Егер сiздi бiреу сүйсе..

Егер сiздi бiреу сүйсе… Егер қатты сүйсе… Егер сiзде оны сүйетiн болсаңыз… Махаббат сезiмiңiздi алаулатып ұстауыңыз үшiн сiзге бiздiң бірнеше кеңесiмiз бар. Бұл оны сынақтан өткізуге кең мүмкіндік.

Егер күрсiнсе не болғанын сұраңыз, тіл қатпаса да қоймай-қоймай қайта-қайта сұраңыз. Жауап бермесе ренжiп қалыңыз…

Оның болмас қателерiн оған таудай етiп көрсетiңiз, үш күн бойы одан басқа қозғайтын тақырып болмасын, әңгіме өзегі тек қана сол оның жіберген қателіктері болсын. Бұл ренішіңізді бүкiл достарыңызға жеткiзiңiз, олармен бетпе-бет көрiспесеңiз де телефон соғып айтыңыз.

Кикілжің болған сайын осыдан бірнеше жылғы ұрысты қолыңыздан келгенше қайтадан есіне түсiрiңiз. Оның жіберген қателігін есiңiзге түсiре алмасаңыз өзiнен ебін тауып сұраңыз, ол сасқанынан өз қатесiн айтып қалса, онда дереу оны кiнәлаңыз.

Үйге келгенде оны көз тартар іш киіммен күтiп алыңыз.

Жұмыс бабымен жолға шығар кезде оған жағымды сыйлық дайындаңыз.

Күнде кешке мобил телефонындағы нөмірлер тiзiмiн тексерiңiз. Қайта-қайта бейтаныс нөмердi сұрай берiңiз, қалай болғанда да айтқандарына қанағаттанбай сол номерге телефон соғыңыз. Трубканың арғы жағындағы кiсiге кiм екендiгiн және сүйiктiңiздi қайдан танитынын сұраңыз. Бастығы болса да.

Жұмыс орнына жиi-жиi барып тұрыңыз, сосын сол жердегiлерге ол жайында әңгiмелер айтыңыз. Бiрақ не болса да, егер ол ауырып қалса, жоғарыдағыларды iстеудi уақытша қоя тұрып бiраз оған көңiл бөлiңiз.

Оны бірмезгіл өзгелерден қызғанып тұрыңыз, оған бұл әрекет ұнап қалса қызғануды қойыңыз…

Шашыңызды оның ұнататын түрiнен басқаша етiп қысқартыңыз…

Егер бүкiл берген кеңесiмiздi жасаудан сіз жалықпай, егер ол да сізге ынтазарлығын доғарта алмаса не iстейсiз? Қалай iстейсiз бiлмеймiз оған тұрмысқа шығыңыз.

Егер тұрмысты болсаңыз сiзден өтiнiш жоғарыдағыларды iстеудi қойыңыз.

Бұрынғы Арулар сайтынан