Жақында Қазақстан Республикасы Қоғамдық даму министрлігінің қолдауымен «Азаматтық бастамаларды қолдау орталығы» КЕАҚ-ның мемлекеттік гранты аясында Қарағанды, Орал және Талдықорған қалаларында «Парасат» кеңес беру-әдістемелік орталығы» мекемесінің ұйымдастыруымен Дін мәселелері жөніндегі ақпараттық-түсіндіру тобы (АТТ) мүшелерін даярлау және қайта даярлау республикалық оқыту курсының өткендігінен БАҚ арқылы көпшілік хабардар.

Бүгінгі қоғам үшін АТТ мүшелерін қайта даярлау уақыттың талабы. Себебі бүгінде ақпарат кеңістігінде түрлі материалдардың жариялануы, оның ақ-қарасын ажырату үшін кез-келген азаматтың, әсіресе дін мәселесіне қатысты сауаттылықтың болуы маңызды. Осы ретте ел тұрғындарымен етене жұмыс жасап жатқан АТТ мүшелерінің бірінші кезекте біліктіліктерін жетілдіру өзекті. «Азаматтық бастамаларды қолдау орталығы» КЕАҚ-ның мемлекеттік гранты аясында ұйымдастырылған семинар курсына қатысуға, мәселен үстіміздегі жылдың қазан айының 22-26 күндері Орал қаласында өткен курсқа Маңғыстау, Ақтөбе, Атырау, Батыс Қазақстан облыстарынан 120 АТТ мүшесі, ал қараша айының 5-9 күндері Талдықорған қаласында өткен курсқа Қызылорда, Түркістан, Жамбыл, Талдықорған облыстарынан және Шымкент, Алматы қалаларынан 130 АТТ мүшесі өтініш білдірген. Бес күндік, яғни 40 сағаттық академиалық курс барысында бүгінгі қоғамдағы ең өзекті деген мәселелер көтеріліп, жан-жақты пікір алмасулар болды.

Бір ғана зайырлы қоғамдағы діннің рөлі, исламның құндылықтары, зайырылық мәселелері тақырыбында дәрістер қатысушыларға тың ақпарат берумен қатар, оларға үлкен серпін берді.

Тәжірбиелі маман Индира Беркімбаева басқаратын «Парасат» кеңес беру-әдістемелік орталығы» мекемесінің ұйымдастыруымен өткен курс жұмысы жоғары деңгейде өткізілді. Білікті ғалыммен қатар сала мамандары және Қоғамдық даму министрлігінің Қоғамдық келісім комитетіне қарасты мекеме қызметкерлері дәріс жүргізіп, өз тәжірбиелерімен бөлісті.

Жалпы дін мәселелері жөніндегі ақпараттық-түсіндіру жұмысы – мемлекеттің дін саласындағы саясатының түрлі аспектілері бойынша қоғамдық пікір қалыптастыру мақсатында билік органдарының халықпен жұмыс жүргізу формасының бірі. Сондай-ақ қоғамдағы зайырлылық сана-сезімін нығайту, азаматтар мен қоғамды сыртқы әртүрлі жалған ақпараттан қорғауды қамтамасыз ету және халық санасында еліміздің болашағын зайырлылық қағидаларына негіздеу қажеттілігі.

Бүгінде еліміздің барлық өңірлерінде дін мәселелері жөніндегі ақпараттық-түсіндіру топтары қарқынды жұмыс жасап келеді. Олардың жұмыстары туралы күн сайын әлеуметтік желілер арқылы билік пен бұқара халық хабардар. Дін мәселелері бойынша елімізде 1 республикалық және 250 өңірлік ақпараттық-түсіндіру топтары жұмыс жасайды. Оған шамамын 3,5 мың адам мүше екен. АТТ құрамында дін саласындағы кәсіби мамандар, дінтанушылар, теологтар, дәстүрлі дін өкілдерінен бөлек, жастар ұйымдарының, этно-мәдени бірлестіктердің өкілдері, мәдениет және спорт саласының майталмандары, сондай-ақ халық қалаулылары мен Қазақстан халқы Ассамблеясының мүшелері бар. АТТ жұмысы бір бағытта ғана емес жан-жақты жұмыс жасауға дағдыланған. Дін мәселелері жөніндегі АТТ қызметі конфессияаралық келісімді қамтамасыз етуге, тұрғындардың, соның ішінде жастардың назарын дін саласындағы өзекті мәселелерге аударуға, мемлекеттік-конфессиялық қатынас саласында орын алып отырған мәселелерді шешуге жұмылдыруға, экстремизм мен терроризмнің алдын алуға үлкен септігін тигізіп келеді.

Осы ретте бұрыңғы Дін істері және азаматтық қоғам министрлігі 2017 жылғы ресми мәліметіне сүйенсек қоғамда мемлекеттің дін саласындағы саясатын халықтың 87 пайызы қолдайды деген ақпарат берген болатын. Өткен 2017 жылы қабылданған Дін саласындағы мемлекеттік саясатының 2017-2020 жылдарға арналған тұжырымдамасында Қоғамдық даму министрлігі 2018 жылы халықтың 89 пайызы, ал 2020 жылы халықтың 91 пайызы мемлекеттің дін саласындағы саясатын қолдайды деген межелі көрсеткішке жетуді мақсат қойып отыр.

Республика бойынша әртүрлі форматта ұйымдастырылған іс-шараларда тұрғындардың діни-құқықтық сауаттылық деңгейін арттыру, еліміздің зайырлылығы және құқықтық сипаты туралы, дін саласындағы мемлекеттің саясаты, мемлекеттің дін саласындағы ұстанымдарын, деструктивтік сипаттағы діни ағымдар туралы, олардың қоғамға төндіретін қатері жөнінде жан-жақты ақпарат беріп келеді. Мәселен бір ғана 2017 жылы 23 мыңға жуық іс-шара өткізіліп, олар 2 миллионға жуық адамды қамтыған делінген Қоғамдық даму министрлігінің (бұрыңғы ДІАҚМ) ресми ақпараттарында. Әрине мыңдаған іс-шараларда осы ақпараттық-түсіндіру топ мүшелерінің еңбектері ерекше.
Семинарға мемлекеттік құрылымдардың қызметкерлері, дәстүрлі діндердің өкілдері, дінтанушылар мен теологтар, мектептің «Зайырылық және дінтану негіздері» пәнінің мұғалімдері қатысты.
Семинар барысында конфессияаралық мәселелер, мемлекеттің зайырлылық ұстанымдары, толеранттылық пен азаматтық бірегейлікті қалыптастыру, еліміздегі діни бірлестіктер мен діни теріс ағымдардың қызметтері туралы, діни экстремизм мен терроризмді насихаттайтын идеологиялардың таралуын ауыздықтау, радикалдық діни идеологияны жақтаушылардың, оның ішінде қылмыстық-түзету мекемелерінде жазасын өтеушілердің арасында түсіндіру жұмыстарын жүргізу, оларды қоғамдық орта мен дәстүрлі діннің құндылықтарына қайтару және оңалту, сонымен қатар дәстүрлі діндердің қызметінің мән-мағынасы кеңінен сөз болды.

Ұйымдастырылған семинар жұмысы өңірлік АТТ мүшелеріне үлкен теориялық және тәжірибелік білімін одан әрі жетілдіруге үлкен мүмкіндік болды.

Т.Әбуов,
РАТТ мүшесі, дінтану магистрі

«Парасат» кеңес беру-әдістемелік орталығы» мекемесі Қазақстан Республикасы Қоғамдық даму министрлігінің қолдауымен «Азаматтық бастамаларды қолдау орталығы» КЕАҚ-ның мемлекеттік гранты аясында «Дін мәселелері жөніндегі ақпараттық-түсіндіру тобы мүшелерін даярлау және қайта даярлау жұмыстарын ұйымдастыру» тақырыбындағы жобаны жүзеге асыруда.

2018 жылдың 29 қарашасында Астана қаласында жоба шеңберінде өтіп жатқан ақпараттық-түсіндіру топтарының әртүрлі деңгейдегі мүшелерін даярлау курсының бесінші кезеңі аяқталды.
Аталмыш іс-шараға Астана қаласының және республикалық дін мәселелері жөніндегі ақпараттық-түсіндіру тобы мүшелігіне кіретін әр түрлі сала мамандары, соның ішінде: жалпы білім беретін негізгі мектептердің директорлары мен зайырлылық және дінтану негіздері пәнінің оқытушылары, мемлекеттік қызметкерлер, құқық қорғау органының өкілдері, спортшылар, азаматтық емес ұйымдардың және діни бірлестіктердің өкілдері қатысты.
Семинар Президент әкімшілігі секторының меңгерушісі Шойкин Ғалымның «Қазақстан Республикасының Конфессияаралық саясаты: сын-тегеуіріндері, мәселелері мен шешімдері. Дін мәселелері жөніндегі АТТ тиімділігінің мәселелері: қорытындысы және болашағы» тақырыбындағы сөз сөйлеуімен қорытындыланды.
Курстың соңында қатысушыларға арнайы сертификаттар табысталды, соның ішінде, бірнеше қатысушыға Қазақстан Республикасының Қоғамдық даму министрлігі Қоғамдық келісім комитетінің «Республикалық дін мәселелері жөніндегі ақпараттық-түсіндіру тобының мүшесі» және «Өңірлік дін мәселелері жөніндегі ақпараттық-түсіндіру тобының мүшесі» деген арнайы куәліктері табысталды.

Cәкен Әділбеков — Астанадағы 1000 орын көше саудасы жобасының жетекшісі.
Астанадағы 1000 орын көше саудасы жобасы туралы білесіз бе?! Заңды түрде көше саудасы кәсібімен айналысудың қыр-сыры туралы.

Азаматтық қоғам және мемлекет. Бүгінгі үкіметтік емес ұйымдардың форумы осы тақырып төңірегінде өрбіді. Тағы, Елбасы Жолдауында айтылған әлеуметтік бастамаларды іске асыру аясында тиімді ынтымақтастық құруға баса көңіл бөлінген. Жиында сөз алған ҚР қоғамдық даму министірі Дархан Кәлетаев үкіметтік емес ұйымдар үшін бірқатар жағымды жаңалықтарымен бөлісті.

Дархан Кәлетаев, ҚР қоғамдық даму министірі:
«Астанада азаматтық бастамалар орталығының құрылысы басталды. Әлеуметтік кәсіпкерлікті дамытуға арналған бірқатар жобалар қолға алынып, Қазақстанның барлық облыстарын қамтып әлеуметтік жобалар картасын әзірлейміз».

Қазірдің өзінде Астананы – үкіметтік емес ұйымдардың ордасы деп атауға болады. Себебі, бас қаладағы кез-келген жобаның басы-қасында осындай ұйым мүшелері жүреді. Қоғамдық, әлеуметтік, саяси оқиғалардағы дәл осы үкіметтік емес ұйымдардың рөлі күн санап артып келеді.

Бақыт Сұлтанов:
«Астана әкімдігі мен 30-дан астам үкіметтік емес ұйымдар бірлесіп 464 миллион теңгенің 66 әлеуметтік маңызы бар жобасын жүзеге асырды. Сондықтан бүгінгі форумды ашық диалог алаңына айналдырып, қоғамды дамыту үшін ойлап табылған әр жобаны талқылап, осы саладағы мәселелерді бірлесіп қаузаймыз».

Шаһар басшысы атап кеткен әкімдікпен бірлесіп жұмыс жасайтын 30 үкіметтік емес ұйымның бірі «Дос»Тәуелсіз өмір» орталығы мүгедектер ҚБ. Олар мүмкіндігі шектеулі жандарға қолайлы бірнеше жоба ұсынған.

Қарлығаш Тыныбекова, «Дос»Тәуелсіз өмір» орталығы мүгедектер ҚБ атқарушы директоры:
Арт терапия, бокалотерапия, саз-балшық терапиясы туралы».

Астанада бас-аяғы 2700-ден артық үкіметтік емес ұйымдар бар. Ал, оның білгілі бір бөлігі тіркеліп тұрғанымен жұмыс жасамайды. Ондайларға мораторий беріліп тізімнен алынып тасталатын болды. Өзгелері бүгін бірқатар мәселелері шешіліп қуанып қалды.

Баян Ахметжанова, «Форум НКО Астаны» президенті:
«Көп ұйымдар өздерінң қойған, көп жылдары шайқап жүрген сұрақтарына жауап алып жатыр. Оған өте қуаныштымыз. Ал, енді ойлаймыз осы қаланың ішіндегі өздерінң шешеиідеріне келмей, мүгедек, қарт кісі болсын. Елдегі проблемалары зор азаматтар осындай жиналыстардан кейін пайдасы тиеді. + Бүгінгі жиыннан кейін айтып отыр ғой ковркинг центр сияқты үкіметтік емес ұйымдарға офисный нелер беріледі помещениялар. Сосын өзіміз қатысып жүрген госзаказдар 1 жылдық емес 3 жылдық болады деп жатыр».

Жиын қорытындысында Астана әкімі жастарды шаһар төңірегіндегі мәселерді бірігіп шешуге ат салысуға шақырды. Бұдан бөлек форум аясында әлеуметтік идеялар мен жобалардың үздік авторлары марапатталды. Айта кетейін, осы жылдың 27-28 қарашасында Астанада Елбасының қатысуымен республикалық деңгейдегі азаматтық форум өтеді.

Астана «Жастар жалыны» форумы өтті

Жастар – қоғамның тегеурінді күші. Елдің алға ілгерілеп, дамуы жолында қоғамның осы тобына артылар жүк ауыр. Жасампаздыққа жан құмартқандардың дүниетанымын кеңейтпекке " жастар жалыны" форумы Астанада ұйымдастырылды.
Жастарға ілкімді ой айтып, бағдар беруге жетістікке жеткен 20 арнайы қонақ шақыртылды. Олар өмір өткелдерімен бөлісіп, жиналғанларға шабыт сыйлады. Олардың бірі — Арслан Дамиров. Жоғары оқу орнында білім алудан бас тартқан ол, 17 жасында кәсібін бастап, қалыптасқан таптаурындарды бұзды. 5 жыл ішінде тіл үйрету орталығының ауқымын кеңейтіп, кәсібін Ресейде де дөңгелетуде.
Арслан Дамиров — кәсіпкер
Әр адам Мен кіммін? Өмірге не үшін келдім? деген сауалдарға жауап берсе, жолы айқындалады. Мен сұрақтарға 17 жасымда жауап іздеп, кәсіпкер атандым. Жетістікке жету үшін пікір 1 арнаға тоғысатын жандармен мықты команда құру қажет.
Қиындықты қасқая жеңген Серік Есматов, жастардың қошеметіне бөленіп, үлгі болды. Қос аяғынан айырылған ол үмітін өшірмей, белестерді бағындыруға кірісті. Нәтижесінде, паралимпиада жүлдегері, «Қазақстанның 100 жаңа есімі» жобасының жеңімпазы атанды.
Серік Есматов — паралимпиада жүлдегері, «Қазақстанның 100 жаңа есімі» жобасының жеңімпазы
Қиындыққа мойымау керек. Мен 13 жасымда оқыс оқиғадан 2 аяғымнан бірдей айырылдым. Соған қарамастан, жүректегі қорқынышты жеңіп, өзімді дамыттып. Спортқа ден қойып, волейболмен айналыстым. 1500 кітап оқып, болашағымды жарқын етуге тырыстым. Сіздер де мақсаттарыңызға айқын қадам басыңыздар.
Форумға 1000 жуық жас қатысты. Қажетті ақпараттарға қанық болғандар, алғыстарын қошеметпен жеткізді.
Жастарға ұсынылған тарту мұнымен толастамады. Рухани байығандар, концерттік бағдарлама тамашалап, бір серпілді.

«Астана LRT» – қоғамдық көліктер халықтың уақытын үнемдеуге қауқарлы.
«Astana Aspany» бағдарламасының алғашқы қонағы «Астана LRT» ЖШС-ның төлем жүйелері департаментінің директоры Дәурен Нұралиев болды. Еліміздің бас шаһарын «ақылды қалаға» айналдырар, жергілікті биліктің негізгі жобаларының бірі, соңғы бірнеше жылда біраз жаңалықтарды енгізіп үлгерді. Ондағы мақсат: қала тұрғындарын уақытын, шығынын ыңғайлы жолмен үнемдеуге септігін тигізу. Бағдарлама барысында Дәурен Нұралиев мырза, жүргізушінің сан түрлі сұрақтарына жауап беріп, халыққа пайдалы ақпараттармен бөліседі.

Жастардың жұлдызын жағатын байқау

Астанада тұңғыш рет «Жаңа белес» байқауы өтті. Өнерлілер додасына бас қаланың 35 арнайы орта білім беретін оқу орындарының студенттері қатысты. Жалынды жастар тыңғылықты дайындалып, үздік танылуға ынтықты. Шеберліктерін шыңдап, жанкүйерлердің ықыласына бөленді.

Жеңіске жетіп, талантын танытуға мыңнан астам студент ниет білдірген. Олар ән, би, мәнерлеп оқу, сиқыр, кім ақылды аталымдары бойынша бақ сынауда. Үміткерлер сапында ауқымды байқау жеңімпаздары мен сахнаға алғаш рет шығатындары да бар.

Үміткерлердің шабытын шалқытуға жанкүйерлер ерекше ынтызарлық танытты. Жасампаздыққа ұмтылып, арнайы киім киіп, ұрандарын айтып, ерекшеленуге тырысты. Өйткені, байқау аясында үздік жанкүйерлер де анықталады.

Жастарға қолдау көрсетуге эстрада жұлдыздары келіп, әннен әуелетті. Айта кетейік, жарыс 6 күнге созылады. Жүзден жүйрік шыққандарға қаржылай сый табысталады.

Мәдениеттің ең жоғары сатысы болып саналатын, опера өнерінің алтын ордасы «Астана Опера» ғимаратын, тек сыртынан тамашалап жүрген болсаңыз, бұл дәл сізге арналған шығарылым!)
«Астананы ЖағаLike» жобасының бұл бөлімі керемет ғимарат «Астана Опера»-ға арналады!

Қайрат Баекенов — музыкант, композитор. «Формат» тобының продюсерi. Астана қаласына екi чемоданмен келiп елордамен бiрге шығармашылығын дамытқан өнер адамы.
«Astana Aspany» бағдарламасының кезекті қонағы Қайрат Баекенов өз сұқбатында мамандық таңдау мен жар таңдаудың сырымен бөліседі. Елордаға арман қуып келіп, жанды дауыста ән салатын вокалды-инструменталды ансамбль құрып аяққа тұрғызған. Оның шығармашылық жолы үлкен ізденіс пен әрдайым жаңашылдықты талап етті. Осылайша, Қайрат өзінің отандық эстрадаға деген кәсіби көзқарасы мен өмірлік ұстанымдары туралы айтады.

Астанада «Шабыт» шығармашыл жастар фестивалі басталды. Осымен 21-ші рет өткізілген байқауға 16 мен 35 жас аралығындағы 600-ден астам үміткер қатысты. Олар, 5 күн бойы сынға түсіп, жүзден жүйрікті анықтайды. Мәселен, алғашында мыс үрмелі аспаптар аталымына 18 адам қатысса, 2-ші кезеңге оның тек 9-ы жолдама алды.

Әр үміткерге артылған жүк ауыр. Олар елінің намысын қорғап қана қоймай, өнер айдынында өрістерін кеңейтеді. Қатысушылардың бұл жылғы мүмкіндігін
Ресей, Украина, Қырғызстан, Австрия, Германия, Грузия, Македония, Израильден келген көрнекті мәдениет қайраткерлері бағалайды.

Үміткерлер 5 аталым бойынша сынға түсуде. Талантын танытқысы келгендер, тыңғылықты дайындалып, бар өнерлерін паш етті. Қатысушылар, Шабыт фестивалінің деңгейі қашан да асқақ дейді.

Астананың 20 жылдығына орай ұйымдастырылған байқау елімізбен қатар Ресей, Украина, Грузия, Израиль, Қырғызстан, Әзербайжан, Өзбекстанның таланттарын тоғыстырды. Фестивальдің биылғы ерекшелігі, 6 жыл бұрын бағдарламадан шыққан журналистика аталымы қайта енгізілді. Айта кетейік, байқауға 21 жыл ішінде 10 мыңнан астам үміткер қатысып, жұлдызын жаққан.