"Орыс қаруы" мен етек алған жүрек-қан тамыр аурулары

Өзін жәй ғана «оқырман» деп таныстырған біреу поштама зымырандар туралы хат жіберіпТ. Оның ойынша, орыстардың қарулары мықты екен де, мен кей тұстарда нақақтан кемсітіп, кәсіби әскери болмағасын, аузыма келгенін оттап жүр екем, нақтың. Аргумент ретінде орыс қаруының тағы бір «кереметі» — «Лайнер» құрлықаралық зымыраны туралы материал жіберіпТ.
Шынымен, керемет зымыран екен. Екі сынақта да мүдірмей өтіпті: Баренц теңізіндегі субмаринадан Қиыр Шығыстағы Кура полигонындағы нысананы атып, дәл тиіпті-міс. «Весь мир в ужасе от новых русских ракет!» деген сықылды көтритоизмнің қотырын қаситын тақырыптар көп екен. Оларға мыңдаған орыс шовинистері «Енді америкостардың әкесін танытамыз!», «орыс инженериясы әлі талай биіктерді бағындырад!» деген каменттер және жазыпты. Шешесстер.
Бірақ қаззақтар өздері «космостық державамыз!» деп айтып алып, өздері сенбейтіні сияқты, орыс ақпарат көздерінде де түймедейді түйедей қылып жазу/көрсету баяғыдан қалыптасқан. Танитының жалғыз орыс тілі болса, әлемнің басқа халықтары зымыран жасаудан баз кешіп кетті ойлау — әбестік болар еді. Ең болмаса, ағылшынша «Liner+missle» деп теріп көрсеңіз екен. Менің де ағылшыным шамалы, бірақ, Ченнайда адасып кетсем — balzaminka -ның корпусын тауып баратын ағылшыншам бар. Оның үстіне, Google Translate қызметін пайдаланып, орыстың кез келген бөспе мақаласына қарсы пікірлер мен аргументтерді аударып алып, оқуға болады. Айталық, осы «Лайнер» туралы.
Мысалы, көптеген Батыс әскерилері бұл зымыранды көне «Синева» зымыранына — жұқартып айтқанда — қатты ұқсатып отыр. Қалыңдатып айтсақ — зымыранның жаңа екені — өтірік деген сөз. Жалпы, Батыс орыстарды «зымыран жасауда шайтан қағып кеткен халық» деп есептейді. Мәшиненің жолы қираватқан, елдің жартысы жүрек-қан тамырлары ауруларынан Аид амигоға аттанатын ел неге бір сәт жәй адами бақыт туралы неге ойламайды екен дейді. «Ал шешесс, ертең орыстар 200 ядролық блокқа бөлініп ұшатын қару шығарсын-ақ. Сосын оны не істейді?» деп сұрайды мамандар. Жер бетіндегі қолда бар ядролық қарудың өзі — оған ие мемлекеттер арасындағы соғыс болуы мүмкіндігін бәрібір жоқ қылып жіберген жоқ па?
Ал бір сарапшылар бұл кезекті «керемет зымыраннан» — жәй ғана әскерилердің тиын істеп жүргенін шырамытып отыр. Біреулер орыстар өздерін алдауырсыту үшін, арасында осындай "ғаламаттар" шығарып қояды дейді.
Былай қарасаң да, зымыран жасаудың басты әдістері — 70 жылдарға дейін қалыптасып кеткен. Ол салада керек екі-ақ нәрсе, олар — зымыранның жану камерасындағы температураға төтеп бере алатын материал және отын. Ендеше, зымыран жасау — тіпті де ғылымның жетістігі болуы мүмкін емес. Орыстар сондай тұстарын жасырып, Интернет арқылы бөсуді жақсы меңгерген. Оны оқыған қаззақ түктібайымайдтар «ай орыстар жасағыш!» дейді. Бірақ қызық жері сол: ондай зымыраны жоқ Перу де бақытты, Исландия да бақытты. Сондықтан, басқа салаларды құрбандыққа шалып, әбден алжып барып жасаған зымыранның көк тиын пайдасы жоқ.
Шешесстің.