Терминал арқылы электронды әмиянға ақша салу



Интернет арқылы сауда жасайсыз ба? Зат немесе қызмет сатып аласыз ба? Немесе осындай операцияларды жоспарлап, бірақ қалай істеріңізді білмей жүрсіз бе?

Сізге бір вариант айтайын.

Қазір саны аз болса да Quickpay деген терминал шықты. Іздесеңіз табасыз, біраз жерде бар негізі. Сол терминал арқылы Webmoney, Яндекс.Деньги әмияндарыңызға ақша салуға болады.
Бұрын көп адамдар Webmoney-ға қалай ақша саларларын білмей жүреді. Біз мысалы Букмекер кеңселері сайттарындағы ақшаларымызды Webmoney, Yandex-аударатынбыз. Ал енді терминал арқылы да салу мүмкіндігі пайда болып отыр. Бірақ Webmoney комиссиясы өте көп екен, 150 теңге тұратын 1 доллар үшін 200 теңге кетеді, яғни комиссиясы 50 теңге. Ал Яндекс.Деньги комиссиясы өте аз, Quickpay сайтында 5% делінген, осыған терминал иесінің де өз комиссиясы қосылады ау деймін. Мысалы мен 200 теңге салдым, есебіме 36 рубль түсті. Webmoney-ға қарағанда осы тиімділеу. Егер Webmoney керек болса интернетте айырбас сайттары көп, Яндекстегі ақшаңызды Webmoney-ге оңай аударып ала қоясыз, комиссиясы да аз болады.

Сұрақтарыңыз болса осында жазыңыздар.
Бөлісу:
, , , , , ,

12 пікір

urimtal
осы интернет ақшаларды қолданып көрмеппін. Бір басқосуда болғанымда биылдан бастап, мобильді төлемдер нарқы күш ала бастайды дегенді оқығанмын. Телефондағы единицамен төлем жасау жүйелері еді.
asaubota
мен Webmoney мен Яндекс.Деньги қолданамын. ТМД елдерінде жақсы дамыған бұл жүйелер. ал халықаралық жүйеде Paypal кең тараған, бірақ оны қолданып көрген жоқпын. Казком карточкасы арқылы болады дейді қолдануға. Интернеттен домен, хостинг және сайтқа керекті скрипттер сатып аламын. сол кезде қолданып жүрмін. ал ҚЗ ішінде Казком карточкасымен аламын.
gerakl
мен терминалдан салып көрмеппін. вебманидегі тиын тебенді единиціге құртып жүрм :)
asaubota
webmoney-ді қалай алып жүрсің?
Bekjan
Өткенде бір жігіттер айтып отыр еді, жапонияда ұялы телефондар «кашалек» сияұты қолданылады деп… яғни телефонын толтырып акаша салып аласын болды..қайда барсан телефоннан толеп журе бересін… Бізге бір бес он жылдан кейін сондай мадениет келетін шығар…

Бұл жапондықтар телефоннан айырылмайды ғой, бір жаңалықтардан естіп едім, бір жапон ұялы телефонымен роман жазып шығарыпты деп :)
Nurgisa
Романыңды қайдам, бірақ әлдебіреуі (мүмкін кәріс, дәл есімде емес) осы таяуда айфонымен кино түсіріп болыпты. Бюджеті 130 мың доллар. Негізі дәстүрлі стереотиптер заман ығына тербеліп жаңаша сипат ала беруі заңды шығар.
Ereimen
Бізде де аздап ондай жүйе қолданылып келеді, егер одан қабардар боламын десеңіз мына қауымдастыққа қосылсаңыз болды, алдағы уақытта жазатын боламын.мінек сілтемесі.
urimtal
Малайзияда да солай болатын. Метроға және заправканың төлемін қалтафонмен төлейді. Бір апаратқа апарады, сол қалтафоннан ақшаны сыпырып алады.

Ал мобильді қысқа әңгіме жанры Жапонияда дамығаны рас. Егер Нұрғисада бір айфон болса, Мобильді дастан жазып шығатын шығар деген ойлар келеді кейде :)
asaubota
телефон, SMS арқылы төлеу қымбаттау болады. дұрысы электронды ақшамен төлеу. олардың да қазір мобиль версиялары шықты, қалтафонға приложение қылып жүктеп аласың да солай төлей бересің.
ardakkatarbayev
Қалай болса да, сол электронды ақша тақырыбы осы құрылтайда шешімін тапса екен. Бастапқы уақытта тиімсіз қымбат болса да, телефон бірліктері арқылы болсада оңай қаржылық айырбасы Қазнетке керек-ақ.
urimtal
Иә, тақырып өзекті екені рас. BlogCamp бір мәселенің шешімін табатын орын емес екенін де айтқым келеді. Бар болғаны ниеттес, пікірлес жандардың қосылып, тәжіриебе, ой алмасатын орны болмақ.

Бірақ егер адамдар өз ара осы мәселені талқылағысы келсе, біреуі осы тақырыптың өзектілігі жайлы және оны шешу туралы өзінің ойын ұсынып, презентация жасаса дұрыс. Әйтпесе, әр жерде айтылып қалады да, сол күйі қалып қоймақ.

Ардақ, өзің бас болып, осы тақырыпты қолға алсаң жақсы болар еді. Мүмкін, қалың жұртқа түсінікті болуы үшін Аршат екеуің бірігіп, презентация жасарсыңдар :)
bazuka
интернет банкинг пайдаланам, терминалга барып акша салганнан жаксы. откенде бир жумысыма интернет банкингтен толегем акша, терминалдан салганнан аз кетеди екен комиссия.
Пысы. казахша шрифтпен жазбагам ушин кеширим сураймын, истемей тур