Лұқман хакімнің ұлына айтқан өсиеті

Аллаһ Тағала Құран Кәрімде Лұқман хакімнің ұлына айтқан өсиетін келтіреді:
«Сол уақытта Лұқман өз ұлына үгіт бере отырып: „Әй ұлым! Аллаһқа серік қоспа! Күдіксіз серік қосу — орасан зор зұлымдық“ деді»(Луқман сүресі, 13-аят).
Лұқман хакім ұлына ең әуелі жамандықтың ең ауыр түрінен сақ болуын өсиет етті! Бұл — Аллаһқа серік қосу. Яғни, сені жоқтан бар етіп жаратқан, саған рызық берген, өміріңнің әрбір сәті Оған байланысты, бұ дүниең мен о дүниең Оған байланысты болған Аллаһ Тағалаға біреуді теңеу. Құдайдан қорыққандай Аллаһтан өзге біреуден қорқу, Аллаһтан өзге біреуге тәуекел ету, Құдайға үміт еткендей Аллаһтан өзге біреуден үміт ету, Құдайды жақсы көргендей Аллаһтан өзге біреуді жақсы көру — ширкке жатады.
Құран оқу, Аллаһты еске алу, жақсылыққа шақырып, жамандықтан қайтару — мұның барлығын тек Аллаһ үшін істеу керек. Басқа біреу көрсін деп емес, адамдар мақтасын деп емес.
Намаз оқу, ораза ұстау, қажылық жасау — бұлар да тек қана Аллаһ үшін істелу керек. Егер бұлардың біреусі пайғамбарға, періштеге, жұлдызға, күнге, талға арналса — ширк болғаны.
Зекет беру, садақа беру де тек Аллаһ үшін ғана арналу қажет. Алладан басқаға арналса — ширк болып кетеді.
Сондықтан Аллаһ Тағала былай деген: «Расында, Аллаһ Өзіне серік қосқанды кешірмейді де, одан (ширктен) кішісін қалағанына кешіреді» (Ниса сүресі, 48-аят). Аллаһ серік қосқанды кешірмейтінін білген Лұқман хакім ең алдымен ұлына Аллаһқа серік қоспа деп өсиет қылып жатыр.
Не себепті Лұқман хакім басқа күнәларды айтпастан бұрын ең бірінші ширк жасама деп сақтандырып жатыр? Өйткені, Аллаһқа серік қосу — адамның өмір бойы жасаған жақсы амалдарының бәрін жоққа шығарып, күлге айналдырады. Істеген ізгі істеріңнің ешқандай пайдасы болмай қалады. Кісі өмір бойы еңбектеніп намаз оқыған еді, кейіннен Аллаһқа серік қосты да намаздың бүкіл сауабынан айрылып қор болып қалды. Қандай қауіпті нәрсе?!
Бөлісу:

16 пікір

asaubota
мұндай нәрселерді қарапайым мысалдармен түсіндірмесең былай түсіну қиын сияқты. әдеттегідей негатив діни мақала болып қала бермек.

діни педагогика дамымай біздің халықтың діни сауаты да дамымайды.
satibaldi
Мәзһабыңды білмедік қой ақыры?
konvict
Бұл сұраққа жауап бермейді бәрібір. Бірақ бізге Ұлан, Дарын, Ибрахимнің уағызымен ауызданған екені белгілі. тазабековсссстың
meirzhan
Бұл кісі сен атаған кісілерге емес, Сауд Арабиясы ғалымдарына бір-ақ сілтейді екен. Сілтісі мықты
konvict
Енді дәлелмен сөйлеу керек қой. Ханафи да адам, шатысуы мүмкін. Бірақ Ибн Баз, Ибн Таймия шатыспайды
Janasil
Бірақ Ибн Баз, Ибн Таймия шатыспайды
Бұлар кімдер? Адам қатарына жатпайтындар ма?
konvict
Оған жауапты Ахи бауырым берсін
satvaldo
аткөздіктерін қоймай дым өзгермейді. ибн баз, ибн таймия альбанидің жиі сілтеме жасайтын ауторларынан. бұлар альбаниттер ғой, соның кітаптарының аудармаларымен сусындайды…
Albasty
Екі админ қатарынан пікір білдіріпсіңдер, бірақ діни нәрселерді жазуға болмайды емес пе
meirzhan
Ережені дұрыс оқымаған сияқтысың. "Қолданушыларға" деген тұсқа көз салсаң.
Albasty
Менің түсінуімше діни бөлінушілік болмасын дейді ғой. Болмаса айтыс тартыс басталады, уже діндәрлар пәтуәсі басталып кетіпті
araika
Түсіну үшін бірнеше мәрте қайталап шығуды мектептегі мұғалім үйреткен еді. Бірақ, қазір басқаша түсініспеушілік.
Құдайды жақсы көргендей Аллаһтан өзге біреуді жақсы көру
Мұндағы өзге біреу кім? немесе болуы мүмкін
Ahi
Аллаһтан басқа бәрі! Анаң болсын, ғашығың болсын және т.б.
Abilakim
Бір мұғалім«Осы тақырыпты сегіз жыл балаларға түсіндіріп жүріп, тоғызыншы жылы өзім әрең түсіндім»деген екен
Пікір өшірілді