Ауылдағы төбелес түрлері

Бала төбелесі. Бұны жоғарғы класс оқушылары ұйымдастырады. Сабақ соңында өз бетімен қайтып бара жатқан екі баланы ұстап алады да «Анамен шығасың ба?» дейді. Олар «шығам» дейді.Осылай себепсіз төбелестіре салады.Себепсіз төбелесе саласың.
Әтеш төбелес.Әтешті (қоразды) басқа әтештермен төбелестіру жеңімпаз әтеш бірнеше жұмыртқа немесе бір тауық ұтуы мүмкін. Бұл жағдай үлкендер тарапынан ойналса арақ, ақша да тігіледі бәске.
«Ит төбелес. Күшік төбелесті әдейі ұйымдастырғанымызбен ит төбелес аяқ асты болады. Үй маңынан өтіп бара жатқан аттылының итіні үйіңдегі 4-5 итіңді айтақтатып қосып, соңын төбелеске ұластыру. Кейде бұл жағдай сенің итіңмен де ұшырасады. Сенің итіңе біреудің бес иті жабылады.
Құмырсқа төбелестіру. Қызыл құмырсқа мен қара құмырсқаны төбелестіру.Балалардың сүйікті ісі.(Осы тақырыпта Мағауиннің керемет шығармасы бар).
Бөлісу:

25 пікір

asaubota
шықпай қалудың неше түрлі сылтаулары болушы еді.

— ішім аурып тұр
— анау өз үй жағында тұр ғой
— ағасына айтып қояд
— жабылып кетесіңдер
Abilakim
кеңк-кеңк))) үйі жақын)))) «Бауыржан шоуда» осындай әзіл бар еді
Delhi
Ауылга барғанда әтеш төбелесіне қызығатынмын. Ол кезде кішкентаймыз гой, Ойнайық десе, шықпайтынмын, ал әтеш төбелесі болады десе, тамағымды да ішпей кетуші едім))
gunner
Айғырлардың төбелесі де боп тұратын біздің ауылда
Abilakim
Боп тұратыны рас.Ұмытып кеттіппін.Мен кең тараған түрлерін жаздым.Әйтпесе «бұқа сүзіс» деп соза беруге болады
sammita
Қыздар төбелесінің де «еш сөлекеттілігі» © болмаған:)
gunner
Шығам десең, ал қарсылас шықпайм десе, тағы бір баланы қосып қойып, екеуі жабылса шығасың ба дейтіндер де бар.
alisha
Құласаң — нардан құла!
Nurgisa
Иә, жын ұрды ма аласадан құлап… Нардан құла, барлық жерің сынып, опырылсын.
Abilakim
кеңк-кеңк)))"Ішсең ақ іш" дегендей ғой
alisha
Нұреке, Ерекеңе айтып, мұны да негізсіз мәтелдер қатарына қостырып қойсаңызшы;)
Huan
Әтештің тепкісін қайрақпен қайрап үшкірлеп, айна қойып, әтешті өз -өзімен төбелестіріп, мәз болғандарыңщы, асық пен асықты да, неше турлі каратистердің кипіне ендіріп, төбелестіретінбіз! қына мен бояу, шай мен бояу, сия мен бояу, сыр мен бояу, қоргасын құю, асықтарды одан сайын крутой етітін! доғала — доғала, сүп доғала, калимамыз болатын
patick
Төбелесуден қорықсақ: «Ана баланың аяқкиімі қатты тебеді» дейтін едік:)

Жан-жануарлар айтағына келсек, кесірткелер күшті төбелеседі. Қызыл қырғын болады, хоррорссс
asaubota
«Ана баланың аяқкиімі қатты тебеді» дейтін едік:)


дәл! :)
omarbirat
Бесінші класта «А» класымен төбелеспек болдық. Біздің класта ер балалар — 9, оның ішінде төбелеске жарамды деген 8 ғана. Оларда — 16 бала. Онысымен қоймай, өздеріне «В» класын қосып алған. Олар да — 16-ның ар жақ, бер жағы. Төбелестің жыры бір айдай уақытта созылды. Күнде жиналамыз, оларда міндетті түрде біреуі сабаққа келмей қалады. «Анау келмей қалды, бүгін шықпаймыз» дейді ғой беттері бүлк етпей (өздері — 30 адам!). Ақыр аяғында Жәңгірге сенген Исатайдың кебін кидік.
Бір күні мен сабаққа бармай қалып еді, төбелестері болып кетіпті. Отыз балаға бес-алтау не болсын, таяқпен сабап кеткен ғой. Біздің кластан біреуі "Қазір үйге барып, шегесі бар бәтіңке киіп келем" деп жоқ болып кетіпті (аяқ киім дегенге осы еске түсіп кетті) :)))
Реванш сол күйі болмай қалды. Ертесі күні мен сабаққа барғанда, мұғалімдер бүкіл сексен бірлерді жинап алып, жақсылап тұрып пақанымызды танытты.
Abilakim
Сен астыртын «Б мен В» кластарындағы балалармен келіспеп пе едің))))
А класы аңқау
Сабағына жалқау дегендей әңгімелер болушыы ма еді?!
omarbirat
Жоқ, толпа болып төбелесіп көру менің өзіме қызық боп жүрген. Күнде сумкаға нунчаки салып апарам ол кезде.
omarbirat
Жоқ, толпа болып төбелесіп көру менің өзіме қызық боп жүрген. Күнде сумкаға нунчаки салып апарам ол кезде.
Ондай мазақтаулар болған. Бұрын Дәруішөлгенде ол фольклордың да жілік майын шағып тастап едік :))
ken
мынадай да сылтау бар еді:
«ананың тәпішкесі қатты. жалаң аяқ төбелесеміз» дейсің. көбіне қарсыласың бұл талапқа келіспейді (себебі оның да ішінен төбелескісі келіп тұрған жоқ)))
asaubota
аха :) есіме түсіріп күлкім келіп отыр
Abilakim
Әжем ұрсад деген де сылтаулар болады
alisha
ол кезде қыздар көп төбелесе бермейді ғой, бірақ класс-класс боп бір-бірімізді қуып жүріп, ұрсысатын болдық… Сондай бір ұрыстарды талқылап отырмыз жиналып ап..ішіміздегі біреуі: «ех, етігім сырғанақ боп, тайып жүгіре алмадым, әйтпегенде ұстап алатын ем»,-деп көкіп отыр еді… Сәлден соң жолдың жиігіне сырғанақ тебуден жарыстық, әлгі қыз қалып қоя береді. Сонда айтқаны: «Ой, менің етігім дұрыс сырғанамайды, ертең ескі етігімді киіп келмесем...»
alisha
Біз сияқты куәгер қыздардың «Бәленшиев, ертең сені апайға айтам!» деген сөздерне талай адам алғыс айтқан екен-ау іштей;)))) Қазір біліп отырмын;!
ken
"үстіс кір болады" дейген де бар ед