Жұмыспен қамту орталығына 8 487 адам жүгінді. Олардың 4 233 адамы тұрақты жұмыс орындарына, 1 244 адам қоғамдық жұмыстарға жіберілді. Сондай-ақ, 623 адам кәсіптік оқытудан өтіп жатыр, 435 түлек жастар практикасына қатысуда, 105 жұмыссыз азамат әлеуметтік жұмыстарға орналастырылды.

Мұнымен қоса, жыл басынан бері 9 Бос орындар жәрмеңкесі, соның ішінде мүмкіндігі шектеулі тұлғалар үшін, әйелдер мен жастар және арнайы білім беру саласына да қатысты жәрмеңкелер өткізілді. Жұмыспен қамту орталығы жұмыс берушілерді «Халықты жұмыспен қамту туралы» ҚР Заңының нормалары мен ережелерін сақтау туралы ақпараттандырады.

Сонымен қатар, «Жұмыспен қамту жол картасы — 2020» бағдарламасы туралы елорда тұрғындарын хабардар етумен айналысатын мобильді топ жұмыс істейді. Елорда тұрғындары еңбек нарығындағы жағдай мен кадрларға сұраныс жайлы толық ақпарат ала алады.

Бұрын хабарланғандай, үстіміздегі жылдың екінші тоқсанының қорытындысы бойынша елордамызда еліміздің басқа аумақтарымен салыстырғанда жұмыссыздық деңгейі төмен болып, 4,7%-ды құрады. Сонымен қатар, қолға алынған шаралардын нәтижесінде әйелдер жұмыссыздығы 1,6 пайыздық бөлікке (6,3%-дан 4,7%-ға ) және жастар жұмыссыздығы 0,4 пайыздық бөлікке (5,6% -дан 5,2%-ға) төмендеген.

astana.gov.kz/kk/modules/material/11174

«Өнімді инновацияларды ынталандыру» атты жобаның негізгі мақсаты – озық ғылыми технологияларды өз елімізде қолға алып, өндіріске енгізу. Осыған орай, әрбір жобаға қыруар қаржы бөліп, оны идеядан бастап бизнес жобаға дейін дамыту жоспарланған. Сөйтіп, ғылым мен өндіріс арасындағы байланысты барынша күшейту көзделіп отыр. Конкурстың алғашқы кезеңі тамыздың аяғына дейін жалғасады. Сол уақытқа дейін нақты идеяны ұсыну қажет. Ал бизнес-жоспар мен жобаны іске асыру тәртібін кәсіби мамандармен бірлесіп әзірлеуге болады. Ол жұмысқа Ұлттық кәсіпкерлер палатасы атсалысуға даяр, деп хабарлайды Baq.kz тілшісі.

«Өткен айдың соңында ғылыми топтарға арналған гранттық бағдарлама жарияланды. Оның басты мақсаты – өз ғылыми зерттеулерін өндіріске, я болмаса, нарыққа шығарғысы келетін ғалымдарға қаржылай көмек көрсету. Грант екітүрлі топқа арналған. Біріншісі тәжірибесі мол беделді қазақстандық ғалымдарға арналса, екіншісі жас ғылыми қызметкерлерге беріледі. Іріктеу екі кезеңнен тұрады. Қазір бірінші кезең өтіп жатыр. Ол осы айдың аяғына дейін жалғасады. Гранттың көлеміне келер болса, аға ғылыми қызметкерлер тобына 230 млн. теңге берілсе, кіші ғылыми қызметкерлер тобына 180 млн. теңге қарастырылған», — «Өнімді инновацияларды ынталандыру» жобасы басқарушы тобы директорының орынбасары Алау Ахметжанов.

Оның айтуынша, топ басшысы міндетті түрде Қазақстан азаматы болуы тиіс. Бұдан басқа, топтың құрамына бір коммерцияландыру маманы, яғни бір кәсіпкер мен бір технолог кіруі керек. Барлық мүшелердің санын жетіге жеткізуге болады. Грант 3 жылға беріледі. Осы уақыттың ішінде ғалым өз технологиясы негізінде өнім өндіріп, оны нарыққа шығаруы тиіс. Сондай-ақ жобаға қосымша қаржы тартып, лицензиясын басқа елдерге сатқан жөн.

Жобаның жалпы құны – 110 млн. АҚШ доллары. Бұл ақшаны Дүниежүзілік банк заем ретінде беріп отыр. Сондықтан қаржының қайтарымына баса назар аударылады. Ал әрбір ғылыми жобаның тиімділігін тексеріп отыру үшін Ғылым мен коммерциализация бойынша халықаралық кеңес құрылады. Кеңес мүшелері жобаларды іріктеп, мониторинг жасайтын болады. Әзірше жобаның нақты бір бағытына шектеу жоқ. Ең бастысы, бизнес идея отандық өндірістің өнімділігін көтеруі шарт.

Толық ақпарат:fpip.kz

Енді ата-аналар оқушылардың үлгерімін электронды түрде бақылай алады. Биыл Edupage порталы арқылы Astana Learning Management System жобасы іске қосылады. Аталған жүйе веб-сайт форматында да, смартфондар мен планшеттерге арналған мобильді қосымша түрінде де жасалды.

Edupage порталының көмегімен сабақ кестесімен, бағалармен, үй тапсырмаларымен кез келген уақытта танысып, сабаққа қатысу журналын, асхана мәзірін көріп, қосымша оқу материалдарын алуға, тіпті сауалнамаларға да қатысуға болады.

Жоба мектеп жаңалықтарын, алмастырушы мұғалім, өткізілетін жиналыс немесе шаралар туралы ақпаратты тәулік бойы оқуға мүмкіндік береді. Ата-аналар мектеп әкімшілігімен және әр мұғаліммен тікелей байланыс орнатады.

Ал мұғалімдер болса, осы жүйенің көмегімен сабақ кестесін автоматты түрде жасап, барлық бағаларды электрондық түрде тіркейді.

Қосымшаны Play Market пен App Store-дан жүктеп алуға болады.

Жүйе іске қосылған кезде мектеп әкімшілігі оқушыларға пароль сөздер таратады.

Айта кетейік, бағдарлама ғаламтордың ең төмен жылдамдығымен жұмыс істейді.

astana.gov.kz/kk/modules/material/11172

Халықты жұмыспен қамтуды зерттеу мәліметтері бойынша үстіміздегі жылдың 2-ші тоқсанында жұмыссыздар саны 22,8 мың адамды, ал жалпы, жұмыссыздық деңгейі 4,7% құрады.

Астана қаласы статистикадепартаментінің мәліметінше, екінші тоқсанда Астана қаласының экономикасында 466,2 мың адам жұмыс істеген, соның ішінде 229,5 мыңы — ер, 236,7 мыңы — әйел.

Жұмыс істейтін адамдар құрылымында жалдамалы қызметкерлердің үлесі 95% немесе 442,8 мың адамды (соның ішінде 220,6 мыңы — ер, 222,2 мыңы — әйел) құрады, ал өзін-өзі жұмыспен қамтығандар саны 5% немесе 23,4 мың адамды (соның ішінде 8,8 мыңы — ер, 14,6 мың — әйел) құрады.

astana.gov.kz/kk/modules/material/11169

9-12 тамыз күндері Астанада ҚР Білім және ғылым министрлігінің қолдауымен «Қазақстан КВН Одағы» РЖҚБ «Жастар» жазғы фестивалін ұйымдастырды. Төрт күнге созылған шарада, еліміздің барлық аймағынан жиналған 73 жайдарман топтары түрлі ойындар өткізіп, семинар-тренингтерге қатысты.

Жазғы фестиваль аясында "Қазақстан КВН Одағы" РЖҚБ Президенті Есен Елеукен жайдарманшыларға семинар өткізді. Семинарда қазіргі мемлекеттік жастар саясатындағы жайдарманның рөлі туралы және алдағы осы бағыттағы жоспарлар, сонымен қатар жайдарманшылардың өзін қалай ұстау керектігі туралы айтылды.

Фестивальдің екінші күнінде Астанада тұңғыш рет «Жайдарман Импровиз-шоу» өтті. Танымал жайдарманшылардан арасында әзілді суырып салу мен ұшқыр ой көрсете алудан сайыстырды. 16 жайдарманшы төрт төрттен бөлініп, командалық түрде өнер көрсеткен шоу өз деңгейінде өтті деуге толық негіз бар.

Сайыс екі кезеңнен тұрады. Бірінші командаларға бір ситуациялық оқиға беріп, табан астында қиыннан қиыстыру керек болса, екінші кезеңде әр топтан бір-бір адамнан шығарып, бір жағдайды сомдап шығуға тапсырма берілді.
Жайдарман сахнасында тәжірибе жинап, талай сыннан өткен жайдарманшылар саспай, жоғары деңгейде өнер көрсете білді. Алайда шоу алғаш рет өтіп жатқандықтан, жеңімпаз анықталмады.
Алдағы уақытты тұрақты жалғастырып отыру жоспарда бар.

Фестивальдің үшінші күні Қазақстан КВН Одағы" мен Қазақ күресі федерациясы ұйымдастырып отырған жайдарманшылар арасында тұңғыш рет республикалық «Жайдарман барысы» өткен болатын.
Фестивальге келгендер арасынан іріктеліп алынған 16 жайдарманшы өзара күш сынасты. Сайыс өте тартысты өтті. Бастапқы кездесулер минутқа жетпей аяқталып жатса, кейінгі кездесулерде жеңімпаз соңғы секундтарда аяқталып жатты.
Сонымен екі сағатқа созылған «Жайдарман барысында» үшінші орынды қорғалжындық Саян Шәріпов, екінші орынды алматылық «Байланыс жігіттері» ойыншысы Дархан Сұлтанбай иеленді.

Бас жүлдені Арқалықтың «Спортфак» командасының ойыншысы Нұрқадір Әбдіқадір жеңіп алып, «Жайдарман барысы» атанды.

Шараға арнайы қонақ ретінде шақырылған "Қазақстан барысы-2014" атанған Мұхит Тұрсынов «Жайдарман барысының» беліне осы сайысқа арнайы жасалған белбеуді өз қолымен тақты.

Жалпы «Жайдарман барысы» республикалық деңгейде екінші рет өтіп отыр. Бұл жоба жастар арасында салауатты өмірді, сонымен қатар ұлттық құндылықтарды насихаттау мақсатында қолға алынған еді. Алдағы уақытта Қазақ күресі федерациясымен бірлесе отырып, «Жастар» жазғы фестивалінде дәстүрлі түрде өткізу жоспарлануда.

«Жастар» жазғы фестивалінің соңғы күнінде Халықаралық Жастар күніне орай гала-концерт өтті. Бұл кештің бұрынғыдан өзгешелігі – арнайы кубок ойнатылған болатын. Үздік деп табылған үш команда – «Қорғалжын құрамасы» (ІІІ орын) – 200 мың теңге, оралдық «Грант» (ІІ орын) – 300 мың теңге, маңғыстаулық топ «Боранқұл» (Бас жүлде) — 400 мың теңге сертификатын жеңіп алды.

Сонымен қатар, гала-концертте Жайдарманның жартылай финалына берер жалғыз жолдаманы астаналық «ЕҰУ құрамасы» иеленді.

Үш тілде оқыту биылғы жылы, тіпті 2017, 2018 жылы да емес, тек қана 2019 жылдан басталады және тек қана 10-11 сыныптарда жүргізіледі. Алдағы үш жылда кадрларды даярлау жоспарлары іске асырылады.

Инварианттық бөліктегі пәндерді оқыту тілі мынадай болып анықталды:

— қазақ тілінде оқытатын мектептердің жаратылыстану-математикалық бағыттағы 10-11 сыныптарында 2019 жылдан бастап барлық пәндер қазақ тілінде, тек қана физика, химия, биология, информатика – ағылшын тілінде, дүние жүзі тарихы, орыс тілі мен әдебиеті – орыс тілінде жүргізілмек. Вариативтік компонентті оқыту тілі – мектептің өз еркінде болады. 2019 жылға дейін мектептер жаратылыстану-математикалық бағыттағы пәндерді оқыту тілі ретінде ағылшын тілін таңдауға құқылы.

— орыс тілінде оқытатын мектептердің жаратылыстану-математикалық бағыттағы 10-11 сыныптарында 2019 жылдан бастап, барлық пәндер – орыс тілінде, тек қана физика, химия, биология, информатика – ағылышын тілінде, Қазақстан тарихы, қазақ тілі мен әдебиеті – қазақ тілінде жүргізіледі. Вариативтік компонентті оқыту тілін таңдау мектептің өз еркінде болады. 2019 жылға дейін мектептер жаратылыстану-математикалық бағыттағы пәндерді оқыту тілі ретінде қазақ және ағылшын тілдерін таңдауға құқылы.

2019 жылға дейін жаратылыстану-математикалық бағыттағы пәндерді ағылшын тілінде оқытуға өз еркімен көшкен мектептер үшін Министрлік қорытынды аттестаттауды пәндер бойынша қазақ, орыс, ағылшын тілдерінде дайындайды.

2017 жылы көктемде 9-11 сыныптарға арналған үш тілдегі емтихан материалдары әр мектепке жеткізілетін болады. Мектеп бітіруші қорытынды аттестаттау кезінде тілді таңдауға құқылы болады.

Сонымен қатар, мектеп бітіруші түлек қазақ тілі және әдебиеті пәні бойынша міндетті емтихан тапсыратын болады.

bilimnews.kz

Бүгінгі таңда Астана қаласының жергілікті атқарушы органдарына жалпы сомасы 95,5 млрд теңгені құрайтын 7405 өтініш келіп түсті. Соның ішінде, тұрғын және тұрғын емес нысандар, коммерциялық нысандар, сондай-ақ заңды тұлғаларға қатысу үлестері бар. Барлығы жалпы құны 31,8 млрд теңгені құрайтын 6826 нысан заңдастырылды.

Астана қаласының мемлекеттік кірістер органдарына шетелде орналасқан 10 нысан бойынша 440,8 млн теңгені құрайтын 8 арнайы декларация ұсынылды. Сонымен қатар, ҚР тыс орналасқан 6,3 млн теңгені құрайтын үш заңды тұлғаларға қатысу үлесі заңдастырылды.

Ақша қаражатын заңдастыру да жүргізіледі. Жалпы құны 416,3 млрд теңгені құрайтын 284 арнайы декларация ұсынылды, соның ішінде 8,3 млн теңге мөлшерінде 10% алым төлеу арқылы шотқа енгізбестен 82,5 млн теңге заңдастырылды. Сонымен қатар, 8,1 млн теңгені құрайтын бағалы қағаздар заңдастырылды.

astana.gov.kz/kk/modules/material/11152

Тамыздың 27-сі мен 28-і күндері «Арай» саябағында сағат 12-ден кешкі 20-ға дейін Astana food and fashion festival атты тамақ пен сән шарасы өтеді. Фестиваль ҚР Конституция күніне орайластырылып отыр. Келушілер ерекше ас мәзіріндегі тағамдардан дәм татып, қаладағы үздік дәмханалар мен мейрамханалардың қызықты ұсыныстарымен танысады. Сонымен қатар, фестиваль қонақтары отандық дизайнерлердің жаңа коллекцияларын, қолдан жасалған өнер туындыларын, аксессуарлар мен қазіргі заманғы қазақстандық суретшілердің арт-жобаларын тамашалайды.

Саябақ аумағы бірнеше аймаққа бөлінеді. Дәстүрлі «Шатыр», «Жерұйық» және «Көк базар» секцияларынан басқа, «Астана ЭКСПО-2017» ҰК» АҚ мейрамханалар мен дәмханаларға, қазақстандық кәсіпкерлер мен ШОБ өкілдеріне ақпараттық-таныстыру секторын ұсынады. Ал Pop Up Shop Astana аймағында дизайнерлік киім, әшекейлер, интерьер заттары мен көркемсурет галереясы жәрмеңкесі ұйымдастырылады.

Елордалық жетекші аспазшылар дұрыс тамақтану бойынша шеберлік сыныптарын, сайыстар өткізіп, дәрістер оқиды.

Айта кетейік, шараға Астана қаласының Recommended by EXPO-2017 серіктестері де қатысады.

Шара барысында бүкіл отбасыға арналған жәрмеңке өткізіліп, кроссфитке арналған ашық алаң жасалады. Балалар батуттарда секіріп, аквагрим, көркемдік пленэрлер, қолөнер студияларына, түрлі ойындарға қатысып, көңіл көтереді. Саябақтағы «Кинотеатр» секторында заманауи фильмдер көрсетіледі, ал «Чиллаут» аймағында қонақтарға ыстық кофе ұсынылады.

Astana food and fashion festival шарасы қазақстандық өнімдерді, брэндтер мен маркаларды дамытуға, отбасылар үшін қауіпсіз демалыс ұйымдастыруға, халықты салауатты өмір салтын ұстануға тартуға, сондай-ақ, қала тұрғындарын аспаздық пен сән әлеміндегі жаңалықтармен таныстыруға бағытталған. Биыл мерекелік шараға 10 мың адам келеді деп күтілуде.

astana.gov.kz/kk/modules/material/11154

Білім және ғылым министрлігінің мәлімдеуінше, оқу бағдарламаларының мазмұнын жаңартумен қатар, білім беру жүйесі жоспарлы түрде 5-күндік оқу аптасына көшірілмек.

Оқу жоспарларын үйлестіруді методолог мамандар мен ұстаздардан құралған топ қолға алған. Бірінші сынып оқушылары алдағы оқу жылын 2017 жылдың 30 мамырынан кешікпей аяқтайды.

Министрліктің жоспары бойынша, 5-күндік оқу аптасына көшірілгеннен кейін бастауыш сынып оқушылары оқуларын 30 мамырға дейін, ал негізгі және жоғары сыныптарда оқитындар – 10 маусымға дейін аяқтайды.

Жаңартылған мазмұн мен 5 күндік оқу аптасына көшу кестесі:

1 қыркүйек 2016 ж. – 1 сыныптар;

1 қыркүйек 2017 ж. – 1, 2, 5,7 сыныптар;

1 қыркүйек 2018 ж. – 1,2,3,5,6,7,8,10 сыныптар;

1 қыркүйек 2019 ж. – 1,2,3,4,5,6,7,8,9,10,11 сыныптар.

Бастауыш сыныптардағы кейбір сабақтарды пән мұғалімдері өткізетіндіктен, мұғалімнің апталық жұмыспен қамтылу мөлшері азаятындығы белгілі. Министрлік сол сағаттардың орнын толтырудың түрлі жолдарын мектеп директорлары мен мұғалімдермен талқылап, қарастыруда.

bilimnews.kz

Жағалығына жазығы беймәлім қызыл түлкіні өңгеріп алған ана әртіс жігіт нағыз өнердің киесін ұққан майталман екен. «Балқадишаны» зарлана айтып, көмейінен өксік толы әуенді әуелеткенде тойда отырған кейбір қатындар сүйегі қурап кеткен Балқадишаны қарғады-ай келіп, «Осындай жігіттің төресін еңіретіп қойған Балқадиша бетбақ екен» десті. Ән аяқталысымен ду-ду соғылған шапалақ пен қошеметке мас болған әртіс жігіт күлімдеп, самайынан тамшылай аққан терін иығындағы түлкінің құйрығымен бір сүртіп тастап, қолын кеудесіне қойып еңкейіп жұртшылыққа ілтипатын білдіруді ұмытқан жоқ. Өнерің үстем болсын деп нағашылар, құдалар, достар, жұмыстастар атынан беріліп жатқан шашуларды түлкі шапанының қалтасына сүңгітіп жатты. Шапан қалтасы әдейілеп терең етіп тігілсе керек.
Той қауымына қызмет етіп жүрген даяшы Әсемгүл аққұман ұстаған білегі дір-дір етіп әртіс жігіттен көзін ала алмады. Жасы елуді еңсеріп қалса да ашық-шашық иығына қоса омырауын ақырып кеткен қамырдай төгілтіп қойған сары шашты әйелдің жалаңаш етіне шай құйып алды. «Ах, ты, саплячка!» деп басталған айқай әртіс жігітке көрсетіліп жатқан қошеметтен асып түсті.
Дәретханадағы айнаның алдына келіп еңкілдеп жылады Әсемгүл. Табанынан таусылып жүріп табатыны екі мың теңге, оның үстіне долы әйелдердің айқайы мен сылқым қыздардың еркелігі жүйкесін жұқартатынын қосыңыз. Әнші болып туылса жаңағы әртіс жігіттей бұның да қалтасы қампаяр еді, гүлді көйлек киіп бұл да тойдың гүліне айналар еді. Жылап тұрып айнаға қарады. Домбығып ісіп кеткен сығыр көзі мен әлсін-әлсін су ағып пышылдап тұрған тәмпіш танауы әншіліктің ауылы алыс екенін айтып-ақ тастады.
«Сексен қыз серуенге шықса дағы...»
Жаңағы қоңыр әдемі дауыс дәл қасынан шықты. Шапанын шешіп тастап, ақ көйлек, ақ шалбар киген әртіс жігіт дәл жанына келіп тұр.
-Жылама, атың кім?
-Әсемгүл.
-Әсемгүл… Әсемгүл… – қапелімде бұнымен аттас қызға шығарылған әндер ойына келмеген соң басын қиқаң еткізіп бір қозғады да, — той біткенше кетіп қалма,-деп қалтасына қолын салып жіберіп, әркімнің алақанының тері мен кіріне тойып тұрған үш-төрт қағаз ақшаны уыстап алды Әсемгүлдің алақанына тастай сала асығыс шығып кетті.
Торғайға тұзақты қалай құрушы еді? Жем тастайтын алдына алдаусыратып… Әсемгүлдің жем, торғай, тұзақ туралы ойлауына әлі ерте, ақыл-ойы пісіп жетілмеген педагогикалық колледждің екінші курс студенті еді бар болғаны…

Той аяқталды. Өнер көрсеткен әртістер өзара даурығып алған.
-Сен бүгін Сәкеннен көп тапқан сияқтысын ақшаны.
— Сәкенге жете алмадым.
-Сәкенге оң мың жетпей қалды, — деп тапқан табыстарын Сәкеннің межесімен салыстыруларына қарағанда орталарындағы мерейі үстемі де, беделі биігі де Сәкен болса керек.
Жаңағы маңғаз, асқар таудай биік өнер иелері той тарқасымен пәс болып қалған. Әр үстелден артылып қалған орта шөлмек арақтарды бір-біріне араластырып ішіп, шеті тістелген тауықтың бұттарын ұрттары бұлтыңдап кеміріп отыр.
Тойхананың кіреберісінде тұрған Әсемгүлді көп күттірмей Сәкен де шықты сыртқа.
Іші толған домбыра, гитара, микрофон, темір-терсек, тіпті үкілі сәукелеге дейін тиелген машина отырып Әсемгүл Сәкенмен бірге келе жатыр. Қайда барамыз деп сұрау да ойына келмеді Әсемгүлдің.
Құрқылдайдың ұясындай бір уыс жатақхананың бөлмесіне ертіп алып келді.
-Ән айтып беремін,-деді Сәкен ішке кірерінде. Ән айтудың соңы Әсемгүлдің жігіт атаулымен алғаш рет сүйісуіне ұласты.
«Апам біліп қалса ше, апам біліп қалса ше? Өлтіреді мені» деп тұншыға сыбырлағаны Сәкеннің жағымсыз ыңыранған дауысынан асып кете алмады, өзінен басқа ешкім де естімеді. Қызығушылық пен қорқыныш алма кезек ауысқан сезімнің еркіне еріп есі кіресілі-шығасылы Әсемгүл жағдайды пайымдап та үлгермеді.
Сәкеннің салмағына езіліп, мыжғыланып, жансызданып қалған екі санын сипалап отырып:
-Біз үйленеміз ғой, иә?-деді Әсемгүл.
Сәкен жуап қайтармады. Орынынан тұра беріп, аяқ астына шалқасынан жатқан домбыраға сүрініп қала жаздады да, теуіп жіберді. Дыңғыр-дыңғыр етіп түсініксіз әуен шығарған домбыра өкпелеп қалғандай бір бұрышқа сарт етіп барып құлады.
Әсемгүл де темір кереуетті сақыр-сұқыр еткізіп жалп етіп етпетінен сұлқ құлады да, сыңсып жылап қоя берді.
-Тағы да ақша берем, үстіңе күшті көйлек сатып аласың,- деген Сәкеннің сөзін естімеді де.