Астана әкімі Әсет Исекешев пен ҚР Ақпарат жне коммуникациялар министрі Дәурен Абаев Smart Astanaжобасын іске асыру мәселелерін талқылады.

«Мемлекет басшысының тапсырмасымен «Ақылды қала» арнайы бағдарламасы әзірленеді. Мақсаты – қалалық қызметтердің жұмысын белсендіру және қайта құру, яғни олардың қызметінің тиімділігін арттыру; халық пен бизнеске сапалы қызмет көрсетуді қамтамасыз ету; инфрақұрлымның үйлесімді және нақты жұмысын ұйымдастыру. Тиісті жұмыстар ең алдымен халықты мазалайтын салаларда қолға алынбақ. Атап айтқанда, көлік, білім, медицина, ТКШ жүйесі және т.б.», – деді Әсет Исекешев.

Өз кезегінде, министр Дәурен Абаев халық өзгерістерді бірден сезінетіндей жобаларды бірінің соңынан бірін қолға алу керек екендігін атап өтті. Жұмыстар мектепке дейінгі мекемелерден, көлік коммуникациялар саласынан басталмақ.

Кездесудің қорытындысы бойынша тараптар «Smart Astana» жобасын іске асыру бойынша жұмыс тобын құру туралы келісті. Арнайы әзірленген тұжырымдама бойынша сандық қоғамды құру бойынша жобалар кезең-кезеңмен енгізілетін болады. Алғашқы жобалар мектепке дейінгі білімді, денсаулық сақтау мен көлік салаларын қамтиды.

Бірлескен жұмыстарға ҚР ИДМ техникалық реттеу комитеті, Инновациялық технологиялар паркінің Алматы кластерлік қоры (ИТП АКҚ), сондай-ақ, даму институттары, соның ішінде «Зерде» холдингі, «Технологиялық даму жөніндегі ұлттық агенттік» АҚ (ТДҰА) тартылады. Компаниялар стандарттау, инноваторлармен жұмысты ұйымдастыру, сандық технологияларды енгізу және Астанада инновациялық жобаларды қаржыландыру мәселелері бойынша барлық қажетті көмекті көрсетуге ниет білдіріп отыр.

Анықтама:

«SmartAstana» тұжырымдамасымен «Астана Innovations» АҚ айналысады. Қазіргі кезде «Smart мектеп», «Smart емхана», «Smart көшені жарықтандыру», «Smart payments», «Smart tickets», «Smart tracking», Астананың интеллектуалды байланыс орталығы жүзеге асырылды.

Өткен жылы жоғарыда аталған жобалардың бесеуі инвесторлардың қаржысы есебінен жүзеге асырылды. Жобалардың абсым бөлігі портал мен «SmartAstana» қосымшасына біріктірілді.

Бүгінгі таңда 63 мыңнан астам елорда тұрғын аталған мобильдік қосымшаны жүктеген. Оның ерекшелігі жедел хабарламалардың келіп түсу және «Астана-109» байланыс орталығына өтініш беру функциясы, сондай-ақ, басқа да көптеген ақпараттық сервистер болып табылады.

astana.gov.kz/kk/modules/material/10991

Астанада жыл басынан бері жетінші бос орындар жәрмеңкесі өтті. М. Өтемісов атындағы Оқушылар сарайына жұмыс іздеген 800 жуық адам келді. Олардың басым бөлігі қалалық оқу орындарының түлектері.

Жұмыспен қамту орталығы ұйымдастырған шараға 50 жұмыс беруші қатысып, 500 тарта бос жұмыс орны ұсынылды.

Жұмыспен қамту орталығы директорының орынбасары Абай Баймульдиннің айтуынша, бүгінгі жәрмеңкеге қызмет көрсету, білім мекемелері, автопарктер, ішкі істер органдары қатысуда.

Айта кетейік, бұған дейін өткен алты жәрмеңкеде 222 адам жұмыспен қамтылды. Жалпы, жыл басынан бері 3 710 адам жұмыс тапты, соның ішінде 1079-ы қоғамдық жұмыстарға кірісті, 540 адам кәсіби даярлау, қайта даярлау және біліктілікті арттыру курстарына жіберілді.

Бұдан басқа, 284 адам жастар практикасына, 101 адам әлеуметтік жұмыс орындарына жолдама алды. Жыл басынан бері 6990 адам жұмыс іздеп, өтініш жазған.

astana.gov.kz/kk/modules/material/10990

20 шілде күні Қажымұқан Мұңайтпасов атындағы стадионда «Орда», «Ринго», «Ninety one», «Renzo», «Аюми» топтары және Ернар Садырбаевтың қатысуымен қайырымдылық концерті өтеді. Билет құны 2000 теңге. Басталуы 20.00

Билеттер ticketon-да.

Қазақстан Республикасының 25 жылдығына орай Астана қаласы әкімдігінің Дін проблемаларын зерттеу орталығы Дін істері жөніндегі басқармамен бірлесіп «Дінаралық татулық – тәуелсіздіктің тірегі» шығармашылық байқауын өткізеді. Шараға гуманитарлық және шығармашылық мамандықтардың орта білімнен кейінгі деңгейінің студенттері, журналистер мен кәсіпқой дизайнерлер қатысады.

Шараның мақсаты – діни емес ағымдардың әсер ету қауіпінің алдын алу саласындағы өзекті мәселелер жөнінде ақпарат тарату бойынша жастардың шығармашылық мүмкіндіктерін дамыту және қолдау, еліміздің дәстүрі мен мәдениетіне сай діни сана-сезімді қалыптастыру. Сонымен қатар, дін мәселелеріне қатысты оқиғаларды әділ және қасақана емес жариялайтын БАҚ өкілдері ынталандырылатын болады.

Байқау үш номинация бойынша өтеді: «Ең үздік мақала, мақалалар топтамасы», «Ең үздік көрнекті туынды», «Ең үздік бейнешығарма немесе сценарий». Әр номинацияда жүлделі үш орын болады.

Байқауға қатысуға өтінімдер 2016 жылдың 20 қыркүйегіне дейін baiqau@mail.ru электронды поштасына қабылданады. Толық ақпаратты + 7701 173 23 76, + 7747 666 27 04 телефондары бойынша және religii.kz сайтынан алуға болады.

Астана қаласының Қоғамдық кеңесі 27 шілдеде сағат 16.00-де қоғамдық көліктің жұмысын жақсарту, көше-жол желісін және тұрақ инфрақұрылымы объектілерін дамыту бойынша атқарушы органдардың қызметі жөніндегі мәселе бойынша қоғамдық тыңдау өткізеді.

Аталған мәселе бойынша ескертулер мен ұсыныстарыңызды жазбаша түрде Қоғамдық кеңеске (Бейбітшілік к-сі, 11) немесе 32-03-95, 55-74-56 телефондары бойынша жолдауларыңызды сұраймыз.

Сабақтың тақырыбы: «Р» дыбысы.

Сабақтың мақсаты:
Білімділік: «Р» дыбысын жеке түрде, буында, сөйлемде дұрыс айтуға машықтандыру.
Дамытушылық: Дыбыстар мен әріптердің өзара қатысын айқындап, ажырата білу. Шағын сөйлемдерді жүйелі түрде құрастыра білуге уйрету.
Тәрбиелік: Өзін ұқыпты, әдепі ұстауға үйрету.
Көрнекіліктер: айна, заттық суреттер, буындық кестелер, сөзжұмбақ.
Сабақтың әдісі: түсіндіру, талдау, көрнекі.
Сабақтың барысы:
I. Ұйымдастыру кезеңі.Балалардың сабаққа дайындығын тексеру.
Тыныс алу жаттығулары:
1) «Көбелекті ұшырайық»
2) «Майшамды өшірейік»
3) «Шарды үрлейік»
II. Артикуляциялық жаттығулар: «күрекше», «кесе», «тәтті бал», «сағат», «ат шауып келеді», «сылақшы», «түтікше»
III. «Р» дыбысын айтылу барысында тілдің ұшы үстіңгі тістің түбіне көтеріледі. Тілдің шет жақтары азу тістерге жабысып тұрады. Ауа ағысы арқылы тіл ұшы қозғалып дірілдейді.
IV.
«Р» дыбысын жеке айтуға машықтандыру
1) «Р» дыбысын дұрыс айтуға арналған жаттығулар
1. «Ұшақ»
2. «Ашулы ит»
3. «Қарға»
2) «Р» дыбысын буында дұрыс айту
а) «-рыс», «-рыз» буындарын қосып, оқы
Ба – рыс дұ – рыс жа – рыс
Ты – рыс ы – рыс
Па – рыз қа – рыз
V. Суретке қарап, «Р» дыбысының орнын тап.
Трактор, раушан, торт, сиыр, радио.
VI. Тақтамен жұмыс.
«Ұйқасын тап» ойыны.Балаларға тақтаға ұйқас сөздер жазылады.бос орынға дұрыс сөздерді жазулары тиіс.
1) Мір – мір – мір,
Қап – қара…
2) Рыс – рыс – рыс
Ырылдайды…
3) Ар – ар – ар
Жауды аппақ…
4) Ша – ша – ша
Өсті жасыл…
VII. «Р» дыбысын сөзде дұрыс айту
1) «Сөз құрайық» ойыны.
Сұ
Құ
РАҚ
Шы
Па

2) «Сөз ойла, тез ойла» ойыны.Әр оқушыға жеке тапсырма беру.Балалар сөздерді ойларынан тез ойлап, айтулары керек.
«Р» дыбысы келетін киім: куртка, шалбар, жемпір
«Р» дыбысы келетін жеміс – жидектер: өрік, анар, бүлдірген
«Р» дыбысы келетін көкөніс: картоп, қияр, қарбыз
«Р» дыбысы келетін тағамдар: торт, ірімшік, жұмыртқа

VIII.Сабақты бекіту: Сөзжұмбақты шеш.

1 2 3 4 5 6
р
р
р
р
р

1.Гүл
2. Жіп иіретін құрал
3.Балық аулайтын кұрал.
4.Жыртқыш аң
5.Көктемдегі мейрам
6.Құс

ІХ.Қортындылау.
-Балалар бүгінгі сабақ қалай өтті? Сендерге ұнады ма?
— Не үйрендіңдер? Қандай жаңа сөз айта аласындар?
Х.Бағалау.Сабаққа белсене араласып отырған оқушыларды мадақтау, марапаттау.
«МҰРАГЕР» мектебі

АШЫҚ САБАҚ

Тақырыбы: «Р» дыбысы

Өткізген: Омарова Аружан Айдарбекқызы, мектеп логопеді

Қызылорда қаласы

Ақпараттық әлем әлеуеті
Данышпан Абай адам баласының дүниеге келгенде екі түрлі мінезбен туатынын, оның бірі көрсем, білсем деп бар нәрсені білмекке ұмтылып тұратынын қара сөздерінде айтып кеткен. Асылы осы әрбір адам, тіпті халықтар да осындай өмірлік тәжірибедегі сұрақтарға жауап табу қабілетіне қарай ерекшеленетін болар. Бұл ретте білім беру, тәрбие мен ғылымның дамуы жалпы қарапайым азаматтың қоғамдық көзқарасын қалыптастыруда ақпараттық әлем әлеуетіне көп нәрсе байланысты болып шығады.
Шынында кешегі күн мен бүгінгі ақпараттық әлемнің арасында алшақтық басым. Жаңа заманның жаңашылдығынан қалыс қалмау үшін көп істің атқарылып жатқанынан да біраз жайды аңғаруға болады. Бұрын адам қажетті мәліметтерді кітаптан, ғалымдар еңбегінен, бұқаралық ақпарат құралдарынан, отбасы мүшелерінен, мектептен алатын. Қазір осы ақпараттық ресурсқа заматында жылдам хабар алғызатын мүлде жаңа техникалар қолданыста бар. Мәселен, компьютердің өзі бізге жаһандану үрдісіндегі өзгерістердің ең ірісі болды. Санада оянған сан сұраққа жауапты іздеу жолында ізденімпаздарға керек мәліметті беретін ақпараттық ресурстардың барлығын бүгінде осы компьютер, Интернет арқылы таба аламыз. Оған дамыған біздің елімізде мол мүмкіндіктер жасалып отыр. Яғни, қазіргі жас буынның қажетіне сай ақпараттық әлемнің қалыптасу үрдісі бар. Жаһандық дәуір тынысын тез түсінген мемлекетіміз ақпараттандыруды мектептен бастады. Елбасының тікелей тапсырмасымен мектептер компьютерліндіріліп, бүгінде интерактивті тақта арқылы жұмыс жасауда. Мұндағы мақсат қазақстандықтардың қоғам мен экономикадағы болып жатқан өзгерістерге жылдам бейімделуіне мүмкіндік беретін жан- жақты білім кеңістігін қалыптастыру.
«Білім алу үрдісі барысында біздің жас ұрпақ проблемаларды өз беттерімен шешуге үйренулері, сын көзімен кең өрісті ойлаулары, ынталылық пен тапқырлылық көрсетулері керек. Қай елдің халқы оқу мен білімнің арқасында алған ақпараттарды, білімді және технологияларды өмірде тиімді қолдана білсе толыққанды болашақ сол елге тиісті»,- деп Мемлекет басшысы Нұрсұлтан Назарбаев «Қазақстан жолы» кітабында деп атап көрсетті. Сол арқылы жеке тұлғаның қалыптасатын жері мектеп екенін, дәл осы жерде жеткіншектің жеке тұлғалық өмірге бетбұрысы айқындалатынын жеткізді. Мектеп өмірдің алғашқы сабақтарын береді. Бірақ баланың жеке ерекшеліктерін басып тастамау керек. Олай етпеген жағдайда ақиқатты өз бетімен түсінудің орнына қашанда біреудің түсінігіне сүйенуге бейім болып тұрады. Бұған қатысты «Мұғалім жауаптарын бермейді, ол сұрақтар қояды. Мұғалім білімнің жолымен жетектеп жүрмейді, ол тек оны көрсетеді» деген тауып айтылған пікір бар. Ақпараттық ресурсы жеткілікті, қабілеті бар, ұмытылыс мен ерік жігері бар халқымыз білім көкжиегінде ешбір елден қалыс қала алмайды. Шетелдердің озық тәжірибесін меңгеріп, тиімді ісін үйрену үшін он жылдан бері «Болашақ» бағдарламасының негізінде жастарымыздың дамыған елдердегі оқу орындарында білім алып келе жатқаны соған дәлел. Рас ақпараттық қоғам білімділік пен сауаттылыққа байланысты терең өзгерістерге ұшырады. Ақпаратты берудің, қабылдап алудың, өңдеп сақтаудың жаңа әдістері мен өзгерістері толассыз пайда болуда. Бұл нені көрсетеді? Яғни жаһандану үрдісі үздіксіз даму үстінде. Одан шет қалмау үшін бізге үнемі алға ұмтылып, жаңашылдыққа бейім тұрғанымыз шарт. Бірақ мүмкіндік бар екен деп ақпарат ағыныныдағы кез келген мәліметті қабылдай беруге болмайды. Интернет желісінің зор жетістігін өз мүддемізге қарай пайдалану түптеп келгенде ұлтжанды ұрпақтың келешегі үшін керек. Сол үшін де жастардың кез келген тың ақпаратты алып қана қоймай соған сай ойланып, қажеттісін үйреніп, тиімсізін ысырып тастайтындай қабілеті мықты болғаны абзал. Осы ретте көп міндеттің мектеп әрине мұғалімдер біздерге жүктелетіні анық. Ұлттық құндылықтың болашағын көбірек ойлайтын зиялы қауым ақпараттық әлемде тек ұлтқа керек мәліметтің болуын көксейтінін де естен шығармауымыз қажет. Ұлт мұратын жадында берік сақтаған бала ғана өзіне әлемдік ақпараттық кеңістікте ненің керегін жақсы біледі.
Қазақстанның Еуразия аймағында көшбасшылығын сақтауы үшін асқақ міндеттерді кәдеге асыруда әрине көптің, шетелдің білгеніне жүгінеміз, саралаймыз. Қорыта келе өз жетістігімізбен байланыстыра отырып, жаңашылдыққа қол жеткіземіз.

Омарова Аружан Айдарбекқызы
Қызылорда қаласы, «Мұрагер» мектебінің логопеді

Астана қаласы төтенше жағдайлар департаменті Жергілікті полиция қызметімен бірлесіп, су қоймаларында төтенше жағдайлардың алдын алуға бағытталған түсіндіру жұмыстарын жүргізуде. Рейдтер әр демалыс сайын тұрақты түрде ұйымдастырылады. Құтқарушылар жазғы шомылу маусымын қауіпсіздік техникасын түсіндіруден бастайды. Өткен демалыста 1,5 мыңға жуық қала тұрғыны қамтылды.

Жыл сайын шомылатын жерлерде қауіпсіздік пен құқықтық тәртіпті қамтамасыз етудің іс-шаралар жоспары әзірленеді. Елордалық құтқарушылардың мақсаты елорда тұрғындарын судағы қауіпсіздік шараларымен таныстыру, сонымен қатар, суға түсетін орындарда тәртіп ережелерін сақтауға шақыру болып табылады.

Шара барысында Қазақ ГЗУ аумағындағы көпірлер мен «Газмашаппаратура» бақша қоғамдастығының ауданы тәуекел аймаққа жататыны анықталды. Осыған байланысты тыйым салатын және ескертетін 30 жуық белгі қойылды.

Рейд кезінде құтқарушылар оқушыларға баса назар аударды.

astana.gov.kz/kk/modules/material/10962

Апта сайын жұмадан жексенбіге дейін елордада Астана қаласының, Ақмола және Қарағанды облыстары тауар өндірушілерінің қатысуымен ауыл шаруашылық жәрмеңкелері өтеді.

Осы аптада 36-шы жәрмеңке ұйымдастырылады. Осы күнге дейін 670 тоннаға жуық өнім сатылды, оның бағасы базардағыдан 10-15% арзан.

Жәрмеңке барысында бақылаушылар баға мониторингін жүргізеді. Бағалардың негізсіз көтерілуіне жол бермес үшін әрбір алаңда бақылаушы таразылар қойылады. Сатылатын тауарлардың, әсіресе ет өнімінің сапасына баса назар аударылады.

«Біздің тараптан өнімнің сапасын бақылау бойынша барлық қажетті шаралар қабылдануда. Күнде таңертең ет өнімдері арнайы тексеруден өткізіледі, қала тұрғындары мен қонақтарынан қауіпсіздік мақсатында ветеринарлық бақылаудан өткен етті ғана сатып алуларын сұраймыз», — дейді Астана қаласы әкімінің орынбасары Малика Бектұрова.

Оның айтуынша, қала әкімдігі тұрақты эпизоотикалық жағдайды сақтау үшін қажетті іс-шараларды қабылдап жатыр. Соның ішінде, қала маңындағы мал бақылауға алынды. «Рубеж» бекеттерінде тұрақты түрде рейдтер өткізіледі. Тұрғын үй алаптарын аралап, халық арасында мониторингтеу және түсіндіру жұмыстары, сырттан әкелінген жануарларды вакциналау жұмыстары қолға алынды. Сауда нысандары мен мал сою алаңдарында ет өнімдері ветеринарлық бақылауға алынып, зертханаларда міндетті түрде ветеринарлық-санитарлық сараптамадан өткізіледі. Күмәнді өнім анықталған жағдайда, оны алу және жою шаралары қабылданады.

Елордалық билік қала тұрғындарына ет сатып алу кезінде тиісті сәйкестік сертификатын немесе сынақ хаттамасын талап етуге кеңес береді.

astana.gov.kz/kk/modules/material/10955

Шілденің 3 күні Қазмедиа орталығының киноконцерт залында Жайдарман ойындарынан «Жаңару кубогы» республикалық арнайы жоба болып өтті. 200-ден астам жайдарманшы қатысқан ойынды мың қаралы көрермен тамашалады.

Еліміздің барлық аймағынан түрлі лигаларда үздік өнер көрсетіп жүрген топтардың басын қосқан жоба жоғары деңгейде өтті деуге әбден негіз бар. Кешті Қазақстан КВН Одағының президенті Есен Елеукен жүргізді. Сонымен қатар сайысқа Қазақстан Республикасының Білім және ғылым министрлігі қолдау көрсеткен болатын.

Өзара бақ сынасқан 20 топтың арасынан үздіктерді қоғам қайраткері Мұрат Әбенов, НұрОтан партиясының төрағасы орынбасарының кеңесшісі Берік Уәли, ҚР Парламент мәжілісінің депутаты Геннадий Шиповских, ҚР Білім және ғылым министрлігі Жастар саясаты департаментінің директоры Ернат Мұхамадиев, Қазақстан ҰТА жүргізушісі Мейіржан Әлібекұлы, Ұлттық музейдің баспасөз жетекшісі Олжас Сыдықбек және қазақ эстрадасының жұлдызы Серік Ибрагимов секілді танымал тұлғалардан құралған қазылар алқасы анықтады.

Сонымен, үздік үштікке ілінген Маңғыстау облысы, Жаңаөзен қаласының «Мұнай тамшылары» командасы 200 000 теңгенің сертификатын иеленсе, екінші орын алған Атырау облысы, Құрманғазы ауданынан келген «Құрманғазы жастары» командасы 300 000 теңге ұтып алды.

Ал сайыстың жеңімпазы болып, Павлодар қаласынан келген «Чехов аялдамасы» тобы атанып, 400 000 мың теңгелік сертификат пен қоса, «Жаңару кубогын» төбесіне көтерді.

Орын иеленген топтардың барлығы арнайы жүлде сертификаттарымен қатар, дипломдармен және кубокпен марапатталды.

Ойыннан кейін жайдарманшылар үшін боулингтен де жарыс ұйымдастырылып, жаңаөзендік «Мұнай тамшылары» жеңімпаз атанды. Ал екінші-үшінші орынды астаналық «Энерго» мен атыраулық «Бейбарыс» командалары бөлісті.