24 шілде күні өткен ойында қойылған сұрақтар.

1-тур сұрақтары by asaubota

1. 5 құрлықтан келетін қонақтардың құрметіне салынған мына түрлі-түсті, алып граффити қай қалада?

2. Мұзды Солтүстіктегі Шпицберген архипелагында 120 метр тереңдікте үлкен бір қойма бар. Әлемнің түкпір-түкпірінен жіберілген нәрселерді қоймада 3 қабатты фольгаға орап, -18 градустық мұздатқыштарда сақтайды. Әлемде болуы мүмкін үлкен апаттарға қарсы ойластырылған бұл қойма 2006 жылы Скандинав елдерінің бастамасымен жасалды. Бүкіләлемдік қоймада не сақталады?

3. Гарвард университеті шығарған адам қатынастары туралы кітапта Релфи деп аталатын селфи түрі желі қолданушыларына басқа фото түрлеріне қарағанда анағұрлым көп ұнамайтындығы айтылады. Соншалықты аз лайк жинайтындай Релфиді кіммен бірге түседі?

4. 2012 жылдан бері Олимпиада ойындарында әйелдер арасындағы жарыстарға қатысушы спортшылар допинг тестінен басқа тағы бір тест тапсырады. Бастапқыда жәй ғана гинекологиялық тексеру арқылы жүзеге асқан бұл тексеріс түрі кейін хромосом тестімен жалғасқан еді. Алайда бұл тестті хромосом ауытқуларына байланысты дұрыс емес деп шешкен Халықаралық Олимпиада Комитеті бұдан былай ненің мөлшеріне қарап спортшылардың әйелдер жарысына қатысып, қатыспауын анықтайтын болды?

5. Суретте 20-ғасыр басындағы темекі фабрикасындағы жұмысшылар бейнеленген. Ортадағы мінберде Лектор деп аталатын қызметкер отыр. Лектор жұмысшылар монотон жұмыстан жалықпасын деп күнделікті жаңалықтарды оқиды. Алайда фабрика басшыларына лекторлардың солшыл бағыттағы саяси мәтіндерді жиі оқуы ұнамайтын. Сондықтан лектор мамандығы біржолата жойылды. Осылайша 20-жылдары лекторлардың орнына не келді?

6. “Әлеуметтік желілер — достықтың альтернативі емес. Ол — достықтың … “
Марк Цукербергтің желі туралы ойын жалғастырыңыз.

7. Қазіргі PR-дың атасы болып саналатын журналист Айви Ли 1906 жылдың 30 қазанында БҰНЫ алғаш рет жариялады. БҰЛ Пенсильваниядағы пойыз апаты туралы еді. БҰНЫ дефис қолданып атауға тырысыңыз.

8. 1959 жылы Қаратаудағы ванадий кенінен табылған, қазақ ғалымының 60 жас мерейтойының құрметіне аталған сары-жасыл түсті минералдың атын нақты атаңыз.

9. 2016 жылдың басында жасақталған мына картада аудандар бойынша ненің пайыздық өлшемі көрсетілген?


2 тур сұрақтары by MERmukhanov :

1. «NaХO3, КХO3 арқасында, немесе жалпы MeХO3-тің арқасында соңғы бірнеше аптада мен баспасөзден бұған дейінгі барлық жылдардан да көбірек сұхбат жөнінде өтініш және ауызша келісімдер алдым».
Елші Ерлан Ыдырысовтың «Таймс» газетіндегі мақаласында біз бір сөзді формуламен аустырдық. Х-ті атаңыз.

2. Аз ғана серпіліс жасайық. Логикалық тапсырманы орындаңыз. Аталған фигуралардың қайсысы артық?


3. Ненец халқының ұлттық ою-өрнегі басқа халықтың ою-өрнегімен бірге беріліп отыр. Әлбетте, бір минут ішінде ненец халқының оюының атауын атау қажет.


4. Владимир Нидергаус — Қазақстан құрамасында ойнаған шабуылшы, оның тұңғыш голын салушы, Ресей құрамасында да ойнап көрді. «Манчестер Юнайтедтің» қақпасына гол салған ойыншы, қазір «Шахтер» клубында қызмет істейді. Бастысы – бұл емес.
Ойыншы жас кезінде өз командасының бастығымен үнемі қалжыңдасатын. Нидергаус ол кісіге күтпеген уақытта телефон шалатын.
Шабуылшының мұндай тосын әрекетінің нақты мерзімі мен уақытын атаңыз.

5. Суретте қызық ребус берілген. Жауабын дефис арқылы жазылатын екі сөзбен беріңіз.


6. «Оны іске қоспадым. Бұрын-ақ байқаған болатынмын: саған жаман болып тұрған кезде, бұл сұмырай одан нашарлатады».
Чарльз Буковскидің бұл цитатасы не туралы?

7. Қазақ жұмбағын шешіңіз.
Бір құдықтың екі алуан суы бар-ды,
Қайнатса оның суы мұз болады.

8. Рейхстаг үстінде ту көтерген солдатты бейнелейтін фотографияда кеңестік цензура ОНЫ ретуштеп, көрсетпей тастауды бұйырды.
1809 жылы Наполеон Бонапарттың жұбайы Жозефинаға париждік зергер Нитоннан ОЛ қымбат әшекей сыйлық ретінде жолданды.
Си Эл Баркер ОЛ машинаның жүрген жолы, негізі, автомобильдер мен ұшақтардың жүрген жолынан да ұзақ дейді.

10. 1960 жылдары терезелерді әйнектеумен айналысатын бір миландық фирманың мерейтойы болды. Осыған орай, компания кварталдағы кей адамдарға «Тұрақты әріптестік үшін алғыс ретінде» деген жазуы визиткалы сыйлықтар жолдады.
Ол қандай адамдар және не сыйлықтар?

24 шілде күні Астанадағы Бирхофф мейрамханасында Керек-ринг кезекті ойыны өтті. 6 команда қатысқан бұл ойында Бақсы командасына мықты бәсекелес пайда болып, жеңіске Нұр-Мафия жетті.

«Яркокросс» қайырымдылық марафоны елордада төртінші рет өткізіліп жатыр. Орталық паркте өткен шараға түрлі жастағы 1200 астам адам қатысты.

Марафон ұзындығы 5 шақырымды құрады. Шараға қатысушылар басты бес нүктені бағындырды, ал еріктілер болса, оларға бояу ұнтақтарын шашты. Мақсат — мәреге бірінші болып жету емес, шараға қатысу.

Марафон астаналықтарға керемет көңіл күй сыйлап қана қоймай, қаланың экологиясының дамуына да септігін тигізеді. Қайырымдылық шарадан жиналған қаржы Асананы көгалдандыруға жұмсалады.

— Биылғы жоба елімізде су үнемдеуге бағытталған. Болашақ ұрпаққа да суды қажет екендігін жеткізуге тырысамыз, — дейді Астана қаласындағы «Посади дерево» қоғамдық бірлестігі директорының орынбасары Земфира Низамутдинова.

Шара соңында флешмоб ұйымдастырылды. Астаналықтар бас сахнаның жанында ашық түсті бояуларды көкке шашып, түрлі түсті бұлт жасады.

astana.gov.kz/kk/modules/material/11041

Елордада «Не? Қайда? Қашан?» ойыны бойынша ІІ Еуразия кубогы өтуде. Әзербайжан, Өзбекстан, Ресей, Беларусь, Украина, Нидерланды, Эстония, Израиль, Чехия, Германия, Түркменстан мемлекеттерінен, сондай-ақ, еліміздің түрлі қалаларынан келген қатысушылар түрлі интеллектуалды дисциплиналарда сайысқа түседі.

Жоба елордада, жалпы, Қазақстанда зияткерлік ойындарды дамытуды ынталандырмақ. Ойындарға басқарма мүшесі, «Не? Қайда? Қашан?» халықаралық клубтар ассоциациясының вице-президенті Александр Рубин, екі дүркін «Хрусталь үкі» иегері, «Гауһар үкі» иегері Илья Новиков, Әзербайжандағы «Не? Қайда? Қашан?» телеойынының жүргізушісі және бас продюсері, «Хрусталь үкі», «Гауһар үкі» иегері Балаш Касумов, «Не? Қайда? Қашан?» телевизиялық клубының команда капитаны Елена Потанина, екі дүркін «Хрусталь үкі» иегері Елизавета Овдеенко және т.б. қатысады.

Көпшілікке кеңінен танымал «Не? Қайда? Қашан?» телеойынының спорттық нұсқасынан басқа, қатысушылар брейн-ринг турнирлеріне, Хамса ойындарында сайысады. Сондай-ақ, кубок аясында қатысушылар Қазақстанның мәдениеті мен тарихына арналған «Бешбармақ-party» турнирінде елімізбен етене танысатын болады.

Айта кетейік, спорттық «Не? Қайда? Қашан?» ойыны бойынша Еуразия кубогы алғаш рет 2015 жылы Алматыда ұйымдастырылған. Ойын қозғалысы елімізде 10 жылдан бері қызмет етіп келеді, осы күнге дейін қазақстандық зияткерлер түрлі турнирлер өткізді.

astana.gov.kz/kk/modules/material/11042

Жаңбырлы маусым.

Мен осы сәтті жоғалтқым келмеді. Ертеңгі күнді ойласам, оның ең қымбат елесін жоғалтып алатындай болдым. Сондықтан, бұл уақытта ең бақытты ән тыңдап, ең бақытты жыр жазғым келді. Тіпті, алдымда тұрған ұсақ кедергілер жайында ойлағым да келмеді. Себебі, ерте ме, кеш пе олардың шешілетіні белгілі еді. Ал, қазіргі алдамшы болса да, бақытты, тыныш, теңіздей тұнық уақыт ендігі қайтып келмеуі мүмкін еді. Иә, ендігі мен үшін әлемнің бәрі әдемі, әділетті, әуре-сарсаңсыз екеніне сенуге дайын едім, уақытша болса да! Тәтті қиял, сәтті арман… әдемі әуен, уәделі сөз. Өмір ғажап! Сезім бар! Сенім өлген жоқ! Бақыт қонды! Уақыт көнді! Болды, енді ештеңеге күмәнданғым келмейді! Өтірік пе, шын ба, маңызсыз! Көзімді жұмған күйі жартас па, құз ба, жапан дала ма, мейлі! Қайда болса да, оған сенген күйі соңынан еріп жүре бергім келді!

...Әуен аяқталды. Мен мұның бәрі түсімдегі қиялым ғана екенін түсіндім. Онымен бір сағат бұрын сөйлесіппін… және бір сағат қиял әлемінде…
Тағы да мардымсыз, мәні кеткен күрең әлем. Ашуым келді! Олар менің тап-таза әлемімді кірлетпек… Сыртта, жердің жүрегі қажалған пенделері әлденеге керісіп жатыр. Түн. Жаздың жып-жылы, мөп-мөлдір түні. Адамдарға осы да аз! Бұған да қанағаттанбайды! Сыртқы лас әлемнен бөлінгім келгендей, терезені жаптым да, қиял әлеміне қайта аттандым. Келесі ән-«Сен маған сүюді үйреттің!»… Ән басталды. Ол маған сенуді де үйретті! Сол себепті мен бұл әнді тыңдауға тиіспін. Жаңбыр жауды…
Дәл осы сәтте оған арнап жазған өлең жолдары жадыма қайта оралды:

Жаңбыр, жаңбыр, қызығамын саған шын,
Ол да сені жақсы көред(і) себебі.
Сен де оған тамшы болып тамарсың,
Мен де сонда жаңбыр болғым келеді.

Кірпігінде мөлдір шық боп тұрарсың,
Көздерінен оқып арман, үмітті.
Ол мұңайса, сен де бірге жыларсың,
Жұбатумен сол бір жұмбақ жігітті.

Мұңданатын оны ойласам жанарым,
Мендік арман мезгілсіздеу солар ма ед?
Жаңбыр, жаңбыр тереземнен қарадым,
Ол да сені көріп тұрған болар деп…

Түнгі көшеде ешкім қалмағанына көзім жетті. Аспан да жердегілерден жалықты. Қарбалас қаланы тазартқысы келгені анық. Терезені қайта аштым… таза ауа, жаңбыр иісі, тамшылар дауысы, отшашуға ұқсаған аспандағы найзағай көрінісі, айдың жарығына астасқан жердің жұлдыздары. Өмірге сенемін! Өмірді сүйемін! Бұл менің маусымым! Мені қабылдаудан қорықпаған маусым!

… Төрт күннен кейін туған күнім! Аспан, туған күніме жаңбырды сыйға тартамын деп уәде берді!
Кірпіктерімді қиял түсімнің теңізіне малып, қарашығымды қара түнге қосақтап, қалың ұйқыға кеттім.
-Мен оған сенемін!-дедім, аспанға.
-Қайырлы түн!-деп, күлімдеді Ай.
-Қайырлы түн! Қайырлы…

P.S. Аспан уәдесін орындады!)

Android-қа арналған нұсқасы әлі ресми шықпаса да танымал болып үлгерген Prisma Android қолданушыларына бета-нұсқа үшін шақырулар жібере бастады. Бетаның өзінде 35 фильтр бар екен әзірше. Ал, ресми нұсқасы жақында шығады. Play Market-тің жаңа хит қосымшасы болады деп күтілуде.

Prisma-дан шақыру алу үшін қосымшаның ресми сайтына өтіңіз: prisma-ai.com/
Төмендегі Sign up for news түймесін басып, атыңыз бен email адресіңізді жазыңыз.
Поштаңызға шақыру келгеннен кейін сілтеме арқылы смартфоныңызға түсіріп алуыңызға болады.

Астанада түнде 14 мм жауын-шашын жауды. Толассыз жауған жаңбыр салдарынан коммуналдық қызметтер тәулік бойғы режимде жұмыс істеп жатыр.

Қазіргі кезде тиісті жұмыстарға 117-ден артық арнайы техника тартылған, соның ішінде екеуі өрт сөндіру станциясы. Астанада үш жол бөлігін су басқан: Б. Момышұлы ескерткішінің жаны, Қалдаяқов к-сі және Тұран даңғылы, қосымша орнатылған сорғылардың арқасында нөсер салдары жақын арада жойылмақ.

«Біз сол жағалауға толық қызмет ететін тазарту құрылыстарындамыз. «Хан Шатыр» СОО ауданында орнатылған қосалқы сорғылардың есебінен Орынбор көшесін су басудың алды алынды. Жыл соңына дейін Керей мен Жәнібек хандар көшесі мен Тұран даңғылы, № 31 – Хусейн бен Талал көшелеріндегі №27 тазарту құрылысы пайдалануға беріледі», – деді Астана қаласы әкімінің орынбасары Қосман Айтмұхаметов.

Оның айтуынша, суды бұру жүйелеріне қарағанда қаламыз тез дамып келеді, су басу жағдайларының орын алатыны да сондықтан. Бұдан басқа, су басудың себептерінің бірі нөсер кәрізі коллекторларының өткізу қабілеттілігінің төмендігі болып отыр. Осы сияқты жағдайларды болдырмау үшін нөсер кәрізі жүйелерін дамыту жөніндегі жобаларды іске асырудың 2019 жылға дейінгі кестесі қайта қаралды.

Биыл екі тазарту құрылысын салудан басқа, Кіші Талдыкөлден Есіл өзеніне су жіберетін коллектордың және Сауран көшесіндегі Рысқұлов көшесінен №31 көшеге дейінгі нөсер кәрізінің құрылысын аяқтау, Тұран даңғылы мен Сығанақ көшесінің қиылысындағы дренажды-сорғы станциясын қайта жөндеу жоспарланған.

Тиісті шаралар қаланың қарқынды дамып келе жатқан сол жағалауын су басу мәселелерін толық шешуге мүмкіндік береді.

Сонымен қатар, үстіміздегі жылы қайта салынып жатқан аумақта су бұру жағдайларын жақсарту үшін Бейсекова көшесінде, Пригородный кентінде тазарту құрылыстары салынып жатыр, сондай-ақ, Тұран даңғылы мен Сығанақ көшесінің қиылысындағы тазарту құрылысы қалпына келтіріліп, 2018 жылы пайдалануға беріледі.

astana.gov.kz/kk/modules/material/11037

Бүгін ҚР Ұлттық экономика министрі Қуандық Бишімбаев пен елорда басшысы Әсет Исекешев бірқатар ірі сауда нысандарын аралады. Азық-түлік нарығында баға қалыптастыру мәселесі қала әкімінің жеке бақылауында.

Қуандық Бишімбаев пен Әсет Исекешев «Шанхай» және «Шарын» базарларында, «Шапағат» коммуналдық базарында және «Магнум» сауда орталығында болды.

Сапар барысында қала басшысы әлеуметтік маңызды өнімдердің бағасын ұстап қалу мәселесі ұдайы елорда әкімдігінің назарында болатынын атап өтті.

– Барлық базарлардағы бағаларға тұрақты мониторинг жүргізетін боламыз, сондай-ақ қала аумағында күн сайын жәрмеңкелер өткізіледі. Азық-түліктер көліктерден сатылады. Көкөніс, жеміс-жидектер, жармалар және т.б. сату үшін көліктерге күнде «жасыл дәліз» ашылады. Қант, нан, ұнға келсек, бұл мәселе монополияға қарсы қызметпен бірге зерттеледі, оны бақылауға аламыз, — деді Әсет Исекешев.

Қала басшысының айтуынша, Қазақстанның өңірлерімен ауыл шаруашылық өнімдерін елордаға жеткізу бойынша уағдаластыққа қол жеткізілді. Бағаларды ұстап қалу бойынша қабылданған шаралардың алғашқы нәтижелері жақын күндері белгілі болады, — дейді Ә. Исекешев.

ҚР ҰЭМ Қуандық Бишімбаев өз базарларымызды қамтамасыз ету керек екендігін атап өтті, ол үшін өндірушілер мен көтерме дайындаушыларды тартып, олармен қарым-қатынастарды реттеу керек, бұл ішкі нарықты қамтамасыз етуге жол ашады.

— Үкіметте нарықты реттеуге мүмкіндік беретін шекті бағалар тетіктері бар. Ол үшін бағаның шегін белгілеу керек, ал жергілікті органдар бөлшек және көтерме сауда базарларында оны қамтамасыз етуге тиіс, — деді министр.

Еске салайық, кеше елорда әкімдігінде өткен кеңесте қала басшысы әлеуметтік маңызды тауарлардың, соның ішінде нан, жарма және қанттың бағасын ұстап қалуға бағытталған бірқатар нақты тапсырмалар берді. Аталған мәселе бойынша қабылданған шараларды үйлестіру үшін елорда әкімінің орынбасары Андрей Лукиннің жетекшілігімен жедел штаб құрылды.

Елорда әкімдігі атқарған жұмыстардың нәтижесінде негізі жеткізушілермен нан, қант және ұнның бағасын төмендету туралы уағдаластыққа қол жеткізді.

Атап айтқанда, бөлшек сауда желісіне бакалея өнімдерін жеткізетін «Мир Круп» ЖШС келісім жасалды. Компания қанттың бағасын 6 теңгеге арзандататын болды. Сондай-ақ, «Сапа Нан» ЖШС басшылығы нан бағасын 5 теңгеге түсіретінін мәлім етті. Бұдан басқа, сауда орындарында ұнның бағасы 15% төмендейді. Бұл туралы «Цесна» СМ ұн, макарон және жармалар дистрибьюторы «Астық Логистик» ЖШС басшылығы хабарлады.

Астана әкімдігі азық-түлік тауарларының бағасының өсуіне жол бермеу бойынша қажетті іс-шараларды қабылдап жатыр. Бейсенбі күні елорда басшысы Әсет Исекешевтің төрағалығымен азық-түлік өнімдерінің бағасын тұрақтандыру мәселелерін талқылау бойынша кеңес өтті. Кеңес барысында қала әкімі әлеуметтік-маңызды тауарлардың, соның ішінде нан, жарма және қанттың бағасын ұстап қалуға бағытталған бірқатар нақты тапсырмалар берді.

Күн сайын ауыл шаруашылығы өнімдерінің жәрмеңкесін өткізу және сауда орындарының санын кеңейту, автодүкендер ашу туралы шешім қабылданды.

Қалалық әкімдіктің өкілдері жәрмеңкелерде өнімдер бағасына ұдайы бақылау жүргізеді. Бүгін ҚР Ұлттық экономика министрі мен Астана әкімі Әсет Исекешев ірі сауда нысандарын аралады.

Сонымен қатар, аталған мәселе бойынша қабылданған шараларды үйлестіру үшін елорда әкімінің орынбасары Андрей Лукиннің жетекшілігімен жедел штаб құрылды. Бүгін Орталық коммуникациялар қызметінде Андрей Лукиннің, қалалық Ауыл шаруашылығы басқармасының басшысы Әсет Құрманғалиевтың, ірі тауар өндірушілердің қатысуымен брифинг өтті.

Қала әкімінің орынбасары Андрей Лукин елорда әкімдігі әлеуметтік маңызды азық-түлік өнімдерінің бағасы тұрақтанғанша күн сайын мониторинг жүргізетінін атап өтті. Өзге өңірлермен салыстырғанда Астанадағы жағдай орташа деңгейде.

Мұнымен қоса елорда әкімдігі қолданыстағы кәсіпорындарға қолдау көрсету, азық-түлік өнімдерін өндіру және сақтау бойынша жаңа кәсіпорындар құру, көкөніс сақтау қоймаларын, қайта өңдеу кәсіпорындарын, жылыжайларды дамыту бойынша жүйелі шаралар қабылдайды. Қазіргі кезде қала аумағында тамақ өнімдерін өндіру, қайта өңдеу және сақтау бойынша 18 жоба жүзеге асырылып жатыр.

astana.gov.kz/kk/modules/material/11038

Қазіргі кезде Астанада ведомствоға қарасты қалалық деңгейдегі 36 медициналық ұйым жұмыс істеп жатыр. Жалпы, 9424 маман, соның ішінде 3202 дәрігер және орта медицина қызметкерлері астаналықтарға әрқашан да көмек көрсетуге дайын.

Сонымен қатар, 36 мекеменің 22-сі бастапқы медициналық-санитарлық көмек көрсетеді. Бұдан басқа, 14 стационар бар, оның төртеуі көп бейінді, екеуі жұқпалы ауруларды емдеуге арналған, үшеуі перинаталды орталық, 4 мамандандырылған мекеме (Туберкулезге қарсы диспансер, Онкологиялық орталық, Медициналық-әлеуметтік оңалту орталығы, Психикалық денсаулық проблемаларының медициналық орталығы) және 9 басқа да медициналық ұйым.

– Ересектер арасында қан айналымы жүйесі аурулары, эндокриндік және онкологиялық аурулар жиі кездеседі. Ал балалар тыныс алу органдарының, жүйке жүйесі және қан, қан түзуші жүйе дерттеріне көп шалдығады, – дейді елордалық Денсаулық сақтау басқармасының басшысы Ерік Байжүнісов.

Оның айтуынша, медициналық көмек көрсетудің сапасын арттыру үшін біліктілікті арттыру және қайта даярлау курстары ұйымдастырылады. Жыл сайын 4 мыңға жуық медицина қызметкері оқытылады.

– Соңғы екі жылда тірі донордан бауыр ауыстырып салу бойынша 17 ота жасалды. Қазіргі заманғы эндобейнехирургиялық әдістерді енгізу жалғасады. Сонымен қатар, Францияның Густав Русси онкология институтымен ынтымақтастық орнату туралы меморандум аясында химиялық препараттарды орталықтан араластыру әдістемесі қолданылады, – деді ведомство басшысы.

astana.gov.kz/kk/modules/material/11025