мелирование» (не сары емес, не қара емес, түсінксіз бірдеме"), пісуі өтіп кеткен кәдіге ұқсайтын немесе Диснейдің мультигіндегі су перісінің қызының қызыл шашы сияқты сұмдық түстер. Ерлер қауымының ойынша, ер бала сияқты тым қысқа қидырған шаш тек өте нәзік, көзі бақырайған жұқа қыздарға ғана жарасады екен, қалғандары классиканы таңдағаны дұрыс. Ал биік «бабетта» тектес шаш үлгісі мен сол сияқты "қасқан" прическалар еркектердің есіне кеңес дәуіріндегі дүкен сатушыларын, ал кем дегенде әжелерінің жас кезіндегі фотосуреттерін түсіреді екен.

Макияж

ИӘ: табиғилық және жүз қайтара табиғилық (оның астарында қанша тонна косметика жатқанын өзіміз ғана білеміз ғой). Тым ашық түсті ерін далабын күнделікті емес, анда-санда ғана қолданған жөн.

ЖОҚ: жалғанған кірпіктер (әсіресе жылтырақтар, тастар жабыстырылған болса), айғайлап тұрған «ніл бояулар», тым әппақ опа, және, бір таңқаларлығы, ерінге арналған жылтырақ далап ("қазір бір шыбын келіп қонып, жабысып қалатын сияқты" немесе көбінесе «ерінге сүйкімсіз тиеді» дейді екен еркектер). Және олардың ең жақтырмайтыны: «солярийден жаңа шыққандай, тері түстес ерні бар шашы әбден күйіп кеткен пергидроль гриль қыздар, әсіресе ерніне силикон толтырылған, ал кірпіктері іртік-іртік жарты тонна тушьты әрең көтеріп тұрған бикештер» екен.

Маникюр

ИӘ: күтілген, табиғи түріндегі тырнақтар, қою түсті лак жағуға болады (тек сурет салдырмай) және ұзындығы орташа болуы тиіс. Педикюр: тіптен керек, әсіресе қасықтай кішкентай аяқ пен сүйкімді туфлимен үйлесіп тұрса.

ЖОҚ: дәәәу қылып қолдан өсірілген үшкір тырнақтар, тырнақ маңындағы қатып қалған тері мен фрэнч маникюр ("әдемі сияқты, бірақ бәрібір бір түрлі").

Киім

ИӘ: әйел мүсінін айшықтап тұратын және кешке киетін көйлектер, ресми стиль (шалбармен де, юбкамен де), фигураға тура тұратын джинсы шалбар. Жалпы, бастысы киімнің бәрі бір-бірімен үйлесіп, жарасып тұрғаны. Етегі жырық көйлек киіп алған еркекшора қыз бен жүн-жүн құлаққап тағып, қысқа күртеден кіндігі көрініп тұрған вамп-қатынның бір-бірінен еш айырмашылығы жоқ. Екеуі де күлкілі көрінеді.

ЖОҚ: ауа райына лайық емес киім: аязды күні қарны жалтырап жүрген қыздар мен көктемнің шуақты күнінде тонға оранып алған бикештер бірдей жағымсыз көрінеді. Сондай-ақ, еркектер бридж сымдарға, стринг лыпаның рәзеңкесі көрініп тұрған мықыннан төмен шалбарларға, әйелдің мүсініне лайық емес қысқа юбкаға, «жетім қыздың» стиліне, суреті бар колготкиге («тыртық сияқты көрінеді»), жүні сыртына қаратып тігілген қысқа жең күртелерге («гномдарға ұқсайды»), афгани стиліндегі шалбарларға («астынан памперс киіп алған сияқты»), жазуы бар майкаларға ("үйде ғана киген орынды") қырын қарайды екен.

Аяқ киім

ИӘ: ашық босоножкалар, орташа биік өкшесі бар туфли, биік қонышты етік — жалпы, бәрі баяғыдай.

ЖОҚ: UGG етіктері («орманға серуенге барғанда болмаса»), кеды, «казаки» және үлкен, ебедейсіз бәтіңке, платформа табанды аяқ киім («аяғы қисайып, құлап қалатын сияқты»), балетка және мокасиндер.

Аксессуар

ИӘ: сәнді салпыншақты алқа мен білезік, классикалық стильдегі сумка, шағын сырға мен сақина ("қолдары күтімді әрі әдемі болса").
ЖОҚ: дәу, ауыр сырға («салбырап тұрған сырғалық сұмдық көрінеді»), жарты бетті жауып тұратын көзәйнек, бірнеше қабат қылып оралған тоқыма бөкебай ("әсіресе жалаңбас болса және қарны жалтырап тұрса"), тым үлкен қоржын дорба немесе кішкентай түк симайтын сумочка, қос-қостан тағылған алтын әшекейлер («совдеп дүкендеріндегі сатушыларға ұқсап кетеді»).

Мүсіні

ИӘ: әдемі, құлын мүшесі көзге ұрып тұрған, шамалы спортшыға ұқсас болса. Әйелдің салмағы емес, бастысы форма мен пропорция.

ЖОҚ: салбырап кеткен сары қарын (бөксесі бұлтиып тұрғанға базар жоқ), жиырылып қалған сан еттері. Бұдан қорқыныштысы тек сүйегіне терісі ілініп, көзі бозарып, беті көгеріп тұрған қыз ғана (ондай қызды тамаққа тойдырып, өзін ғана жатқызып ұйықтатып қойғысы келеді екен еркектер).

Солай да, солай, қарағым. Қанша тыраштансақ та, бұл ерлер қауымының талғамынан шыға аламыз ба, жоқ па, өзі?
Алып-қосарларыңыз бар ма?

мына жерден ықшамдалып қотарылып алынды