Астанада 7-13 тамыз аралығында жастармен жұмыстың тетігі жөнінде әлеуметті кеңінен ақпараттандыруды арттыру мақсатында «Жастармен жұмыс аптасы» жобасы өтеді.

Аталмыш шараны «Жастар» ғылыми-зерттеу орталығы ұйымдастыруда. Жоба аясында 7 тамызда сағат 15.00-де ҚР Тұңғыш Президенті кітапханасында «Жасампаздық энергиясы» конференциясы өтеді. Оған түрлі ұйымдар мен жастар ресурстік орталығының, жастар ұйымдарының өкілдері мен «Астана ЭКСПО-2017» халықаралық мамандандырылған көрмесінің еріктілері қатысып, жас адамдардың әлеуметтік және жеке дамуы бойынша жобаны таныстырады.

Ұйымдастырушылар атап өткендей, конференция форматына сәйкес әр спикер 15 ішінде өзінің идеясымен таныстырады немесе жастармен жұмыс тәжірибесі жөнінде айтады.

Таныстырылым аяқталған соң, көрермендер 3 сұрақ қоя алады, онымен бірге өзінің пікірімен де бөлісе алады. Осылайша тәжірибе және білім алмасу жүреді, пікірталас өтеді. Арнайы қағазда «кері байланыста» ұсынылған қатысушылардың кеңестері жазылады. Конференция қорытындысы бойынша кеңестер жазылып, сарапталады, кейін ол ұйымдастырушылар мен спикерлерге жіберіледі.

Жетісуда өткен 28-30 шілде аралығында «BlogCamp Alakol summer school» шарасында бүгінгі күннің трендті болып тұрған электронды БАҚ пен әлеуметтік желінің жілігін шашқан мамандар масстер-класс өткізіп, өз білімдерімен бөлісті.
Қазақстанның әр өңірінен келген қатысушылар Алматы облысының Алакөл жағалауында екі күн бойы сабақ алып, білімдерін жетілдірді.
Жазғы мектептің ашылу салтанатына облыс әкімінің орынбасары Жақсылық Омар, Орталық коммуникациялар қызметінің директоры Артур Нығметов, Алматы облыстық «Жетісу» телеарнасының директоры әрі «Айтуға оңай» бағдарламасының жүргізушісі Бейсен Құранбек және облыстық ішкі саясат басқармасының басшысы Рустам Әлиұлы, еліміздің белгілі журналистері мен блогерлері бас қосты.

Басқосуда алғашқы сөз облыс әкімінің орынбасары Омар Мұқашұлына беріліп, әлеуметтік желідегі мәдениеттілік пен интернет журналистикасы жайында сөз қозғалып, «BlogCamp Alakol summer school» жазғы мектебінің жұмысына сәттілік тіледі.
«Қазақстан Республикасының статистика комитетінің мәліметінше, 2008 жылы әлеуметтік желі қолданушылары Алматы облысында небәрі 7,3 пайызды құраса, 2016 жылғы статистика 88,2% болғанын көрсетеді. Бұл көрсеткіш облыс тұрғындарының ғаламтор мүмкіндіктерін жақсы меңгергенін көрсетеді», — деп атап өтті Жақсылық Омар.
Екі күнге жалғасқан шараға еліміздің медиа тұлғалары Айдос Сарым, Әлішер Елікбаев, Яков Федеров пен Өркен Кенжебек сынды азаматтар қатысушыларға мастер-класс өткізді. Көл жағалауында өткен бұл шарада көптеген қызықты ақпараттар берілді. Сонымен қатар, әлеуметтік желі белсенділері Елбасының «Болашаққа бағдар: Рухани жаңғыру» мақаласында айтылған бағыттарды қолдай отырып, Қазақстанды жаңа кезеңге алып шығу жайын талқылады.

Жергілікті атқарушы органның БАҚ-пен байланысы жөнінде мастер-класста Әлішер Елікбаев Қазақстанның түрлі мекемелері мен компанияларының әлеуметтік желідегі артықшылығы мен кемшіліктерін нақты кейстер арқылы көрсетіп, қандай жағдайда қандай амалдар істеу керектігін жеткізді.
Ал, мастер-класстарын тандеммен өткізген Яков Федеров пен Өркен Кенжебек аудиториямен жұмыс істеу арқылы практикалық тәжірбие жинауға көп мүмкіндік берді.
Электорондық БАҚ пен әлеуметтік желіні тиімді қолдана білуді үйрететін «BlogCamp Alakol summer school» шарасында еліміздің барлық өңірінен келген желі белсенділері мен аймақтардағы Өңірлік коммуникациялар қызметінінің өкілдері, жалпы саны 70-тен астам адам қатысты.

Қазіргі уақытта, яғни, 21 ғасырда бала тәрбиесі «психологиялық қиындықтар» тақырыбына етене сіңгені белгілі. Бала тәрбиесімен айналысу көп ата-аналарға қиындық тудырып отырғаны жасырын емес. Бұл тұста ата-аналар кінәні баланың айналасынан, яғни, бала өмір сүріп жүрген ортадан іздейді. Бірақ,өздерінен емес. Бұл кезде көпшілік ата-аналар психологқа жүгінеді. Бұл, жалпы тұрғыда, дұрыс емес шешім.

Мен де баламын. жасым 15-тің соңында тұрса да «бала» деп аталып келемін. Қазіргі уақытта, жасөспірім кезеңде, мен де «мінезі қиын бала» қатарына ілігіп үлгергенмін. Дегенмен, мен психологтан бас тартуды жөн көретін жасөспірімдердің арасында көш бастап тұрмын десем де артық емес. Сол себепті, мен сіздерге бірнеше кеңес ұсынғым келіп отыр. «Бала» деп көзге ілмесеңіз, қатты қателесесіз. Менің ойым мен сіздің балаңыздың ойы сай келуі ғажап емес.

БАЛАНЫҢ МІНЕЗІ ӨЗГЕРГЕН ЖАҒДАЙДА НЕ ІСТЕУ ҚАЖЕТ?

Балаңыздың мінезі өзгеріп жүргенін байқасаңыз, оған жақын болуға тырысыңыз. Бала сізден тек уақыт пен көңілді талап ететінін білуіңіз керек. Балаңыздың мінезі өзгеріп жүрген уақытта сіз оның «анасы» немесе "әкесі" емес, «досы» болуыңыз керек. Яғни, онымен бір рет болса да серуенге шығыңыз; аптасына бір рет сырттан тамақтануды ұсыныңыз; телефон ойындарын бірге ойнаңыз; екеуіңізге ортақ зат алуды немесе қолдан жасауды ұсыныңыз; балаңызға ол білмейтін бір құпияңызды айтыңыз; оның ойын бөліп жүрген нәрселер туралы біліп, онымен ашық сөйлесіңіз. (Аталған кеңестер сізге міндетті түрде көмек береді!)

ЖАСӨСПІРІМ БАЛАҢЫЗДЫҢ «ЕКІНШІ ЖАРТЫСЫ» ПАЙДА БОЛҒАН ЖАҒДАЙДА НЕ ІСТЕУ ҚАЖЕТ?

Жасөспірімдердің көпшілігі үлкендердің «кездесуін» жасайтыны туралы шындықты дұрыс қабылдай біліңіз.


Егер балаңыз «махаббат» кезеңінде болса, оған ұрысып сөйлеудің қажеті жоқ. Ең алдымен, оның расымен де кездесіп жүрген жігіті немесе қызы бар екеніне көзіңізді жеткізіңіз. Нақты көз жеткізген соң балаңыздың өзінен сұраңыз. Қатал үнмен сұраудың қажеті жоқ. Әрине, ол сізге бірден мойындамауы мүмкін. Сіз одан күліп сұрау арқылы, танысқыңыз келетінін айту арқылы немесе басыңызда сондай жағдай болғанын айту арқылы дұрыс жауап ала аласыз. Балаңызға ашық, жақын сөйлеу арқылы сіз оның қорқынышы мен сенімсіздігін жою аласыз. Егер балаңыз кездесіп жүрген адамы бар екенін мойындаса, сіз оған бірден «запрет» қоймаңыз. Бірден тыйым салғаныңыз балаңыздың сізге деген сенімін жояды. Оның кездесіп жүрген адамымен қаншалықты жақын екенін, не туралы сөйлесетіндерін, бір-бірін қалай атайтынын, кездесуге қаншалықты жиі шығатынын, кездескенде не істейтінін нақты болмаса да шамамен біліп алғаныңыз жөн. Қазіргі жасөспірімдердің барлық әрекетке бара алатынын ескеріңіз. Ол әрекеттер болашақ үшін қауіпті болуы мүмкін. Балаңызды жаман әрекетке бармауға жай сөзбен үгіттеңіз. Оның эмоцияларына қарауды ұмытпаңыз. Сіздің айтқаныңызға құлақ аспай жатса, еркіне қойыңыз. Балаңыз өз басынан өткізбейінше, сізге де, сіздің сөзіңізге де иланбайды. »Махаббат не істетпейді". Әрі қарай болып жатқан жағдайға қарай балаңызды өз сөзіңізбен тоқтата аласыз.

БАЛАҢЫЗ ИНТЕРНЕТ ЖЕЛІСІНДЕ КӨП УАҚЫТ ӨТКІЗЕТІН ЖАҒДАЙДА НЕ ІСТЕУ КЕРЕК?

Қазірге кезде төрт баланың үшеуі интернет желісіне байланған. Сіздің де балаңыз интернет торынан шыға алмай, көп уақытты телефон, планшет, компьютер ішінде өткізетін болса, оған ұрысып, мобильді байланысты немесе вайфайды үзіп тастаудың қажеті жоқ. Балаңызды зиян әрі мағынасыз әлемнен шығару үшін байланыстарды емес, өзіңізді пайдаланыңыз. Балаңызды барынша адамдармен бірге уақыт өткізуге бағыттаңыз. Балаңыз өзін жалғыз сезінген жағдайда интернет әлемінде өмір сүруді дұрыс көретінін ескеріңіз. Достарымен серуенге, пикникке, сауықкештерге баруына үгіттеңіз. Кешкі уақытпен балаңызды ертіп қала аралауға шығыңыз. Күндіз бос болсаңыз балаңызбен бірге кино қараңыз. Балаңыздың қалауы интернеттен алыстамай жатса да, өзіңіз бала болып, ерке қылықтар жасап, көндіруге тырысыңыз. Егер қаражатыңыз жеткілікті болса балаңызбен бірге дүкен аралауға шығыңыз. Дүкен аралау барлық жасөспірімге жағымды әсер қалдырып, интернетсіз уақыт сыйлайтынын ұмытпаңыз. Сіз осылай ғана балаңызды интернет желісінен алыстата аласыз. Мобильді байланыстарды істен шығара салуыңыз балаға кері әсерін тигізетінін ұмытпаңыз.

Жоғарыда аталған кеңестер психологтан емес, қарапайым жасөспірім баладан шыққанын дұрысынан ескеріңіз. Мен де жасөспірім болғандықтан, өз қалауымды сіздерге «кеңес» ретінде қалдырып отырмын. Бұл кеңестер сізге көмектесері анық. Не жағдай болса да, балаңызды өзіңізден алыстатып алмаңыз. Бұл жасөспірімдер үшін, біз үшін, тым ауыр. Балаңызға психолог болатын өзіңіз ғана. Аталған кеңестерді өз керектеріңізге пайдаланыңыздар!

Астана қаласы әкімдігінің жұмыспен қамту орталығында прокуратура, жергілікті полиция өкілдері мен жұмыс берушілердің қатысуымен оқушыларды жұмыспен қамту бойынша кездесу өтті.

Астана қаласы ІІДжергілікті полициясының ювеналдық полициясы жыл сайын құқық бұзушылық әрекет жасаған кәмелет жасқа толмағандарды оңалту аясында оларды жұмысқа орналастыру және жаз мезгілінде бос уақыттарын ұйымдастыру шараларын өткізеді. Бұл бағыттағы жұмыстарға Астана қаласының жұмыспен қамту, еңбек және әлеуметтік бағдарламалар, жастар мәселелері жөніндегі, білім басқармалары және елорда прокуратурасы тікелей және белсенді түрде қатысады.

Орталыққа жұмыс іздеп 16 мен 18 жас аралығындағы 10 бозбала келген.

«Скиф Трейд» ЖШС, «Magnumcash&carry», «Крепеж Маркет» ЖШС оларға бөлшектеуші, сатушы, жүк тиеуші, кассир және сауда өкілі жұмыстарын ұсынды.

— Біздің кездесуіміздің негізгі мақсаты –жұмысқа орналасуға көмектесу, өзге мемлекеттік органдармен қарым-қатынас орнату, балаларға қиын жағдайда көмек көрсету, — деді тұрғындарды жұмыспен қамту орталығы директорының әлеуметтік сұрақтар бойынша кеңесшісі Арнұр Искаков.

Клубтарға тұрақты түрде екі мыңнан астам балалар мен бозбалалар барады, деп хабарлайды астаналық әкімдіктің медиа орталығы.

-Бүгінгі таңда Астана әкімдігінің қолдауымен 18 аула клубтары жұмыс істейді. Секциялар мен үйірмелердің жалпы саны- 109. Аула клубтарына тұрақты 2089 бала мен бозбалалар барады. Келесі жылы Астана қаласы әкімі Әсет Исекешевтің бастамасымен аула клубтарының санын 30-ға дейін жеткізу көзделген, — деп хабарлады елорда әкімдігінің медиа орталық тілшісіне «Астана жастары» КММ жетекшісі Мұхамеджан Болысбек.

Оның сөзінше, өткен жылмен салыстырғанда биыл клубтарға баратындар саны екі есеге өскен. Аула клубтарының басым бөлігі «Алматы» ауданында орналасқан, мұнда 10 аула клубы бар. Ал, қалғандары Астананың өзге аудандарында.

Бүгінде аула клубтары елордалық жастардың бос уақытын өткізетін және жеке қабілеттерін дамытатын орталыққа айналды. Клубтарда каратэ, бокс, еркін күрес, қол күресі, дзюдо, стол теннисі, шахмат және шашки бойынша секциялардың кең түрі қарастырылған.

Бұдан бөлек, жастарға шығармашылық таланттарын шыңдауға мүмкіндік беретін әртүрлі үйірмелер ашылған. Ал, спорт, ұлттық, және қолданбалы өнер, хореография және музыка салауатты өмір салтына баулиды.

-Бүгінде аула клубтарына баратын балалар мен бозбалалар спортпен айналысып, техникалық шығармашылыққа үйрене алады, өздерінің көшбасшылық қабілеттерін дамытады. Сол себепті қаланың барлық тұрғындарына балаларын аула клубтарына әкеліп, тегін оқытуға шақырамыз, — дейді Мұхамеджан Болысбек.

Бүгін елорда әкімдігінде қала басшысы Әсет Исекешевтің төрағалығымен міндетті әлеуметтік медициналық сақтандыру жүйесін енгізу жөнінде ақпараттық-түсіндірме жұмыстары бойынша кеңейтілген жиналыс өтті.

Жиналыс жұмысына ҚР Денсаулық сақтау министрі Елжан Біртанов, аудан әкімдері, қалалық ведомство басшылары, медициналық мекемелер мен бизнес қауымдастығының өкілдері қатысты.

-Қазақстанда 1 шілдеден бастап ресми түрде міндетті әлеуметтік медициналық сақтандыру жүйесі енгізілді. Алғаш болып әлеуметтік медициналық сақтандыру қорына жұмыс берушілер мен жеке кәсіпкерлер төлем жүргізе бастады. Тұрғындар медициналық көмекті 2018 жылдың қаңтарынын бастап міндетті медициналық сақтандыру жүйесі арқылы ала бастайды.

Бұл реформаның маңыздылығы – әр Қазақстан азаматының қызығушылығы қамтылады. Сол себепті біз осы жиналысқа елорданың бизнес өкілдерін шақырдық, — деді әкім шараға қатысушыларға.

Өз кезегінде Қазақстан Республикасының денсаулық сақтау министрі Елжан Біртанов медициналық қызметтің қолжетімділігі мен сапасын арттыратын елдегі жүргізіліп жатқан бұл реформаның маңыздылығы туралы айтты.

— Егер бүгін қазақстандықтардың денсаулығын зерттейтін болсақ, біз жақсы динамиканы байқаймыз. Мысалы, ұзақ өмір сүру ұлғайған, ана мен бала өлімі азайған деген секілді негізгі көрсеткіштер қуантарлық. Бұған қоса, тұрғындардың қартаюына байланысты аурулар құрылымы өзгеруде. Бүгінде ақша эквивалентінде медициналық қызметті тұтыну артуда, — деп атап өтті министр.

Министр қазіргі қолданыстағы бюджеттік модельмен салыстырғанда міндетті әлеуметтік медициналық сақтандыру жүйесінің тімді тұстары көп: тұрғындардың денсаулығын қадағалау саласында тең жауапкершілік сақталады – мемлекет – жұмыс беруші – азамат, қолжетімділік теңдігі, әлеуметтік бағыттаушылық және МӘМС сипаты.

Жүйені кезеңімен енгізу тұрғындарға жаңа реформаға көшуге мүмкіндік береді.

Нақтырақ айтар болсақ, 2017 жылдың шілдесінен бастап жұмыс берушілер 1 % бөліп отырады, 2018 жылдан әр қызметкердің еңбекақысынан 1,5%, 2020 жылдан – 2%, 2022 жылдан – 3% бөлінеді.

Жұмыскерлердің бөлуі 2019 жылдан — 1%, 2020 жылдан -2% құрайды. Өзін жұмыспен қамтығандар, оның ішінде жеке кәсіпкерлер, мамандандырылған медиаторлар, азаматтық-құқықтық келісімшарты негізінде қаржы алатын жеке тұлға 1 шілдеден 2 төменгі еңбекақыдан 5% бөледі (1% е.а.- 1414 теңге)

«Әлеуметтік медициналық сақтандыру қоры» коммерциялық емес акционерлік қоғамы басқармасының төрайымыЕлена Бахмутова талқылау кезінде жиналғандарға жүйенің барлық кезеңі туралы жан-жақты түсіндірді. Қор жетекшісі МӘМС аясында медициналық көмектің қолжетімділігі туралы айтып берді. Бұдан бөлек сарапшы міндетті ерікті сақтандыру мен жеңілдік қарастырылған тұрғындар санаты туралы баяндады.

-Егер адам жеңілдік санатында болса, онда оған төлем жасаудың қажеті жоқ, жеке кәсіпкер де АҚК бойынша да төлем жүргізбейді. Мемлекет бұл міндетті өзіне алады, — деп мәлімдеді қор жетекшісі.

Жаңа жүйе «мүмкіндігінше төлеу — қажеттілік бойынша алу» принципі бойынша жұмыс істейді, деп аяқтады Бахмутова.

Жиналыс қортындысы бойынша қатысушылар қызықтырған сұрақтарға толық жауап алды.

(Андаман теңізінен Сары теңізге дейін ірілі ұсақты су көрген адамның түйгені деп білерсіз)

1. Əрине, отандық туризмді дамытуға үлес. Ыстықкөлден артық болмаса, кем емес. Неге əншейінше ұлт, ел деп сайрап демалуға келгенде шетелге тартуым керек?
2. Алакөл суының емдік қасиеті. Судың минерализациясы 1,2 — 11,6 г/л. Су құрамы хлоридті-натрийлі жəне хлоридті-сульфатты-натрийлі. Алакөл суында фтор мен бром құрамы жоғары. Баяғыда Шыңғысхан əскерлері осы су жағасында аялдап жарақаттарынан жазылып күш жинайды екен.
3. Табиғат сұлулығы. Сəт сайын түсі өзгеріп түрлі реңге айналып тұрған айдынға қарап көңіліңіз көтеріледі. Аспанда шаңқылдап жүрген шағалалар. Толқынның жағаға ұрған дауысы бүкіл проблеманы ұмыттырады.
4. Жол қысқарды. Астанадан Үшаралға əуе қатынасы ашылды. Екі сағатта Үшаралға жетсеңіз (билеті 16 мың), Алакөл жағасындағы Ақши, Көктұмаға 1 сағаттық жол. Жол əрине нашар. Бірақ көл бəрін ұмыттырады.
5. Арзан. Көл жағасында үйдің күндік құны 5 мыңнан басталады. Комфорт қаласаңыз пансионаттар бар. Олардың құны 10 мыңнан 50 мыңға дейінгі аралықта. Ең эконом номерлердің өзінде душ, дəретхана, кондиционер, кабельді TV, интернет бар. Толыққанды түскі ас шамамен 1200-1800 аралығында.

P.S. Жалпы, кез келген демалыс өзіңізге байланысты. Жақсы көңіл күймен келсеңіз, аспан ашық, су жылы, адамдар мейірбан. Кержақ адам жұмақтан да кілтипан табады.

14 фирма, 16 оффшор.

.

«Мамандықтар қаласы» әлеуметтік жоба болып табылады, коммерциялық емес. Жобаны Астана қаласы әкімдігімен халықаралық Community журналымен бірлесе отырып іске асырады. Халықаралық Community журналы 4 жыл қатарынан Украина елінде аталмыш жобаны сәтті жүзеге асыруда.

Жоба бойынша балалар түрлі мамандықта өздерін байқап көре алады.

— Мен әр баланың бала күнінен өзінің қалауымен бағытын таңдап, болашаққа ұмтылса деймін. Бұл тұрғыда мен адам өз ісін сүйіп іске асыратын болса, кәсібінде ең үздік маман болады деген ойдамын. Соған орай жасаған жұмысының сапасы да жақсы болады. Біздің мақсатымыз өз кәсібін сүйетін, жұмысын сапалы жасайтын адамдардың санын көбейту. Сол арқылы біздің өміріміздің сапасы жақсарады деген сенімдемін, — дейді ұлттық «Мамандықтар қаласы» жобасы туралы өз ойымен бөлісті идеолог Татьяна Люлька.

Жобаның 3 негізгі бағыты бар. Біріншісі – болашақта таңдайтын кәсібі туралы, сол сала туралы ақпаратқа қанық болу үшін мамандыққа бейімделу. Екіншісі – балаларды еңбекке баулу, еңбегіннің жемісін көру, ақшаның құндылығын сезіну. Үшінші бағыт статистикаға байланысты, онда қазіргі кезде адамдардың көбісі алған мамандықтарымен жұмыс істемейтіндері туралы айтылады. Бұндай үрдіс ТМД мемлекеттері аумағында әлі күнге дейін сақталуда. 2016 жылы жобаға Украинаның 25 қаласында 326 675 бала қатысты. Бір күн ішінде елордалық балғындар ересектердің кейпіне еніп, мамандыққа бейімделіп, ақшаны «өздігінен» табуды үйренеді.

19 тамызда сағат 11.00-ден «Арай» саябағында интерактивті қалашық іске қосылады. Саябаққа кіруде әр бүлдіршін еңбек кітапшасы болып табылатын құжатқа ие болады, әрі қарай «жұмысқа орналасу» сюжет көрсетіледі. 2-18 жас аралығындағы әр бала ойын түрінде шеберлік сабақтарына қатысады.

100-ден астам мамандық ұсынылады, оның ішінде құтқарушы, өрт сөндіруші, кинолог, дәрігер, мұғалім, криминалшы, агроном, құрылысшы, шаштараз, банк қызметкері және т.б.

3-4 сағат аралығында әр бала әр салада өзінің қабілетін көре алады. Ұйымдастырушылардың айтуынша, бұл баланың қабілетін анықтауға мүмкіндік беретін жақсы бастама.

Кішкентай «қызметкерлер» түрлі сувенирлер мен тәттілер дүкенінде өзінің қалағанын сатып ала алатын қаржы — «жалақы» алады. Ол дүкен «Мамандықтар қаласы» аумағында орналасқан. Бұл дүкеннен қалағанын сатып алу үшін әр бала 15-20 мамандықты «игеру» керек.